Babar Azam: ಅಫ್ಘಾನ್ ವಿರುದ್ಧ ಡಕ್ ಔಟ್; ಇಮ್ರಾನ್ ಖಾನ್‌ರ ಅನಗತ್ಯ ದಾಖಲೆ ಸರಿಗಟ್ಟಿದ ಬಾಬರ್ ಅಜಂ

ಮಂಗಳವಾರ, ಆಗಸ್ಟ್ 22ರಂದು ಶ್ರೀಲಂಕಾದಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಅಫ್ಘಾನಿಸ್ತಾನ ತಂಡವನ್ನು ಪಾಕಿಸ್ತಾನ ತಂಡವು 142 ರನ್‌ಗಳ ಬೃಹತ್ ಅಂತರದಿಂದ ಸೋಲಿಸುವ ಮೂಲಕ ಮುಂಬರುವ ಏಷ್ಯಾಕಪ್‌ಗೆ ಗೆಲುವಿನ ಸೂಚನೆಯೊಂದಿಗೆ ತನ್ನ ತಯಾರಿಯನ್ನು ಆರಂಭಿಸಿದೆ.

ಪಾಕಿಸ್ತಾನ ನೀಡಿದ್ದ 202 ರನ್‌ಗಳ ಸುಲಭದ ಗುರಿ ಬೆನ್ನಟ್ಟಿದ ಅಫ್ಘಾನಿಸ್ತಾನ ತಂಡ ಕೇವಲ 59 ರನ್‌ಗಳಿಗೆ ಆಲೌಟ್ ಆಯಿತು. ಈ ಮೂಲಕ ಬಾಬರ್ ಅಜಂ ನಾಯಕತ್ವದ ಪಾಕಿಸ್ತಾನ ತಂಡ ಮೂರು ಪಂದ್ಯಗಳ ಸರಣಿಯಲ್ಲಿ 1-0 ಅಂತರದಿಂದ ಮುನ್ನಡೆ ಸಾಧಿಸಿದೆ.

ದೊಡ್ಡ ಅಂತರದಿಂದ ಗೆಲುವಿನ ಭಾಗದಲ್ಲಿ ಕೊನೆಗೊಂಡರೂ, ಈ ಪಂದ್ಯವು ಪಾಕಿಸ್ತಾನ ತಂಡದ ನಾಯಕ ಬಾಬರ್ ಅಜಂಗೆ ಕೆಟ್ಟದಾಗಿತ್ತತು. ಏಕೆಂದರೆ ಅವರು ಸೊನ್ನೆಗೆ ಔಟಾದರು ಮತ್ತು ನಾಯಕನಾಗಿ ಅನಗತ್ಯ ದಾಖಲೆಯನ್ನು ನಿರ್ಮಿಸಿದರು.

ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿದ ಪಾಕಿಸ್ತಾನ ತಂಡ ಫಖರ್ ಜಮಾನ್ ಅವರ ಆರಂಭಿಕ ವಿಕೆಟ್ ಕಳೆದುಕೊಂಡಿತು. ನಂತರ ಬಂದ ಬಾಬರ್ ಅಜಂ ಅವರು ಮುಜೀಬ್ ಉರ್ ರೆಹಮಾನ್ ಅವರ ಬೌಲಿಂಗ್‌ನಲ್ಲಿ ಎಲ್‌ಬಿಡಬ್ಲ್ಯೂ ಆದರು. ಬಾಬರ್ ಅಜಂ 50 ಓವರ್ ಮಾದರಿಯಲ್ಲಿ (ಏಕದಿನ ಕ್ರಿಕೆಟ್) ನಾಲ್ಕನೇ ಬಾರಿ ಮತ್ತು ನಾಯಕನಾಗಿ ಎರಡನೇ ಬಾರಿಗೆ ಡಕ್‌ಗೆ ಔಟಾದರು.

ಈ ಅಂಕಿ ಅಂಶದೊಂದಿಗೆ, ಬಾಬರ್ ಅಜಂ 1992ರ ವಿಶ್ವಕಪ್ ವಿಜೇತ ನಾಯಕ ಇಮ್ರಾನ್ ಖಾನ್, ಜಾವೇದ್ ಮಿಯಾಂದಾದ್, ಅಜರ್ ಅಲಿ ಮತ್ತು ಯೂನಿಸ್ ಖಾನ್ ಅವರ ದಾಖಲೆಯನ್ನು ಸರಿಗಟ್ಟಿದರು.

