Asia cup 2022: ಪಾಕ್ ವಿರುದ್ಧ ಕೊಹ್ಲಿ, ರೋಹಿತ್ ಶಾಟ್ ಸೆಲೆಕ್ಷನ್ ಬಗ್ಗೆ ಸುನಿಲ್ ಗವಾಸ್ಕರ್ ಅಸಮಾಧಾನ

ದುಬೈ ಅಂತರಾಷ್ಟ್ರೀಯ ಸ್ಟೇಡಿಯಂನಲ್ಲಿ ನಡೆದ ಪಾಕಿಸ್ತಾನ ವಿರುದ್ಧದ ಏಷ್ಯಾಕಪ್‌ನ ಎರಡನೇ ಪಂದ್ಯದಲ್ಲಿ ಭಾರತ ತಂಡ 5 ವಿಕೆಟ್‌ಗಳಿಂದ ಗೆಲುವು ಸಾಧಿಸಿತು. 148 ರನ್‌ಗಳ ಸುಲಭ ಗುರಿಗೆ ಮುಂದಾದ ಭಾರತ ತಂಡಕ್ಕೆ ಆರಂಭಿಕ ಆಟಗಾರ ಕೆಎಲ್ ರಾಹುಲ್ ಮೊದಲ ಎಸೆತದಲ್ಲಿಯೇ ಔಟಾಗುವ ಮೂಲಕ ಆಘಾತ ನೀಡಿದರು. ಇದರಿಂದಾಗಿ ಭಾರತ ಹಿನ್ನಡೆ ಅನುಭವಿಸಿತು. ಆದರೆ, ವಿರಾಟ್ ಕೊಹ್ಲಿ - ರೋಹಿತ್ ಶರ್ಮಾ ಶಾಂತವಾಗಿ ಆಡಿ ಎರಡನೇ ವಿಕೆಟ್‌ಗೆ 50 ರನ್‌ಗಳ ಜೊತೆಯಾಟ ನೀಡಿದರು. ಇದು ಭಾರತೀಯ ಅಭಿಮಾನಿಗಳ ಆತ್ಮವಿಶ್ವಾಸವನ್ನು ಹೆಚ್ಚಿಸಿದೆ.

ಆದರೆ ಸಣ್ಣ ತಪ್ಪಿನಿಂದಾಗಿ ರೋಹಿತ್ ಹಾಗೂ ವಿರಾಟ್ ಕೊಹ್ಲಿ ಇಬ್ಬರೂ ವಿಕೆಟ್ ಕಳೆದುಕೊಂಡರು. ಲಾಂಗ್ ಆನ್ ಸಿಕ್ಸರ್ ಹೊಡೆಯಲು ಯತ್ನಿಸುತ್ತಿದ್ದ ರೋಹಿತ್ ಶರ್ಮಾ 8ನೇ ಓವರ್ ನಲ್ಲಿ ಮೊಹಮ್ಮದ್ ನವಾಜ್ ಬೌಲಿಂಗ್‌ನಲ್ಲಿ ಚೆಂಡನ್ನು ಲಾಂಗ್ ಆಫ್ ಕಡೆಗೆ ಹೊಡೆದರು. ಆದರೆ ಅದು ನಿಧಾನವಾದ ಬಾಲ್ ಆಗಿದ್ದು, ಕ್ಯಾಚ್ ನೇರವಾಗಿ ಫೀಲ್ಡರ್‌ ಕೈ ಸೇರಿತು.

ಅವಸರದಲ್ಲಿ ರೋಹಿತ್ ತಪ್ಪು ಮಾಡಿದ್ದಕ್ಕೆ ಅಭಿಮಾನಿಗಳು ಅಸಮಾಧಾನ ವ್ಯಕ್ತಪಡಿಸಿದ್ದರೆ, ಕೊಹ್ಲಿ ಕೂಡ ಅದೇ ತಪ್ಪು ಮಾಡಿದ್ದಾರೆ. 10ನೇ ಓವರ್‌ನಲ್ಲಿ ನವಾಜ್ ಬೌಲ್ ಮಾಡಿದ ಅದೇ ನಿಧಾನಗತಿಯ ಚೆಂಡನ್ನು ಲಾಂಗ್ ಆಫ್ ಕಡೆಗೆ ಹೊಡೆಯಲು ಪ್ರಯತ್ನಿಸಿದರು. ರೋಹಿತ್ ಅವರಂತೆಯೇ ಕೊಹ್ಲಿ ಕ್ಯಾಚ್ ನೀಡಿ 35ರನ್‌ಗೆ ಔಟಾದರು.

ಈ ವೇಳೆ ಮಾಜಿ ಟೀಂ ಇಂಡಿಯಾ ಮಾಜಿ ಆಟಗಾರ ಗವಾಸ್ಕರ್ ಇಬ್ಬರು ಆಟಗಾರರ ತಪ್ಪಿನ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಅದರಲ್ಲಿ ರೋಹಿತ್ ಮತ್ತು ಕೊಹ್ಲಿಗೆ ಬಹಳ ಹೊತ್ತು ನಿಂತು ಆಡುವ ಅವಕಾಶವಿತ್ತು. ಅವರು ಚೆನ್ನಾಗಿ ಓಡುತ್ತಿದ್ದರು. ನಿನ್ನೆ ಕೊಹ್ಲಿಗೆ ಅದೃಷ್ಟ ಖುಲಾಯಿಸಿದೆ. ಮಿಸ್ಸಿಂಗ್ ಕ್ಯಾಚ್‌ಗಳು ಮತ್ತು ಅನೇಕ ಇನ್‌ಸೈಡ್ ಎಡ್ಜ್‌ ಹೊರತಾಗಿಯೂ, ಅವರು ಸಾಕಷ್ಟು ಉತ್ತಮ ಹೊಡೆತಗಳನ್ನು ಆಡಿದರು.

ಕೊಹ್ಲಿ-ರೋಹಿತ್ ತಮ್ಮ ಅತ್ಯುತ್ತಮ ಆರಂಭವನ್ನು 60-70 ರನ್‌ಗಳಿಗೆ ಪರಿವರ್ತಿಸಬೇಕಿತ್ತು. ಆದರೆ ಕೆಟ್ಟ ಹೊಡೆತಗಳಿಂದ ವಿಕೆಟ್ ಒಪ್ಪಿಸಿದರು. ಅಂತಹ ವಾತಾವರಣದಲ್ಲಿ ದೊಡ್ಡ ಹೊಡೆತಗಳ ಅಗತ್ಯವಿರಲಿಲ್ಲ. ರನ್ ರೇಟ್ 19-20 ಅಗತ್ಯವಿದ್ದರೆ, ಅವರು ಸಿಕ್ಸರ್ ಬಾರಿಸಬಹುದು. ಆದರೆ ಇದನ್ನು ಕಡಿಮೆ ರನ್ ರೇಟ್ ನಲ್ಲಿ ಮಾಡಬಾರದಿತ್ತು. ಸಿಕ್ಸರ್ ಸಿಡಿಸಲು ಹೋಗದಿದ್ದರೆ ಬಹುಶಃ 70-80 ರನ್ ಬರುತ್ತಿತ್ತು. ಮುಂಬರುವ ಪಂದ್ಯಗಳಲ್ಲಿ ಅವರು ಇದನ್ನು ಕಲಿಯುತ್ತಾರೆ ಎಂದು ನಾನು ಭಾವಿಸುತ್ತೇನೆ ಎಂದು ಸುನಿಲ್ ಗವಾಸ್ಕರ್ ಸಲಹೆ ನೀಡಿದ್ದಾರೆ.