ಮೋರೆ, ಶ್ರೇಯಸ್ ದಾಳಿಗೆ ಛತ್ತೀಸ್ ಗಢ ತತ್ತರ: ಕರ್ನಾಟಕಕ್ಕೆ ಭರ್ಜರಿ ಜಯ

ಅವನೀಶ್-ಅಮನ್ದೀಪ್ ಜೊತೆಯಾಟ

ಕಠಿಣ ಗುರಿ ಇದ್ದಿದ್ದರಿಂದ ಡ್ರಾ ಮಾಡಿಕೊಳ್ಳುವ ಯೋಜನೆಯೊಂದಿಗೆ ಎರಡನೆಯ ಇನ್ನಿಂಗ್ಸ್ ಶುರುಮಾಡಿದ ಛತ್ತೀಸ್ ಗಢಕ್ಕೆ ಮಿಥುನ್ ಮತ್ತು ರೋನಿತ್ ಮೋರೆ ಆಘಾತ ನೀಡಿದರು. 42 ರನ್‌ಗೆ ಎರಡು ವಿಕೆಟ್ ಕಳೆದುಕೊಂಡಿದ್ದ ತಂಡಕ್ಕೆ ಅವನೀಶ್ ಧಲಿವಾಲ್ ಮತ್ತು ಅಮನ್ದೀಪ್ ಖರೆ ಆಸರೆಯಾದರು. ಇಬ್ಬರೂ ಸುಮಾರು 30 ಓವರ್‌ ಕಾಲ ವಿಕೆಟ್ ಬೀಳದಂತೆ ನೋಡಿಕೊಂಡು ಆತಿಥೇಯರಲ್ಲಿ ಕಳವಳ ಮೂಡಿಸಿದ್ದರು. ಈ ಜೋಡಿಯ 65 ರನ್‌ಗಳ ಜೊತೆಯಾಟವನ್ನು ಶ್ರೇಯಸ್ ಗೋಪಾಲ್ ಮುರಿದರು.

ಸಿಡ್ನಿ ಟೆಸ್ಟ್ ಪಂದ್ಯಕ್ಕಾಗಿ ಟೀಂ ಇಂಡಿಯಾದ ಸಂಭಾವ್ಯ XI

ಶ್ರೇಯಸ್, ಮೋರೆ ದಾಳಿ

ಬಳಿಕ ಛತ್ತೀಸ್ ಗಢದ ಪತನದ ಹಾದಿ ಆರಂಭವಾಯಿತು. ನಾಲ್ಕು ಓವರ್‌ಗಳಲ್ಲಿ ಅವನೀಶ್ ಕೂಡ ಶ್ರೇಯಸ್‌ಗೆ ವಿಕೆಟ್ ಒಪ್ಪಿಸಿದರು. ಬಳಿಕ ಅಶುತೋಷ್ ಸಿಂಗ್ ಹೊರತುಪಡಿಸಿ ಉಳಿದ ಯಾವ ಬ್ಯಾಟ್ಸ್‌ಮನ್‌ಗಳೂ ಕರ್ನಾಟಕದ ಬೌಲಿಂಗ್ ದಾಳಿಯನ್ನು ಎದುರಿಸುವ ಛಾತಿ ತೋರಿಸಲಿಲ್ಲ. 39 ರನ್ ಸೇರಿಸುವಷ್ಟರಲ್ಲಿ ಕೊನೆಯ ಏಳು ವಿಕೆಟ್‌ಗಳನ್ನು ಛತ್ತೀಸ್ ಗಢ ಕಳೆದುಕೊಂಡಿತು.

ಸಿಡ್ನಿ ಟೆಸ್ಟ್ ಪಂದ್ಯಕ್ಕೆ ರವಿಚಂದ್ರನ್ ಅಶ್ವಿನ್ ಅಲಭ್ಯ

ರೋನಿತ್ ಮೋರೆ ಪಂದ್ಯ ಶ್ರೇಷ್ಠ

ಎರಡೂ ಇನ್ನಿಂಗ್ಸ್‌ಗಳಿಂದ ಒಂಬತ್ತು ವಿಕೆಟ್ ಪಡೆದ ರೋನಿತ್ ಮೋರೆ ಪಂದ್ಯ ಶ್ರೇಷ್ಠ ಗೌರವಕ್ಕೆ ಪಾತ್ರರಾದರು. ವಿನಯ್ ಕುಮಾರ್ ಅವರಿಂದ ನಾಯಕತ್ವದ ಹೊಣೆಯನ್ನು ವಹಿಸಿಕೊಂಡಿರುವ ಮನೀಶ್ ಪಾಂಡೆ ಅವರಿಗೆ ಇದು ಸತತ ಎರಡನೆಯ ಗೆಲುವು. ಈ ಪಂದ್ಯದಿಂದ ರಾಜ್ಯ ತಂಡಕ್ಕೆ ಆರು ಅಂಕಗಳು ದೊರೆತಿವೆ. ಈ ಮೂಲಕ ಕರ್ನಾಟಕ ಎಲೈಟ್ ಎ ಗುಂಪಿನಲ್ಲಿ 27 ಅಂಕಗಳೊಂದಿಗೆ ಎರಡನೆಯ ಸ್ಥಾನವನ್ನು ಪಡೆದುಕೊಂಡಿದೆ.

ಕರ್ನಾಟಕ ಸ್ಕೋರ್

418 & 129/7 (49.3) ಮನೀಶ್ ಪಾಂಡೆ 102* ಅಭಿಮನ್ಯು ಮಿಥುನ್ 33*, ಶ್ರೇಯಸ್ ಗೋಪಾಲ್ 22, ಪಂಕಜ್ ಕುಮಾರ್ ರಾವ್ 67/4, ಅಜಯ್ ಜಾಧವ್ ಮಂಡಲ್ 30/1

ಛತ್ತೀಸ್ ಗಢ ಸ್ಕೋರ್

283 & 156/10 (57) ಅವನೀಶ್ ಧಲಿವಾಲ್ 61, ಅಮನ್ದೀಪ್ ಖರೆ 35, ಅಶುತೋಷ್ ಶಿಂಗ್ 16* ರೋನಿತ್ ಮೋರೆ 35/4, ಶ್ರೇಯಸ್ ಗೋಪಾಲ್ 44/4, ಅಭಿಮನ್ಯು ಮಿಥುನ್ 16/1