ಟಿ20 ಕ್ರಿಕೆಟ್: ಒಂದೇ ಪಂದ್ಯದಲ್ಲಿ ಯುವರಾಜ್ ಸಿಂಗ್ ಎರಡು ದಾಖಲೆ ಸರಿಗಟ್ಟಿದ ಜಜೈ

ಶಾರ್ಜಾ, ಅಕ್ಟೋಬರ್ 15: ಟಿ20 ಕ್ರಿಕೆಟ್‌ನಲ್ಲಿ ಭಾರತದ ಯುವರಾಜ್ ಸಿಂಗ್ ನಿರ್ಮಿಸಿರುವ ಎರಡು ದಾಖಲೆಗಳನ್ನು ಅಫ್ಘಾನಿಸ್ತಾನ ಪ್ರೀಮಿಯರ್ ಲೀಗ್‌ನಲ್ಲಿ ಕಾಬೂಲ್ ಜ್ವನಾನ್‌ನ ಹಜ್ರತುಲ್ಲಾ ಜಜೈ ಒಂದೇ ಪಂದ್ಯದಲ್ಲಿ ಸರಿಗಟ್ಟಿದ್ದಾರೆ.

ಅಬ್ದುಲ್ಲಾ ಮಜಾರಿ ಅವರ ಬೌಲಿಂಗ್‌ನಲ್ಲಿ ಎಲ್ಲ ಆರೂ ಎಸೆತಗಳನ್ನು ಸಿಕ್ಸರ್‌ಗೆ ಅಟ್ಟುವ ಮೂಲಕ ಯುವಿಯಂತೆಯೇ ಟಿ20ಯಲ್ಲಿ ಒಂದೇ ಓವರ್‌ನಲ್ಲಿ ಆರು ಸಿಕ್ಸರ್ ಸಿಡಿಸಿದ ಕೀರ್ತಿಗೆ ಪಾತ್ರರಾದರು. ಬಳಿಕ 12 ಎಸೆತಗಳಲ್ಲಿ ಅರ್ಧಶತಕವನ್ನೂ ಪೂರೈಸಿದರು.

#hazratullahzazai hits 12 ball 50 and 6 sixes an over who equals the records with #yuvrajsingh #APL2018 #afghanistan #india #ipl #pakistan #cricket #sport #weyardaafghanano #IPL2019 pic.twitter.com/ocMcZ1Yfif

— NAJIB NASERI (@najibnaseri786) 14 October 2018

ಸೋತ ಪಂದ್ಯದಲ್ಲೂ ದಾಖಲೆ ಬರೆದ ಯುವರಾಜ್ ಸಿಂಗ್

2007ರ ಟಿ20 ವಿಶ್ವಕಪ್‌ನಲ್ಲಿ ಯುವರಾಜ್, ಇಂಗ್ಲೆಂಡ್ ವಿರುದ್ಧ ಸ್ಟುವರ್ಟ್ ಬ್ರಾಡ್ ಓವರ್‌ನಲ್ಲಿ ಆರು ಸಿಕ್ಸರ್‌ಗಳನ್ನು ಬಾರಿಸಿದ್ದರು. ಅದೇ ಇನ್ನಿಂಗ್ಸ್‌ಅನ್ನು ಅವರು ಟಿ20ಯಲ್ಲಿನ ಅತ್ಯಂತ ವೇಗದ ಅರ್ಧಶತಕವನ್ನಾಗಿ ಪರಿವರ್ತಿಸಿದ್ದರು. ಮುಂದೆ 2015/16ರಲ್ಲಿ ಬಿಗ್‌ಬ್ಯಾಶ್ ಲೀಗ್‌ನಲ್ಲಿ ಕ್ರಿಸ್ ಗೇಲ್ ಕೂಡ 12 ಎಸೆತಗಳಲ್ಲಿ ಅರ್ಧಶತಕದ ದಾಖಲೆ ಬರೆದಿದ್ದರು.

Players to hit six sixes in an over in a professional match

Sir Garfield Sobers (first class)
Ravi Shastri (first class)
Herschelle Gibbs (ODI)
Yuvraj Singh (T20I)
Ross Whiteley (T20)
Haztratullah Zazai (T20) < Today #APL

— The Cricket Prof. (@CricProf) 14 October 2018

ಬೇಡದ ದಾಖಲೆ ಬರೆಯುತ್ತಿರುವ ಯುವರಾಜ್ ಸಿಂಗ್!

ಶಾರ್ಜಾದಲ್ಲಿ ಬಲ್ಖ್ ಲೆಜೆಂಡ್ಸ್ ಮತ್ತು ಕಾಬೂಲ್ ಜ್ವನಾನ್ ನಡುವಿನ ಪಂದ್ಯ ಈ ರೋಚಕ ಘಟ್ಟಕ್ಕೆ ಸಾಕ್ಷಿಯಾಯಿತು. ಆದರೆ ಹಜ್ರತುಲ್ಲಾ ಜಜೈ ಅವರ ಅದ್ಭುತ ಆಟ ವ್ಯರ್ಥವಾಯಿತು. ಮೊದಲು ಬ್ಯಾಟಿಂಗ್ ಮಾಡಿದ್ದ ಬಲ್ಖ್ ಲೆಜೆಂಡ್ಸ್ 20 ಓವರ್‌ಗಳಲ್ಲಿ ಆರು ವಿಕೆಟ್ ಕಳೆದುಕೊಂಡು 244 ರನ್‌ಗಳ ಬೃಹತ್ ಮೊತ್ತ ಪೇರಿಸಿತು.

Hazratullah Zazai smashes 6⃣6⃣6⃣6⃣6⃣6⃣ in an over and reached half century in just 12 balls!!

Fastest fifty in T20
12 balls - Yuvraj Singh (2007)
12 balls - Chris Gayle (2016)
12 balls - Hazratullah Zazai (2018)#APLT20

— Farhan Nisar (@farhanwrites) 14 October 2018

ಕ್ರಿಸ್ ಗೇಲ್ 48 ಎಸೆತಗಳಲ್ಲಿ 80 ರನ್ ಗಳಿಸಿದರು. ಅದರಲ್ಲಿ ಹತ್ತು ಸಿಕ್ಸರ್ ಸೇರಿದ್ದವು. ಈ ಗುರಿ ಬೆನ್ನತ್ತಿದ್ದ ಕಾಬೂಲ್ ಜ್ವನಾನ್ ತಂಡವು ಜಜೈ (17 ಎಸೆತಗಳಲ್ಲಿ 62 ರನ್‌) ಆಟದ ನಡುವೆಯೂ 21 ರನ್‌ಗಳಿಂದ ಸೋಲೊಪ್ಪಿಕೊಂಡಿತು. 20 ಓವರ್‌ಗಳಲ್ಲಿ 7 ವಿಕೆಟ್ ಕಳೆದುಕೊಂಡು 221 ರನ್ ಗಳಿಸಿತು. ಇಡೀ ಪಂದ್ಯದಲ್ಲಿ 37 ಸಿಕ್ಸರ್‌ಗಳು ದಾಖಲಾಗಿದ್ದು ವಿಶೇಷ.