PAK vs ZIM: ಸೋತ ನಂತರ ಬಿಕ್ಕಿಬಿಕ್ಕಿ ಅತ್ತ ಶಾದಾಬ್ ಖಾನ್; ನಾಟಕ ನಿಲ್ಲಿಸು ಎಂದ ಫ್ಯಾನ್ಸ್

ಗುರುವಾರ (ಅಕ್ಟೋಬರ್ 27) ಪರ್ತ್‌ನಲ್ಲಿ ನಡೆದ ಟಿ20 ವಿಶ್ವಕಪ್ 2022ರ ಸೂಪರ್ 12 ಹಣಾಹಣಿಯಲ್ಲಿ ಜಿಂಬಾಬ್ವೆ ವಿರುದ್ಧ ಕೇವಲ ಒಂದು ರನ್‌ಗಳ ರೋಚಕ ಸೋಲಿನ ನಂತರ ಬಾಬರ್ ಅಜಂ ನಾಯಕತ್ವದ ಪಾಕಿಸ್ತಾನ ತಂಡವು ತೀವ್ರ ಆಘಾತಕ್ಕೊಳಗಾಗಿದೆ.

ನಾಯಕ ಬಾಬರ್ ಅಜಂ ಸ್ವತಃ ತನ್ನ ಕೈಗಳಿಂದ ಮುಖವನ್ನು ಮರೆಮಾಚುತ್ತಿರುವುದು ಕಂಡುಬಂದಿತು. ಏಕೆಂದರೆ ಪಂದ್ಯದಲ್ಲಿ ಏನಾಗುತ್ತಿದೆ ಎಂದು ನಂಬಲು ಸಾಧ್ಯವಾಗಲಿಲ್ಲ. ಮುಖ್ಯ ಕೋಚ್ ಸಕ್ಲೇನ್ ಮುಷ್ತಾಕ್ ಕೂಡ ಜಿಂಬಾಬ್ವೆ ವಿರುದ್ಧದ ಸೋಲು ದೊಡ್ಡ ಅಸಮಾಧಾನವನ್ನು ಉಂಟುಮಾಡಿತು.

ಆಲ್‌ರೌಂಡರ್ ಮೊಹಮ್ಮದ್ ನವಾಜ್ ಸತತ ಎರಡನೇ ಬಾರಿಗೆ ತನ್ನ ತಂಡವನ್ನು ಗೆಲ್ಲಿಸಲು ವಿಫಲವಾದ ನಂತರ ನೆಲಕ್ಕೆ ಕುಸಿದರು. ಈ ಮಧ್ಯೆ, ಪಾಕಿಸ್ತಾನ ದೇಶದಲ್ಲಿ ಕ್ರಿಕೆಟ್ ತಜ್ಞರು ಮತ್ತು ಶೋಯೆಬ್ ಅಖ್ತರ್ ಅವರಂತಹ ಮಾಜಿ ಕ್ರಿಕೆಟಿಗರು ಸೇರಿದಂತೆ ಹಲವರು ತಮ್ಮ ತಂಡದ ಕಳಪೆ ಪ್ರದರ್ಶನಕ್ಕಾಗಿ ಹಿಗ್ಗಾಮುಗ್ಗಾ ತೆಗಳುತ್ತಿದ್ದಾರೆ.

ಜಿಂಬಾಬ್ವೆ ವಿರುದ್ಧದ ಟಿ20 ವಿಶ್ವಕಪ್ ಪಂದ್ಯದ ನಂತರ ಆಲ್‌ರೌಂಡರ್ ಶಾದಾಬ್ ಖಾನ್ ಮೊಣಕಾಲುಗಳ ಮೇಲೆ ಅಳುತ್ತಿರುವುದನ್ನು ಪಾಕಿಸ್ತಾನಿ ಅಭಿಮಾನಿಗಳ ಹೃದಯವನ್ನು ಒಡೆಯುವ ಹೊಸ ವೀಡಿಯೊ ವೈರಲ್ ಆಗಿದೆ.

