ವಿಶ್ವಕಪ್‌ಗೂ ಮೊದಲು ಪಾಕ್‌ ಬ್ಯಾಟ್ಸ್ಮನ್‌ಗೆ ಸಚಿನ್ ಸಲಹೆ ಬೇಕಂತೆ!

ಪಾದಾರ್ಪಣೆ ಪಂದ್ಯದಲ್ಲೇ ಶತಕ

ಮಾರ್ಚ್ 29ರಂದು ದುಬೈ ಇಂಟರ್‌ ನ್ಯಾಷನಲ್ ಸ್ಟೇಡಿಯಂನಲ್ಲಿ ನಡೆದಿದ್ದ ಆಸೀಸ್-ಪಾಕ್ 4ನೇ ಏಕದಿನ ಪಂದ್ಯದಲ್ಲಿ ಅಬಿದ್ ಅಲಿ 119 ಎಸೆತಗಳಿಗೆ 112 ರನ್ ಬಾರಿಸಿದ್ದರು. ಈ ಪಂದ್ಯವನ್ನು ಆಸ್ಟ್ರೇಲಿಯಾ 6 ರನ್‌ಗಳಿಂದ ಗೆದ್ದಿತ್ತು. ಪಾದಾರ್ಪಣೆ ಪಂದ್ಯದಲ್ಲೇ ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದ್ದ ಅಲಿಗೆ ಪಾಕ್, ಕ್ರಿಕೆಟ್ ವಿಶ್ವಕಪ್‌ ತಂಡದಲ್ಲಿ ಸ್ಥಾನ ನೀಡಿದೆ.

ಎತ್ತರದಲ್ಲಿ ಇಬ್ಬರೂ ಸಮ

ದೈಹಿಕವಾಗಿ ತೆಂಡೂಲ್ಕರ್ ಎತ್ತರಕ್ಕಿರುವ ಅಲಿಗೆ ಸಾಧನೆಯಲ್ಲಿ ತನಗಿಂತ ಎಷ್ಟೋಪಾಲು ಎತ್ತರಕ್ಕಿರುವ ಭಾರತದ ಕ್ರಿಕೆಟ್ ದಿಗ್ಗಜನ ಮೇಲೆ ಇನ್ನಿಲ್ಲದ ಗೌರವ-ಪ್ರೀತಿ. ಟೆಸ್ಟ್‌ನಲ್ಲಿ ಅತ್ಯಧಿಕ ರನ್ (15,921), ಏಕದಿನದಲ್ಲೂ 18,426 ರನ್, 51 ಟೆಸ್ಟ್ ಶತಕ, 49 ಏಕದಿನ ಶತಕಗಳ ದಾಖಲೆ ಹೊಂದಿರುವ ಸಚಿನ್‌ನ ಮಾತಾಡಿಸುವ ಆಸೆ ಅಲಿಗೆ.

ಮತ್ತೆ ಹಿಂದೆ ಸರಿಯಲಾರೆ

'ಸಚಿನ್ ಭೇಟಿಯಾಗೋದು ನನ್ನ ಮಹದಾಸೆ. ಅದು ಈಡೇರುತ್ತದೆಯೆಂದೂ ನಂಬಿದ್ದೇನೆ. ಅವರನ್ನೊಮ್ಮೆ ಪ್ರೀತಿಯಿಂದ ಅಪ್ಪಬೇಕೆಂದಿದ್ದೇನೆ. ಎಲ್ಲಾ ಯುವ ಆಟಗಾರರು ಆ ಸಾಧಕನನ್ನು ಭೇಟಿಯಾಗುವಂತೆ ನಾನೂ ಭೇಟಿಯಾಗಬಲ್ಲೆ ಎಂಬ ವಿಶ್ವಾಸ ನನ್ನದು. ಈ ವಿಚಾರದಲ್ಲಿ ಮತ್ತೆ ಹಿಂಸರಿಯಲಾರೆ' ಎಂದು ಸುದ್ದಿಗಾರರೊಂದಿಗೆ ಮಾತನಾಡುತ್ತ ಅಬಿದ್ ಹೇಳಿಕೊಂಡಿದ್ದಾರೆ.

ಅದು ಅಪೂರ್ವ ದಿನವಾಗಲಿದೆ

'ಶ್ರೇಷ್ಠ ಬ್ಯಾಟ್ಸ್ಮನ್ ಎನಿಸಿರುವ ತೆಂಡೂಲ್ಕರ್ ಅವರನ್ನು ನಾನು ಯಾವತ್ತು ಭೇಟಿ ಮಾಡುತ್ತೇನೋ ಆದಿನ ನನ್ನ ಪಾಲಿಗೆ ಅಪೂರ್ವವೆನಿಸಲಿದೆ. ವೆಸ್ಟ್ ಇಂಡೀಸ್‌ ಕ್ರಿಕೆಟ್ ದಂತಕತೆ ವಿವಿಯನ್ ರಿಚರ್ಡ್ಸ್ ಸೇರಿದಂತೆ ಎಲ್ಲ ಕ್ರಿಕೆಟ್ ಸಾಧಕರನ್ನು ಭೇಟಿಯಾಗಿ ಅವರಿಂದ ಒಂದಷ್ಟು ಕಲಿತುಕೊಳ್ಳಬೇಕಿದೆ' ಎಂದು ಅಲಿ ವಿವರಿಸಿದರು.