ಟಿ20 ಪಂದ್ಯ ನಡೆಯುವಾಗಲೇ ಸ್ಟೇಡಿಯಂನಲ್ಲಿ ಬಾಂಬ್ ಬ್ಲಾಸ್ಟ್‌: ತತ್ತರಿಸಿದ ಅಫ್ಘಾನಿಸ್ತಾನ

ಕಾಬೂಲ್‌ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಟಿ20 ಪಂದ್ಯ ನಡೆಯುತ್ತಿರುವಾಗಲೇ ಆತ್ಮಾಹುತಿ ಬಾಂಬ್ ದಾಳಿ ನಡೆದಿದ್ದು, ಅಫ್ಘಾನಿಸ್ತಾನ ಕ್ರಿಕೆಟ್ ಅಭಿಮಾನಿಗಳಿಗೆ ಶಾಕ್‌ ನೀಡಿದೆ. ಅಫ್ಘಾನಿಸ್ತಾನದ ರಾಜಧಾನಿ ಕಾಬೂಲ್‌ನಲ್ಲಿ ಶಪಗಿಜಾ ಕ್ರಿಕೆಟ್ ಲೀಗ್ ಟಿ20 ಪಂದ್ಯದ ವೇಳೆಯಲ್ಲಿ ಈ ಅನಾಹುತ ಸಂಭವಿಸಿದೆ.

ಪಂದ್ಯದ ವೇಳೆಯಲ್ಲಿ ಗ್ಯಾಲರಿಯಲ್ಲಿ ಬಾಂಬ್ ಬ್ಲಾಸ್ಟ್‌ ನಡೆಯುತ್ತಿದ್ದಂತೆ ತಂಡದ ಸದಸ್ಯರು ತ್ವರಿತವಾಗಿ ಬಂಕರ್‌ಗೆ ಪ್ರವೇಶಿಸಿದರು ಮತ್ತು ಎಲ್ಲರೂ ಸುರಕ್ಷಿತವಾಗಿದ್ದಾರೆ. ಬ್ಯಾಂಡ್-ಎ-ಅಮೀರ್ ಡ್ರಾಗನ್ಸ್ ಮತ್ತು ಪಮೀರ್ ಝಲ್ಮಿ ನಡುವಿನ ಆಟದ ಸಂದರ್ಭದಲ್ಲಿ ಈ ಘಟನೆ ಸಂಭವಿಸಿದೆ. ಸ್ಫೋಟ ಸಂಭವಿಸಿದಾಗ, ವಿಶ್ವಸಂಸ್ಥೆಯು ಕ್ರೀಡಾಂಗಣದಲ್ಲಿತ್ತು.

ಪ್ರತಿ ವರ್ಷ ಅಫ್ಘಾನಿಸ್ತಾನದಲ್ಲಿ ಅಫ್ಘಾನಿಸ್ತಾನ ಕ್ರಿಕೆಟ್ ಮಂಡಳಿಯು ಟಿ20 ಕ್ರಿಕೆಟ್ ಸ್ಪರ್ಧೆಯಾದ ಶಪಜೀಜಾ ಕ್ರಿಕೆಟ್ ಲೀಗ್ ಅನ್ನು ನಡೆಸುತ್ತದೆ. ಈ ಸ್ಪರ್ಧೆಗಾಗಿ ಎಂಟು ಫ್ರಾಂಚೈಸಿಗಳನ್ನು ಆಯೋಜಿಸಲಾಗಿದ್ದು, ಇದರಲ್ಲಿ ಪ್ರತಿ ಪ್ರದೇಶದಿಂದ ಶ್ರೇಷ್ಠ ಕ್ರೀಡಾಪಟುಗಳು ಮತ್ತು ರಾಷ್ಟ್ರೀಯ ತಂಡದ ಸದಸ್ಯರು, ವಿದೇಶದ ಆಟಗಾರರು, ಎ ತಂಡ ಮತ್ತು 19 ವರ್ಷದೊಳಗಿನವರ ಮಿಶ್ರಣದ ತಂಡವಿದೆ.

ಬಾಂಬ್ ಬ್ಲಾಸ್ಟ್‌ನಲ್ಲಿ ನಾಲ್ಕು ನಾಗರೀಕರಿಗೆ ಗಂಭೀರ ಗಾಯ
ಪಂದ್ಯ ನಡೆಯುತ್ತಿರುವಾಗಲೇ ಗ್ಯಾಲರಿಯಲ್ಲಿ ಬಾಂಬ್ ಬ್ಲಾಸ್ಟ್‌ ಆಗುತ್ತಿದ್ದಂತೆ, ವೀಕ್ಷಣೆಗೆ ಆಗಮಿಸಿದ್ದ ಪ್ರೇಕ್ಷಕರು ಕವರ್ಸ್‌ನತ್ತ ಓಡತೊಡಗಿದರು. ಬಾಂಬ್‌ ದಾಳಿಯಲ್ಲಿ ನಾಲ್ವರು ನಾಗರೀಕರಿಗೆ ತೀವ್ರ ಗಾಯವಾಗಿದೆ ಎಂದು ಪ್ರಾಥಮಿಕ ವರದಿಯಾಗಿದೆ.

"ಶ್ಪೇಜಾ ಲೀಗ್‌ನಲ್ಲಿ ಎರಡು ತಂಡಗಳ ನಡುವೆ ಪಂದ್ಯ ನಡೆಯುತ್ತಿತ್ತು ಮತ್ತು ಸ್ಪರ್ಧೆಯ ಸಮಯದಲ್ಲಿ ಸ್ಫೋಟ ಸಂಭವಿಸಿದೆ; ಗುಂಪಿನಲ್ಲಿದ್ದ ನಾಲ್ಕು ನಾಗರಿಕರು ಗಾಯಗೊಂಡಿದ್ದಾರೆ'' ಎಂದು ಎಸಿಬಿಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ನಸ್ಸಿಬ್ ಖಾನ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಕಾಬೂಲ್‌ನ ಗುರುದ್ವಾರ ಕಾರ್ಟೆ ಪರ್ವಾನ್‌ನ ಪ್ರವೇಶದ್ವಾರದ ಬಳಿ ಸ್ಫೋಟಗೊಂಡ ಎರಡು ದಿನಗಳ ನಂತರ ಈ ಸ್ಫೋಟ ಸಂಭವಿಸಿದೆ. ಘಟನೆಯಲ್ಲಿ ಯಾವುದೇ ಸಾವು ನೋವು ಸಂಭವಿಸಿಲ್ಲ.