ಕ್ರಿಕೆಟರ್ ಸುರೇಶ್ ರೈನಾ ಮದ್ವೆಗೆ ಮೋದಿ ಗೈರು?

ಮೋದಿ ಸೇರಿ ಅನೇಕ ಗಣ್ಯರಿಗೆ ಆಹ್ವಾನ

ಪ್ರಧಾನಿ ನರೇಂದ್ರ ಮೋದಿ ಸೇರಿದಂತೆ ಅನೇಕ ಗಣ್ಯರಿಗೆ ಸುರೇಶ್ ರೈನಾ ಮದುವೆ ಆಮಂತ್ರಣ ನೀಡಲಾಗಿದೆ. ಉತ್ತರಪ್ರದೇಶ ಮುಖ್ಯಮಂತ್ರಿ ಅಖಿಲೇಶ್ ಯಾದವ್ ಅವರು ಮದುವೆ ಸಂಭ್ರಮದಲ್ಲಿ ಪಾಲ್ಗೊಳ್ಳುವ ಸಾಧ್ಯತೆಯಿದೆ.

ಪ್ರಧಾನಿ ಮೋದಿ ಅವರು ಮದುವೆ ದಿನ (ಏ.3) ಸಂಜೆ ಬೆಂಗಳೂರಿನಲ್ಲಿ ಸಾರ್ವಜನಿಕ ಸಭೆಯಲ್ಲಿ ಬಿಜೆಪಿ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. ನಾಡಿದ್ದು ಮಧ್ಯಾಹ್ನ 3.45ರ ತನಕ ಬೆಂಗಳೂರಿನಲ್ಲೇ ಇರಲಿದ್ದಾರೆ. ಹೀಗಾಗಿ ಮೋದಿ ಅವರು ರೈನಾ ಮದ್ವೆಗೆ ಗೈರು ಹಾಜರಾಗುತ್ತಾರೆ.

ರೋಕಾ ಸಮಾರಂಭದೊಂದಿಗೆ ಮದ್ವೆ ಆರಂಭ

ಸಾಂಪ್ರದಾಯಿಕ ಪಂಜಾಬಿ ಮದುವೆಗಳು ರೋಕಾ ಸಮಾರಂಭದ ಮೂಲಕ ಆರಂಭಗೊಳ್ಳುತ್ತವೆ. ವರನ ಮನೆ ಕಡೆಯವರು ವಧುವಿನ ಮನೆಗೆ ತೆರಳಿ ಉಡುಗೊರೆ, ವಸ್ತ್ರ, ಆಭರಣ, ಸಿಹಿ ತಿನಿಸುಗಳನ್ನು ನೀಡುತ್ತಾರೆ. ಎರಡು ಕಡೆಯವರು ಒಟ್ಟಿಗೆ ಪ್ರಾರ್ಥನೆ ಸಲ್ಲಿಸುತ್ತಾರೆ. ಇದಾದ ಮೇಲೆ ಥಾಕಾ ಸಮಾರಂಭ ನಡೆಯಲಿದೆ. ವಿವಾಹಕ್ಕೆ ಮುನ್ನ ಪ್ರಮುಖ ಧಾರ್ಮಿಕ ವಿಧಿ ವಿಧಾನವಾಗಿದೆ.

ಪಂಜಾಬಿ ಸಂಪ್ರದಾಯದಂತೆ ಮದುವೆ

ಪಂಜಾಬಿ ಸಂಪ್ರದಾಯದಂತೆ ಮದುವೆ ರೈನಾ- ಪ್ರಿಯಾಂಕಾ ಮದುವೆ ನಡೆಯಲಿದೆ. ರೋಕಾ, ಥಾಕಾ ನಂತರ ಕುರ್ಮಾಯಿ, ಛುನ್ನಿ ಸಮಾರಂಭಗಳು ನಡೆಯಲಿವೆ.

ಗೆಳೆತನ, ಪ್ರೇಮ ಈಗ ವಿವಾಹ ಬಂಧನ

ರೈನಾ ಅಪ್ಪ ಹಾಗೂ ಪ್ರಿಯಾಂಕಾ ಅಪ್ಪ ಕೂಡಾ ಮುರಾದ್ನಗರ್ ಆರ್ಡನನ್ಸ್ ಫ್ಯಾಕ್ಟರಿಯಲ್ಲಿ ಒಟ್ಟಿಗೆ ಕಾರ್ಯ ನಿರ್ವಹಿಸುತ್ತಿದ್ದರು. ಹೀಗಾಗಿ ಬಾಲ್ಯದಿಂದಲೇ ಪ್ರಿಯಾಂಕಾ ಹಾಗೂ ರೈನಾ ನಡುವೆ ಗೆಳೆತನ ಬೆಳೆದಿತ್ತು. ವೃತ್ತಿಯಿಂದ ಬ್ಯಾಂಕರ್ ಆಗಿರುವ ಪ್ರಿಯಾಂಕಾ ಅವರು ನೆದರ್ಲೆಂಡ್ ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.