RCB vs CSK: ಇಬ್ಬರು ಬೌಲರ್‌ಗಳಿಂದ 10 ಎಸೆತಗಳಿಗೆ ಸಾಕ್ಷಿಯಾದ ಮೊದಲ ಇನ್ನಿಂಗ್ಸ್‌ನ ಕೊನೆಯ ಓವರ್‌!

2023ರ ಐಪಿಎಲ್‌ನ 24ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ತಂಡಗಳು ಮೂಖಾಮುಖಿಯಾದವು. ಈ ಹೈ-ವೋಲ್ಟೇಜ್ ಪಂದ್ಯದ ಮೊದಲ ಇನ್ನಿಂಗ್ಸ್‌ನ ಕೊನೆಯ ಓವರ್ 10 ಎಸೆತಗಳಿಗೆ ಸಾಕ್ಷಿಯಾಯಿತು.

ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಸಿಎಸ್‌ಕೆ ನಿಗದಿತ 20 ಓವರ್‌ಗಳಲ್ಲಿ 6 ವಿಕೆಟ್‌ಗೆ 226 ರನ್‌ಗಳ ಬೃಹತ್ ಮೊತ್ತ ದಾಖಲಿಸಿತು. ಇದೇ ವೇಳೆ ಈ ಇನ್ನಿಂಗ್ಸ್‌ನ ಕೊನೆಯ ಓವರ್‌ ಅನ್ನು ಆರ್‌ಸಿಬಿಯ ಇಬ್ಬರು ಬೌಲರ್‌ಗಳು ಬೌಲ್ ಮಾಡಿದರು ಮತ್ತು 10 ಎಸೆತಗಳನ್ನು ಎಸೆದರು.

ಸಿಎಸ್‌ಕೆ ಬ್ಯಾಟರ್‌ಗಳು ಪ್ರತಿಯೊಂದು ಅವಕಾಶದಲ್ಲೂ ದೊಡ್ಡ ಶಾಟ್‌ಗಳನ್ನು ಬಾರಿಸುವುದರೊಂದಿಗೆ ಆರ್‌ಸಿಬಿ ಬೌಲರ್‌ಗಳ ಬೆವರಿಳಿಸಿದರು. ಮೊದಲ ಇನ್ನಿಂಗ್ಸ್‌ನ 20ನೇ ಓವರ್‌ನಲ್ಲಿ ಫಾಫ್ ಡು ಪ್ಲೆಸಿಸ್ ನಾಯಕತ್ವದ ಆರ್‌ಸಿಬಿ ತಂಡ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಹೆಚ್ಚಿನ ರನ್ ಬಿಟ್ಟುಕೊಟ್ಟರು.

ಇನ್ನಿಂಗ್ಸ್‌ನ ಅಂತಿಮ ಓವರ್‌ನಲ್ಲಿ ವೇಗಿ ಹರ್ಷಲ್ ಪಟೇಲ್‌ಗೆ ಚೆಂಡನ್ನು ನೀಡಲಾಯಿತು. ಆಗ ಮೊದಲ ಎಸೆತದಲ್ಲಿ ಒಂದು ರನ್ ನೀಡಿದರು. ಮುಂದಿನ ಎಸೆತದಲ್ಲಿ ಮಿತಿಗಿಂತ ಹೆಚ್ಚಿನ ರೀತಿಯಲ್ಲಿ ಪೂರ್ಣ ಟಾಸ್ ಬೌಲ್ ಮಾಡಿದರು. ಅದನ್ನು ಆನ್-ಫೀಲ್ಡ್ ಅಂಪೈರ್ ನೋ-ಬಾಲ್ ಎಂದು ನಿರ್ಣಯ ನೀಡಿದರು.

ಸ್ಟ್ರೈಕ್‌ನಲ್ಲಿದ್ದ ರವೀಂದ್ರ ಜಡೇಜಾ ಫ್ರೀ ಹಿಟ್‌ನ ಲಾಭವನ್ನು ಪಡೆಯಲು ಸಾಧ್ಯವಾಗಲಿಲ್ಲ. ಪ್ಯಾಡ್‌ಗೆ ಬಡಿದು ಹೋದ ಕಾರಣ ಮತ್ತೆ ಒಂದು ರನ್ ಮಾತ್ರ ತೆಗೆದುಕೊಂಡರು.