ಪರ್ತ್‌ನಲ್ಲಿರುವ ಗ್ರೌಂಡ್ ಮತ್ತು ಡ್ರೆಸ್ಸಿಂಗ್ ರೂಮ್ ನಡುವಿನ ಸುರಂಗ ದಾರಿಯಲ್ಲಿ ಶಾದಾಬ್ ಖಾನ್ ಅಸಹನೀಯವಾಗಿ ಅಳುತ್ತಿರುವಾಗ ಅಭಿಮಾನಿಯೊಬ್ಬರು ವೀಡಿಯೊವನ್ನು ಚಿತ್ರೀಕರಿಸಿದ್ದಾರೆ. ಕೆಲವು ಅಭಿಮಾನಿಗಳು ಕ್ರಿಕೆಟಿಗನ ಬಗ್ಗೆ ಸಹಾನುಭೂತಿ ತೋರಿಸಿದರೆ, ಇನ್ನು ಕೆಲವರು ಪಾಕಿಸ್ತಾನ ಪಂದ್ಯವನ್ನು ಸೋತಿರುವ ಕಾರಣ ಅವರು ಅತಿಯಾಗಿ ನಟಿಸುತ್ತಿದ್ದಾರೆ ಎಂದು ಹೀಯಾಳಿಸಿದ್ದಾರೆ.

ಮಾಜಿ ವೇಗದ ಬೌಲರ್ ಶೋಯೆಬ್ ಅಖ್ತರ್ ಕೂಡ ಬಾಬರ್ ಅಜಂ ನಾಯಕತ್ವದ ಪಾಕಿಸ್ತಾನ ತಂಡ ಹಾಗೂ ಪಿಸಿಬಿ ಅಧ್ಯಕ್ಷ ರಮೀಜ್ ರಾಜಾ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.

ರಮೀಜ್ ರಾಜಾ ಕಚೇರಿಯಲ್ಲಿ ಕೆಟ್ಟ ನಿರ್ಧಾರಗಳನ್ನು ತೆಗೆದುಕೊಳ್ಳುವ 'ನಾಲಾಯಕ್' ಅಧಿಕಾರಿಗಳನ್ನು ಹೊಂದಿದ್ದಾರೆ. ಅವರು ಭಾಗವಹಿಸಿದ ಮೊದಲ ವಾರದಲ್ಲಿ ಪಾಕಿಸ್ತಾನವನ್ನು ಸೋಲಿಸಲಾಗುವುದು ಎಂದು ನನಗೆ ತಿಳಿದಿತ್ತು ಎಂದು ಶೋಯೆಬ್ ಅಖ್ತರ್ ಹೇಳಿದರು. ಟೂರ್ನಿಯ ಸೆಮಿಫೈನಲ್‌ನಲ್ಲಿ ಭಾರತವೂ ಸೋಲನುಭವಿಸುತ್ತದೆ ಎಂದು ನನಗೆ ತಿಳಿದಿದೆ ಎಂದು ಅವರು ಭವಿಷ್ಯ ನುಡಿದರು.

ಆದಾಗ್ಯೂ, ಬಾಬರ್ ಅಜಂ ಅವರ ತಂಡ ಇನ್ನೂ ಪಂದ್ಯಾವಳಿಯಿಂದ ಸಂಪೂರ್ಣ ಹೊರಬಂದಿಲ್ಲ, ಇನ್ನೂ ಸ್ವಲ್ಪ ಅವಕಾಶವಿದೆ. ಆದರೆ ಒಂದು ವಿಷಯ ಖಚಿತವಾಗಿದೆ, ಅವರು ಉಳಿದಿರುವ ಎಲ್ಲಾ ಮೂರು ಪಂದ್ಯಗಳನ್ನು ಗೆಲ್ಲಬೇಕಿದೆ. ಅಷ್ಟೇ ಅಲ್ಲದೆ ಇತರ ತಂಡಗಳ ಫಲಿತಾಂಶವೂ ಪಾಕಿಸ್ತಾನ ತಂಡದ ಮುಂದಿನ ಹಂತದ ಭವಿಷ್ಯವನ್ನು ನಿರ್ಧರಿಸಲಿದೆ.