4ನೇ ಒಡಿಐ ಶತಕ ಗಳಿಸಿ, ಕೊಹ್ಲಿ, ಧೋನಿ ದಾಖಲೆ ಮುರಿದ ರಾಹುಲ್

5ನೇ ಕ್ರಮಾಂಕದಲ್ಲಿ ಆಡಿ ಶತಕ ಗಳಿಕೆ

ಕೆಎಲ್ ರಾಹುಲ್ ಅವರು 2015ರ ನಂತರ 5ನೇ ಸ್ಥಾನದಲ್ಲಿ ಬ್ಯಾಟಿಂಗ್ ಮಾಡಿ ಶತಕ ಗಳಿಸಿದ ಮೊದಲ ಬ್ಯಾಟ್ಸ್ ಮನ್ ಎನಿಸಿಕೊಂಡಿದ್ದಾರೆ. 2015ರಲ್ಲಿ ಸುರೇಶ್ ರೈನಾ 5ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಿ ಜಿಂಬಾಬ್ವೆ ವಿರುದ್ಧ 110 ರನ್ ಗಳಿಸಿದ್ದರು. 21 ವರ್ಷಗಳ ಬಳಿಕ ಏಷ್ಯಾದ ಹೊರಗೆ ಭಾರತೀಯ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಶತಕ ಗಳಿಸಿದ್ದಾರೆ. 2017ರಲ್ಲಿ ಕಟಕ್ ನಲ್ಲಿ ಧೋನಿ ಶತಕ ಗಳಿಸಿದ್ದ ಬಳಿಕ ವಿಕೆಟ್ ಕೀಪರ್ ಬ್ಯಾಟ್ಸ್ ಮನ್ ಶತಕ ಗಳಿಸಿರಲಿಲ್ಲ. ಈ ಸಾಧನೆಯನ್ನು ರಾಹುಲ್ ಮಾಡಿದ್ದಾರೆ.

ತ್ವರಿತಗತಿಯಲ್ಲಿ ಶತಕ ಗಳಿಕೆ

ಅತಿ ಕಡಿಮೆ ಇನಿಂಗ್ಸ್ ಗಳಲ್ಲಿ ನಾಲ್ಕು ಏಕದಿನ ಕ್ರಿಕೆಟ್ ಶತಕ ಗಳಿಸಿದ ಆಟಗಾರರ ಪೈಕಿ ನಾಯಕ ವಿರಾಟ್ ಕೊಹ್ಲಿಯನ್ನು ಹಿಂದಿಕ್ಕಿದ್ದಾರೆ. ಕೆಎಲ್ ರಾಹುಲ್ ಅವರು 31 ಇನ್ನಿಂಗ್ಸ್ ನಲ್ಲಿ 4ನೇ ಶತಕ ಗಳಿಸಿದ್ದರೆ, ವಿರಾಟ್ ಅವರು 4 ಶತಕ ಗಳಿಸಲು 36 ಇನ್ನಿಂಗ್ಸ್ ತೆಗೆದುಕೊಂಡಿದ್ದರು.

ಏಕದಿನ ಕ್ರಿಕೆಟ್‌ ಇತಿಹಾಸದಲ್ಲಿ ಕೆಟ್ಟ ದಾಖಲೆ ಬರೆದ ಟೀಮ್ ಇಂಡಿಯಾ!