ನಂತರ ಮೂರನೇ ಎಸೆತ ಕ್ರೀಸ್‌ನಲ್ಲಿದ್ದ ಮೊಯಿನ್ ಅಲಿ ಅವರಿಗೆ ಎಸೆದಾಗ ವೈಡ್ ಆಗಿತ್ತು. ನಂತರದ ಎಸೆತದಲ್ಲಿ ಹರ್ಷಲ್ ಪಟೇಲ್ ಮತ್ತೊಮ್ಮೆ ಸೊಂಟದ ಎತ್ತರದ ನೋ-ಬಾಲ್ ಬೌಲ್ ಮಾಡಿದರು. ಚಾಲ್ತಿಯಲ್ಲಿರುವ ಕ್ರಿಕೆಟ್ ಕಾನೂನಿನ ಪ್ರಕಾರ, ಎರಡು ಬಾರಿ ಸೊಂಟದ ಮೇಲೆ ಬೌಲ್ ಮಾಡಿದರೆ, ಮತ್ತೆ ಬೌಲಿಂಗ್ ಮಾಡಲು ಸಾಧ್ಯವಾಗುವುದಿಲ್ಲ.

ಈ ವೇಳೆ ಹಂಗಾಮಿ ನಾಯಕ ಗ್ಲೆನ್ ಮ್ಯಾಕ್ಸ್‌ವೆಲ್ ಓವರ್‌ನ ಉಳಿದ ಭಾಗವನ್ನು ಬೌಲ್ ಮಾಡುವ ಜವಾಬ್ದಾರಿಯನ್ನು ವಹಿಸಿಕೊಂಡರು. ಓವರ್‌ನ ಎರಡನೇ ಫ್ರೀ ಹಿಟ್‌ನಲ್ಲಿ ರವೀಂದ್ರ ಜಡೇಜಾ ಸಿಕ್ಸರ್ ಹೊಡೆದರು. ಬಳಿಕ ನಾಲ್ಕನೇ ಚೆಂಡಿನ ಲಾಭ ಪಡೆಯಲು ವಿಫಲರಾದ ರವೀಂದ್ರ ಜಡೇಜಾ ಲಾಂಗ್ ಆಫ್‌ನಲ್ಲಿ ಫೀಲ್ಡರ್ ಅನ್ನು ಹುಡುಕು ಹೊಡೆದು ಕ್ಯಾಚ್ ನೀಡಿದರು.

ಎರಡು ಎಸೆತಗಳು ಬಾಕಿ ಇದ್ದಾಗ, 8ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಬಂದ ಸಿಎಸ್‌ಕೆ ನಾಯಕ ಎಂಎಸ್ ಧೋನಿ 5ನೇ ಎಸೆತದಲ್ಲಿ ಒಂದು ರನ್ ತೆಗೆದುಕೊಂಡರೆ, ಕೊನೆಯ ಎಸೆತದಲ್ಲಿ ಮೊಯಿನ್ ಅಲಿ ಒಂದು ರನ್ ಮಾತ್ರ ಕದ್ದರು. ಒಟ್ಟಾರೆಯಾಗಿ, ಅಂತಿಮ ಓವರ್‌ನಲ್ಲಿ ಹತ್ತು ಎಸೆತಗಳನ್ನು ಎಸೆಯಲಾದರೆ, ಒಟ್ಟು 16 ರನ್‌ಗಳು ಹರಿದುಬಂದವು.

ಇದಕ್ಕೂ ಮೊದಲು ಆರಂಭಿಕ ಡೆವೊನ್ ಕಾನ್ವೆ 45 ಎಸೆತಗಳಲ್ಲಿ 83 ರನ್ ಬಾರಿಸಿದರೆ, ಅಜಿಂಕ್ಯಾ ರಹಾನೆ 20 ಎಸೆತಗಳಲ್ಲಿ 37 ರನ್ ಗಳಿಸಿದರು. ನಂತರ ಶಿವಂ ದುಬೆ 27 ಎಸೆತಗಳಲ್ಲಿ ಸ್ಫೋಟಕ 52 ರನ್ ಬಾರಿಸಿದರು. ಸಿಎಸ್‌ಕೆ ಬ್ಯಾಟಿಂಗ್ ವೇಳೆ ಎಂಡು ಮತ್ತು ಹದಿನೈದನೇ ಓವರ್‌ಗಳ ನಡುವೆ 105 ರನ್ ಬಂದರೆ, 16-20 ಓವರ್‌ಗಳ ನಡುವೆ ಗಳಿಸಿದ 61 ರನ್‌ಗಳು ಹರಿದು ಬಂದವು.