ಆರಂಭ ಪಂದ್ಯ ಸೋಲಿನಲ್ಲೂ ದಾಖಲೆ ಬರೆದ ಮುಂಬೈ ಇಂಡಿಯನ್ಸ್

ಸೋಲಿನಲ್ಲೂ ದಾಖಲೆ:

2013ರಿಂದ ಇಲ್ಲಿ ತನಕ ಮುಂಬೈ ಮುಂಬೈ ಇಂಡಿಯನ್ಸ್ ತಂಡ ಸತತ 8 ಸೋಲು ಕಂಡಿದೆ. ಈ ಮೂಲಕ 2013ರಿಂದ ಮೊದಲ ಪಂದ್ಯ ಸೋಲುವ ಮೂಲಕ ಅತಿ ಹೆಚ್ಚು ಮೊದಲ ಪಂದ್ಯ ಸೋತಿರುವ ತಂಡ ಎಂಬ ದಾಖಲೆ ಬರೆದಿದೆ. ಆದರೆ ಈ ಅವಧಿಯಲ್ಲೇ ರೋಹಿತ್ ಶರ್ಮ ಪಡೆ ನಾಲ್ಕು ಬಾರಿ ಐಪಿಎಲ್ ಕಪ್ ಎತ್ತಿರುವುದು ವಿಶೇಷ. ಐಪಿಎಲ್ ಮೊದಲ ಪಂದ್ಯದ ಕಗ್ಗಂಟು ಇನ್ನೂ ಬಿಡಿಸಲು ಮುಂಬೈಗೆ ಆಗಿಲ್ಲ, ಆದರೆ ಅದರಿಂದ ತಂಡದ ಆಟದ ಮೇಲೆ ಯಾವುದೇ ಪರಿಣಾಮ ಬೀರಿಲ್ಲ. ಮೊದಲ ಪಂದ್ಯ ಸೋತರೂ ಕೊನೆಯಲ್ಲಿ ಕಪ್ ಎತ್ತಿದ ದಾಖಲೆಯೂ ಮುಂಬೈ ಹೆಸರಿನಲ್ಲಿದೆ.

ಈ ಸಲ ಕಪ್ ಈ ತಂಡಕ್ಕೆ-ಕ್ರಿಕೆಟ್ ಬುಕ್ಕಿಗಳ ಭವಿಷ್ಯ ಬಹಿರಂಗ

ಕೆಕೆಆರ್ ವಿರುದ್ಧ ಸತತ ಸೋಲು

2013 ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ಧ 2 ರನ್ ಗಳಿಂದ ಸೋಲು
2014ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ 41ರನ್ ಗಳಿಂದ ಸೋಲು
2015ರಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ 7 ವಿಕೆಟ್ ನಿಂದ ಸೋಲು

ಸತತ ಸೋಲಿನ ಶನಿ ಮುಂಬೈ ಇಂಡಿಯನ್ ತಂಡದ ಹೆಗಲೇರುವಂತೆ ಮಾಡಿದ್ದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಎಂದರೆ ತಪ್ಪಾಗಲಾರದು. 2013ರಲ್ಲಿ ಮುಂಬೈ ವಿರುದ್ಧ ಆರ್ ಸಿಬಿ ರೋಚಕ ಜಯ ದಾಖಲಿಸಿತ್ತು. ಮುಂಬೈಗೆ ಪ್ರತಿ ಸೀಸನ್ ಮೊದಲ ಪಂದ್ಯ ಕಳೆದುಕೊಳ್ಳುವ ಶಾಪವೂ ಅಂಟಿಕೊಂಡಿತು.

ಐಪಿಎಲ್: ರಾಯುಡು-ಪ್ಲೆಸಿಸ್ ಸಾಹಸ, ಮುಂಬೈ ಮಣಿಸಿದ ಚೆನ್ನೈ

ರೈಸಿಂಗ್ ಪುಣೆ ದಾಖಲೆ

2016ರಲ್ಲಿ ರೈಸಿಂಗ್ ಪುಣೆ ಸೂಪರ್ ಜೈಂಟ್ ವಿರುದ್ಧ 9 ವಿಕೆಟ್ ನಿಂದ ಸೋಲು
2017ರಲ್ಲಿ ರೈಸಿಂಗ್ ಪುಣೆ ಸೂಪರ್ ಜೈಂಟ್ ವಿರುದ್ಧ 7 ವಿಕೆಟ್ ನಿಂದ ಸೋಲು

ರೈಸಿಂಗ್ ಪುಣೆ ಸೂಪರ್ ಜೈಂಟ್ ತಂಡ ಸದ್ಯ ಐಪಿಎಲ್ ನಲ್ಲಿ ಆಡುತ್ತಿಲ್ಲ ತಂಡದ ಅಸ್ತಿತ್ವವೇ ಇಲ್ಲ ಆದರೆ, ಸತತವಾಗಿ ಚಾಂಪಿಯನ್ ತಂಡದ ವಿರುದ್ಧ ಮೊದಲ ಪಂದ್ಯ ಗೆದ್ದ ದಾಖಲೆ ಬರೆದಿದೆ.

ಚೆನ್ನೈ ವಿರುದ್ಧ ಎರಡು ಬಾರಿ ಸೋಲು

2018ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 1 ವಿಕೆಟ್ ನಿಂದ ಸೋಲು
2019ರಲ್ಲಿ ಡೆಲ್ಲಿ ಕ್ಯಾಪಿಟಲ್ ವಿರುದ್ಧ 37ರನ್ ಗಳಿಂದ ಸೋಲು
2020ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ 5 ವಿಕೆಟ್ ಗಳಿಂದ ಸೋಲು

ಕೆಕೆಆರ್, ಪುಣೆ ಅಲ್ಲದೆ ಚೆನ್ನೈ ವಿರುದ್ಧವೂ ಎರಡು ಬಾರಿ ಮುಂಬೈ ಇಂಡಿಯನ್ ಮೊದಲ ಪಂದ್ಯ ಸೋತಿದೆ.

ಐಪಿಎಲ್ 2020: ಎಲ್ಲಾ ಪಂದ್ಯಗಳ ಸಂಪೂರ್ಣ ವೇಳಾಪಟ್ಟಿ ಪ್ರಕಟ!