ಆದರೆ, ಭಾರತದ ಬ್ಯಾಟ್ಸ್ ಮನ್ ಗಳ ಪೈಕಿ ಆರಂಭಿಕ ಆಟಗಾರ ಶಿಖರ್ ಧವನ್ ಅತ್ಯಂತ ಕಡಿಮೆ ಇನ್ನಿಂಗ್ಸ್ ಗಳಲ್ಲಿ 4 ಶತಕ ಗಳಿಸಿದ್ದರು. 24 ಇನ್ನಿಂಗ್ಸ್ ಗಳಲ್ಲೇ ನಾಲ್ಕು ಶತಕಗಳನ್ನು ಗಳಿಸಿದ ಸಾಧನೆ ಮಾಡೀದ್ದಾರೆ. ಮಿಕ್ಕಂತೆ ಟಾಪ್ 5 ಪಟ್ಟಿಯಲ್ಲಿ ಗೌತಮ್ ಗಂಭೀರ್ 44 ಮತ್ತು ವೀರೇಂದ್ರ ಸೆಹ್ವಾಗ್ 50 ಇನ್ನಿಂಗ್ಸ್ ನಲ್ಲಿ 4 ಏಕದಿನ ಶತಕ ಗಳಿಸಿದ್ದಾರೆ.

ರಾಹುಲ್ ಇನ್ನಿತರ ದಾಖಲೆಗಳು

* ಕೆಎಲ್ ರಾಹುಲ್ ಅವರು 4ನೇ ಶತಕ ಗಳಿಸಿದ್ದು, ಈ ಪೈಕಿ 3 ಶತಕ ಏಷ್ಯಾದ ಹೊರಗೆ ಬಾರಿಸಿದ್ದಾಗಿದೆ.
* ಮೌಂಟ್ ಮೌನಾಗಾನುಯಿಯ ಬೇ ಓವಲ್ ನಲ್ಲಿ ಶತಕ ಗಳಿಸಿದವರು:
ನ್ಯೂಜಿಲೆಂಡ್ ವಿರುದ್ಧ ಕೆಎಲ್ ರಾಹುಲ್ (2020)
ಶ್ರೀಲಂಕಾ ವಿರುದ್ಧ ಮಾರ್ಟಿನ ಗಪ್ಟಿಲ್ (2019)
ನ್ಯೂಜಿಲೆಂಡ್ ವಿರುದ್ಧ ಥಿಸಾರಾ ಪೆರೆರಾ (2019)
ನ್ಯೂಜಿಲೆಂಡ್ ವಿರುದ್ಧ ಕುಸಲ್ ಪೆರೆರಾ (2019)
ಶ್ರೀಲಂಕಾ ವಿರುದ್ಧ ಮಾರ್ಟಿನ ಗಪ್ಟಿಲ್ (2016)
ನ್ಯೂಜಿಲೆಂಡ್ ವಿರುದ್ಧ ಹಶೀಂ ಆಮ್ಲಾ(2014)

ರಾಹುಲ್ ದ್ರಾವಿಡ್ ನಂತರ ಕೆಎಲ್ ರಾಹುಲ್

ರಾಹುಲ್ ದ್ರಾವಿಡ್(1999ರಲ್ಲಿ ಟಾಂಟಾನ್ ನಲ್ಲಿ ಶ್ರೀಲಂಕಾ ವಿರುದ್ಧ 155ರನ್) ಬಳಿಕ ಏಷ್ಯಾದಿಂದ ಹೊರಗಿನ ಮೈದಾನದಲ್ಲಿ ಶತಕ ಗಳಿಸಿದ ಭಾರತೀಯ ಬ್ಯಾಟ್ಸ್ ಮನ್ ಎನಿಸಿಕೊಂಡಿರುವ ಕೆಎಲ್ ರಾಹುಲ್ ಅವರು ಇಂದು ಈ ಸಾಧನೆ ಮಾಡಿದ್ದಾರೆ. 350 ಪಂದ್ಯವಾಡಿದ ಎಂಎಸ್ ಧೋನಿಗೆ ಈ ಸಾಧನೆ(ಏಷ್ಯಾದ ಹೊರಗೆ ಶತಕ) ಮಾಡಲು ಸಾಧ್ಯವಾಗಿಲ್ಲ.

ICC T20I Rankings: ಕೆಎಲ್ ರಾಹುಲ್ ಭಾರೀ ಜಿಗಿತ, 10ಲ್ಲಿ ರೋಹಿತ್