'12ನೇ ಆಟಗಾರನಾಗಿ ಬಂದ್ರೂ ಕೆ.ಎಲ್ ರಾಹುಲ್ ಶತಕ ಬಾರಿಸ್ತಾನೆ !'

12ನೇ ಆಟಗಾರನಾಗಿಯೂ ಶತಕ ಬಾರಿಸಬಲ್ಲ!

ರಾಹುಲ್ 12ನೇ ಆಟಗಾರನಾಗಿಯೂ ಶತಕ ಬಾರಿಸಬಲ್ಲ ಎಂಬ ಮಾತು ಬಂದಿದ್ದು ಬೇರೆ ಯಾರಿಂದಲೂ ಅಲ್ಲ. ಟೀಮ್ ಇಂಡಿಯಾದ ಗಬ್ಬರ್ ಎಂದೇ ಖ್ಯಾತಿಯಾದ ಆರಂಭಿಕ ಆಟಗಾರ ಶಿಖರ್ ಧವನ್ ಅವರಿಂದ. ರಾಹುಲ್ ಯಾವ ಕ್ರಮಾಂಕದಲ್ಲಿ ಬಂದರೂ ಅಬ್ಬರಿಸುತ್ತಿರುವ ರೀತಿಯನ್ನು ನೊಡಿ ಈ ರೀತಿ ತಮಾಷೆಯಾಗಿ ಇನ್ಸ್ಟಾಗ್ರಾಮ್‌ನಲ್ಲಿ ರಾಹುಲ್ ಫೋಟೋವನ್ನು ಶೇರ್ ಮಾಡಿದ್ದಾರೆ ಶಿಖರ್ ಧವನ್.

ಶತಕಕ್ಕೆ ಅಭಿನಂದಿಸಿದ ಶಿಖರ್:

ನ್ಯೂಜಿಲೆಂಡ್ ವಿರುದ್ಧ ಟೀಮ್ ಇಂಡಿಯಾ ಅಂತಿಮ ಪಂದ್ಯವನ್ನೂ ಸೋತು ವೈಟ್‌ವಾಶ್ ಅನುಭವಿಸಿದರೂ ರಾಹುಲ್ ಶತಕವನ್ನು ಬಾರಿಸಿ ಮಿಂಚಿದ್ದರು. ಈ ಶತಕಕ್ಕೆ ಟೀಮ್ ಇಂಡಿಯಾ ಆರಂಭಿಕ ಆಟಗಾರ ಸದ್ಯ ಗಾಯಗೊಂಡು ತಂಡದಿಂದ ಹೊರಗುಳಿದಿರುವ ಶಿಖರ್ ಧವನ್ ಅಭಿನಂದಿಸಿ ಪೋಸ್ಟ್ ಹಾಕಿದ್ದಾರೆ.

4ನೇ ಒಡಿಐ ಶತಕ ಗಳಿಸಿ, ಕೊಹ್ಲಿ, ಧೋನಿ ದಾಖಲೆ ಮುರಿದ ರಾಹುಲ್

ಕೀವಿಸ್ ವಿರುದ್ಧ ಮಿಂಚಿದ ರಾಹುಲ್:

ಸೀಮಿತ ಓವರ್‌ಗಳ ಪಂದ್ಯಗಳಲ್ಲಿ ರಾಹುಲ್ ಸದ್ಯ ಪ್ರಚಂಡ ಫಾರ್ಮ್‌ನಲ್ಲಿದ್ದಾರೆ. ನ್ಯೂಜಿಲೆಂಡ್ ವಿರುದ್ಧದ ಸರಣಿಯಲ್ಲಿ ಅತ್ಯುತ್ತಮ ಪ್ರದರ್ಶನವನ್ನು ನೀಡಿದ್ದಾರೆ. ಮೂರನೇ ಪಂದ್ಯದಲ್ಲಿ ರಾಹುಲ್ ಐದನೇ ಕ್ರಮಾಂಕದಲ್ಲಿ ಕಣಕ್ಕಿಳಿದು 112 ರನ್‌ ಗಳಿಸಿದ್ದರು.

ಎಲ್ಲಾ ಕ್ರಮಾಂಕದಲ್ಲೂ ಭರ್ಜರಿ ಆಟ ಪ್ರದರ್ಶನ:

ಶಿಖರ್ ಧವನ್ ತಮಾಷೆಯಾಗಿ ಈ ಮಾತನ್ನು ಹೇಳಿದ್ದರೂ ಕೂಡ ರಾಹುಲ್ ಅವರ ಸಾಮರ್ಥ್ಯವನ್ನು ಕೊಂಡಾಡುವ ಉದ್ಧೇಶವೇ ಇದರಲ್ಲಿದೆ ಎನ್ನುವುದನ್ನು ಗಮನಿಸಬೇಕಿದೆ. ತಂಡಕ್ಕೆ ರಾಹುಲ್ ನೀಡುತ್ತಿರುವ ಕೊಡುಗೆ ಮತ್ತು ನೀಡಿದ ಎಲ್ಲಾ ಕ್ರಮಾಂಕದಲ್ಲೂ ಉತ್ಕೃಷ್ಟ ಮಟ್ಟದ ಪ್ರದರ್ಶನಕ್ಕೆ ಮೆಚ್ಚುಗೆಯ ರೀತಿಯಲ್ಲಿ ಧವನ್ ಈ ಮಾತುಗಳನ್ನು ಆಡಿದ್ದಾರೆ.

3 ಪಂದ್ಯಗಳಲ್ಲಿ 204 ರನ್:

ಕೆ.ಎಲ್ ರಾಹುಲ್ ನ್ಯೂಜಿಲೆಂಡ್ ವಿರುದ್ಧದ ಮೂರು ಪಂದ್ಯಗಳಲ್ಲಿ ಭರ್ಜರಿ 204 ರನ್‌ಗಳಿಸಿದ್ದಾರೆ. ಮೊದಲ ಪಂದ್ಯದಲ್ಲಿ ಅಜೇಯ ಸ್ಪೋಟಕ 88 ರನ್‌ಗಳಿಸಿ ತಂಡ ದೊಡ್ಡ ಮೊತ್ತಗಳಸಲು ಕಾರಣರಾದರು. ಎರಡನೇ ಪಂದ್ಯದಲ್ಲಿ ಎಡವಿದರೂ ಕೂಡ ಮೂರನೇ ಪಂದ್ಯದಲ್ಲಿ ಶತಕವನ್ನು ಗಳಿಸಿ ತಂಡಕ್ಕೆ ಮತ್ತೆ ಆಸರೆಯಾದರು. ಆದರೆ ರಾಹುಲ್ ಈ ಪ್ರಯತ್ನ ಸಂಪೂರ್ಣವಾಗಿ ವ್ಯರ್ಥವಾಯಿತು. ಟೀಮ್ ಇಂಡಿಯಾ ಏಕದಿ ಸರಣಿಯನ್ನು 0-3 ಅಂತರದಿಂದ ಕಳೆದುಕೊಂಡಿತು.