28 ವರ್ಷದ ಬ್ಯಾಟರ್ ಬಾಬರ್ ಅಜಂ ಈಗ ಪಟ್ಟಿಯಲ್ಲಿ 4ನೇ ಸ್ಥಾನದಲ್ಲಿದ್ದಾರೆ, ಇದು ಡಕ್‌ನಲ್ಲಿ ಎಂಟು ಔಟ್‌ಗಳೊಂದಿಗೆ ಮಾಜಿ ಕ್ರಿಕೆಟಿಗ ವಾಸಿಂ ಅಕ್ರಂ ಈ ಪಟ್ಟಿಯ ನೇತೃತ್ವ ವಹಿಸಿದ್ದಾರೆ.

ಎರಡು ಮತ್ತು ಮೂರನೇ ಸ್ಥಾನವನ್ನು ಇಂಜಮಾಮ್-ಉಲ್-ಹಕ್ ಮತ್ತು ಮೊಯಿನ್ ಖಾನ್ ತಲಾ ನಾಲ್ಕು ಬಾರಿ ಡಕ್‌ಗೆ ಔಟಾಗಿದ್ದರೆ ಮತ್ತು ಮಿಸ್ಬಾ-ಉಲ್-ಹಕ್ ಮೂರು ಬಾರಿ ಡಕ್‌ಗೆ ಔಟಾಗುವುದರೊಂದಿಗೆ ಪಡೆದುಕೊಂಡಿದ್ದಾರೆ.

ಮತ್ತೊಂದೆಡೆ, ಅಫ್ಘಾನಿಸ್ತಾನದ ಮುಜೀಬ್ ಉರ್ ರೆಹಮಾನ್ ಅವರು ಬಾಬರ್ ಅಜಂರನ್ನು ಡಕ್‌ಗೆ ಔಟ್ ಮಾಡಿದ ಮೊದಲ ಸ್ಪಿನ್ನರ್ ಎನಿಸಿಕೊಂಡರು.

ಪಂದ್ಯದ ಕುರಿತು ಹೇಳುವುದಾದರೆ, ಮಂಗಳವಾರ ಶ್ರೀಲಂಕಾದ ಹಂಬಂಟೋಟಾದಲ್ಲಿ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಪಾಕಿಸ್ತಾನಕ್ಕೆ 142 ರನ್‌ಗಳ ಭರ್ಜರಿ ಗೆಲುವು ನೀಡುವ ಮೂಲಕ ಅಫ್ಘಾನಿಸ್ತಾನದ ವಿರುದ್ಧ ವೇಗದ ದಾಳಿಯ ನೇತೃತ್ವವನ್ನು ಹ್ಯಾರಿಸ್ ರೌಫ್ ತಮ್ಮ ವೃತ್ತಿಜೀವನದ ಅತ್ಯುತ್ತಮ ಐದು ವಿಕೆಟ್ ಸಾಧನೆಯೊಂದಿಗೆ ಮುನ್ನಡೆಸಿದರು.

ಹ್ಯಾರಿಸ್ ರೌಫ್ ಅವರು 6.2 ಓವರ್‌ಗಳಲ್ಲಿ 18 ರನ್‌ಗಳಿಗೆ 5 ವಿಕೆಟ್ ಪಡೆಯುವ ಮೂಲಕ ಅಫ್ಘಾನಿಸ್ತಾನದ ಬ್ಯಾಟಿಂಗ್ ಬಲವನ್ನು ಛಿದ್ರಗೊಳಿಸಿದರು. ಹೀಗಾಗಿ ಅಫ್ಘಾನಿಸ್ತಾನವು 19.2 ಓವರ್‌ಗಳಲ್ಲಿ 59 ರನ್‌ಗಳ ತನ್ನ ಎರಡನೇ ಅತ್ಯಂತ ಕಡಿಮೆ ಏಕದಿನ ಮೊತ್ತವನ್ನು ದಾಖಲಿಸಿದರು. ಇದಕ್ಕೂ ಮುನ್ನ ಪಾಕಿಸ್ತಾನ 47.1 ಓವರ್‌ಗಳಲ್ಲಿ 201 ರನ್‌ಗಳಿಗೆ ಆಲೌಟ್ ಆಗಿತ್ತು.

ಈ ಗೆಲುವಿನ ಮೂಲಕ ಮೂರು ಪಂದ್ಯಗಳ ಸರಣಿಯಲ್ಲಿ ಪಾಕಿಸ್ತಾನಕ್ಕೆ 1-0 ಮುನ್ನಡೆ ನೀಡುತ್ತದೆ. ಎರಡು ರಾಷ್ಟ್ರಗಳ ನಡುವಿನ ಎರಡನೇ ಮತ್ತು ಏಕದಿನ ಪಂದ್ಯಗಳು ಗುರುವಾರ ಮತ್ತು ಶನಿವಾರದಂದು ಕೊಲಂಬೊದಲ್ಲಿ ನಡೆಯಲಿವೆ.