ಟ್ವಿಟ್ಟರ್‌ನಲ್ಲಿ ಆರ್‌ಸಿಬಿಯ ಜನ್ಮ ಜಾಲಾಡಿದ ನೆಟ್ಟಿಗರು

ದುಖಃದಲ್ಲಿ ಮುಳುಗಿದ ಆರ್‌ಸಿಬಿ ಫ್ಯಾನ್

ಮಳೆಯಲ್ಲಿ ಒಂಟಿಯಾಗಿ ಕೂತ ಪಿಂಕ್ ಪ್ಯಾಂತರ್‌ ನ ಚಿತ್ರ ಹಾಕಿ, ಆರ್‌ಸಿಬಿ ಅಭಿಮಾನಿಯ ಸದ್ಯದ ಪರಿಸ್ಥಿತಿ ಇದು ಎಂದು ಟ್ವೀಟ್ ಮಾಡಿದ್ದಾನೆ ಇಲ್ಲೊಬ್ಬ ಪುಣ್ಯಾತ್ಮ.

ಆರ್‌ಸಿಬಿ ಬೌಲರ್‌ಗಳು ಜೊಮೆಟೋ ಡೆಲಿವರಿ ಬಾಯ್‌ಗಳು

ಆರ್‌ಸಿಬಿ ಬೌಲರ್‌ಗಳು ಜೊಮೆಟೊ, ಸ್ವಿಗ್ಗಿಯ ಡೆಲಿವರಿ ಬಾಯ್‌ಗಳ ಥರ. ಅವರ ಪ್ರತಿ ಎಸೆತ (ಇಂಗ್ಲಿಷ್‌ನಲ್ಲಿ ಡೆಲಿವರಿ) ಎದುರಾಳಿಗಳಿಗೆ ರುಚಿಕರವಾಗಿ ಕಾಣುತ್ತಿದೆ ಎಂದು ಟ್ರೋಲ್ ಹೈಕ್ಳು ಆರ್‌ಸಿಬಿ ಬೌಲಿಂಗ್ ಅನ್ನು ಹಾಸ್ಯಮಯವಾಗಿ ಟೀಕಿಸಿದ್ದಾರೆ.

ಈವರೆಗಿನ ಅತ್ಯಂತ ಹೀನಾಯ ಸೋಲು ಇದು: ಕೊಹ್ಲಿ ಬೇಸರ

ಆರ್‌ಸಿಬಿ ಅಭಿಯನ್ನು ಕಣ್ಣು ಮುಚ್ಚಿ ಮದುವೆಯಾಗಿ

ಹುಡುಗಿಯರೇ ನಿಮ್ಮ ಬಾಯ್ ಫ್ರೆಂಡ್ ಆರ್‌ಸಿಬಿ ಫ್ಯಾನ್ ಆಗಿದ್ದರೆ, ಕಣ್ಣು ಮುಚ್ಚಿಕೊಂಡು ಆತನನ್ನು ಮದುವೆಯಾಗಿರಿ, ಆತನಷ್ಟು ಪ್ರಾಮಾಣಿಕ ಇನ್ನಾರು ಇರಲು ಸಾಧ್ಯವಿಲ್ಲ, ಆರ್‌ಸಿಬಿ ಇಷ್ಟು ವರ್ಷಗಳಿಂದ ಸೋಲುತ್ತಿದ್ದರೂ ಸಹ ಆತ ತನ್ನ ಅಭಿಮಾನ ಬದಲಿಸಿಲ್ಲ, ಹೀಗೆ ಸಿಹಿಯಾಗಿ ಕಾಲೆಳೆಯುವ ಟ್ವೀಟ್ ಮಾಡಿದವರು ವಿಶಾಲ್ ರಾಜ್.

ಬ್ರೆಸ್ಟೊ ಒಬ್ಬನೇ ಆರ್‌ಸಿಬಿಯ ಸೋಲಿಸಿದ

ನಿನ್ನೆಯ ಪಂದ್ಯದಲ್ಲಿ ಜಾನಿ ಬ್ರೆಸ್ಟೊ ಒಬ್ಬನೇ 114 ರನ್ ಚೆಚ್ಚಿದ್ದ, ಆದರೆ ಆರ್‌ಸಿಬಿಯ ಎಲ್ಲ ಆಟಗಾರರು ಸೇರಿ 113 ರನ್ ಹೊಡೆದರು. ಬ್ರೆಸ್ಟೋವ್ ಒಬ್ಬನೇ ಆರ್‌ಸಿಬಿಯನ್ನು ಒಂದು ರನ್‌ನಿಂದ ಸೋಲಿಸಿದಂತಾಯಿತು.

ಆರ್‌ಸಿಬಿ ಬೌಲರ್‌ಗಳ ಕತೆ

ಬೆಳಿಗ್ಗೆ ಏಳು, ಸ್ನಾನ ಮಾಡು, ಚೆನ್ನಾಗಿ ಹೊಡೆಸಿಕೊ, ರಾತ್ರಿ ನಿದ್ದೆ ಮಾಡು, ಮತ್ತೆ ನಾಳೆ ಅದನ್ನೇ ಪುನರಾವರ್ತನೆ ಮಾಡು ಇಷ್ಟೆ ಆರ್‌ಸಿಬಿ ಬೌಲರ್‌ಗಳ ಕತೆ.

ಆರ್‌ಸಿಬಿ ಕಪ್ ಗೆಲ್ಲಲ್ಲ

ಯಾರು ಬೇಕಾದರೂ ಐಪಿಎಲ್ ಗೆಲ್ಲಬಹುದು ಆದರೆ ಬೆಂಗಳೂರು ಕಪ್ ಗೆಲ್ಲಲ್ಲ ಎಂದವರೊಬ್ಬರು ಸಾಕ್ಷಿಯಾಗಿ ಚಿತ್ರವೊಂದನ್ನು ಹಾಕಿದ್ದಾರೆ. ಬೆಂಗಳೂರು ದಂಡು ಪ್ರದೇಶದ ರೈಲ್ವೆ ಸ್ಟೇಷನ್‌ನ ಚಿತ್ರದಲ್ಲಿ ಬೆಂಗಳೂರು ಕಂಟೋನ್ಮೆಂಟ್ ಅನ್ನು ಇಂಗ್ಲಿಷ್‌ನಲ್ಲಿ 'Bengaluru Cant.' ಎಂದು ಬರೆಯಲಾಗಿದೆ, ಇದರ ಕನ್ನಡ ಅನುವಾದ ಬೆಂಗಳೂರಿಗೆ ಸಾಧ್ಯವಿಲ್ಲ ಎಂದು.