Click it and Unblock the Notifications
T20 World Cup 2022 : ಭಾರತ ತಂಡದ ವೇಳಾಪಟ್ಟಿ, ಪೂರ್ಣ ತಂಡ; ಟಿವಿ ಸಮಯ, Live ಸ್ಟ್ರೀಮಿಂಗ್ ವಿವರ
ಮುಂದಿನ ತಿಂಗಳು ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್ 2022ರಲ್ಲಿ ರೋಹಿತ್ ಶರ್ಮಾ ಅವರು ಭಾರತ ತಂಡವನ್ನು ಮುನ್ನಡೆಸಲಿದ್ದಾರೆ. ಅಕ್ಟೋಬರ್ನಲ್ಲಿ ಮೆಲ್ಬೋರ್ನ್ ಕ್ರಿಕೆಟ್ ಮೈದಾನದಲ್ಲಿ (ಎಂಸಿಜಿ) ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನದ ವಿರುದ್ಧ ಭಾರತ ತನ್ನ ವಿಶ್ವಕಪ್ ಅಭಿಯಾನವನ್ನು ಪ್ರಾರಂಭಿಸಲಿದೆ.
ಸೋಮವಾರ (ಸೆಪ್ಟೆಂಬರ್ 12)ದಂದು ಬಿಸಿಸಿಐ ರಾಷ್ಟ್ರೀಯ ತಂಡದ ಆಯ್ಕೆ ಸಮಿತಿಯು, ಟಿ20 ವಿಶ್ವಕಪ್ 2022ಗಾಗಿ 15 ಸದಸ್ಯರ ತಂಡವನ್ನು ಮತ್ತು ಪಂದ್ಯಾವಳಿಗಾಗಿ 4 ಸ್ಟ್ಯಾಂಡ್ಬೈ ಆಟಗಾರರನ್ನು ಘೋಷಿಸಿದೆ.
ಆಸ್ಟ್ರೇಲಿಯದಲ್ಲಿ ಅಕ್ಟೋಬರ್ 16ರಿಂದ ಪ್ರಾರಂಭವಾಗುವ ಮುಂಬರುವ ಟಿ20 ವಿಶ್ವಕಪ್ 2022ಗಾಗಿ 15 ಜನರ ಭಾರತ ತಂಡದಲ್ಲಿ ರಾಷ್ಟ್ರೀಯ ಆಯ್ಕೆ ಸಮಿತಿಯು ಯಾವುದೇ ಆಶ್ಚರ್ಯವನ್ನುಂಟು ಮಾಡಿಲ್ಲ. ಮತ್ತೆ ಫಿಟ್ ಆಗಿರುವ ವೇಗದ ಬೌಲಿಂಗ್ ಮುಂಚೂಣಿ ಜಸ್ಪ್ರೀತ್ ಬುಮ್ರಾ ಮತ್ತು ಡೆತ್ ಓವರ್ಗಳ ಸ್ಪೆಷಲಿಸ್ಟ್ ಹರ್ಷಲ್ ಪಟೇಲ್ ತಂಡಕ್ಕೆ ಮರಳಿದ್ದಾರೆ.
ತಂಡಕ್ಕೆ ವಾಪಸ್ಸಾದ ಜಸ್ಪ್ರೀತ್ ಬುಮ್ರಾ ಮತ್ತು ಹರ್ಷಲ್ ಪಟೇಲ್
ಬೆನ್ನುನೋವಿನಿಂದ ಬಳಲುತ್ತಿದ್ದ ಜಸ್ಪ್ರೀತ್ ಬುಮ್ರಾ ಮತ್ತು ಪಾರ್ಶ್ವದ ಒತ್ತಡವನ್ನು ಹೊಂದಿದ್ದ ಹರ್ಷಲ್ ಪಟೇಲ್ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ತೀವ್ರವಾದ ತರಬೇತಿಯನ್ನು ಪಡೆದಿದ್ದಾರೆ ಮತ್ತು ಬಿಸಿಸಿಐ ವೈದ್ಯಕೀಯ ತಂಡವು ಅವರನ್ನು ಪ್ರಮುಖ ಟೂರ್ನಿಗೆ ಫಿಟ್ ಎಂದು ಪರಿಗಣಿಸಿದೆ. ಹಿರಿಯ ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಅವರನ್ನು ಮತ್ತೆ ವಿಶ್ವಕಪ್ಗೆ ಆಯ್ಕೆ ಮಾಡಲಾಗಿದ್ದು, ವೇಗಿ ಅವೇಶ್ ಖಾನ್ ಮತ್ತು ಲೆಗ್ ಸ್ಪಿನ್ನರ್ ರವಿ ಬಿಷ್ಣೋಯ್ ಅವರು ವಿಶ್ವಕಪ್ ಬರ್ತ್ನಿಂದ ವಂಚಿತರಾದ ಇಬ್ಬರು ಆಟಗಾರರು.
ಆಸ್ಟ್ರೇಲಿಯನ್ ಮೈದಾನಗಳಲ್ಲಿ ಅಶ್ವಿನ್ ಉಪಸ್ಥಿತಿ
ಆದರೆ. ರವಿ ಬಿಷ್ಣೋಯ್ 4 ಸ್ಟ್ಯಾಂಡ್ಬೈ ಆಟಗಾರರಲ್ಲಿ ಒಬ್ಬರಾಗಿದ್ದು, ಏಷ್ಯಾ ಕಪ್ನ ಸೂಪರ್ 4ರ ಪಂದ್ಯದಲ್ಲಿ ಪಾಕಿಸ್ತಾನದ ವಿರುದ್ಧ ಅದ್ಭುತ ಪ್ರದರ್ಶನ ನೀಡಿದ ರವಿ ಬಿಷ್ಣೋಯ್ ಅವರು ಹಿರಿಯ ಮಣಿಕಟ್ಟಿನ ಸ್ಪಿನ್ನರ್ ಯುಜ್ವೇಂದ್ರ ಚಾಹಲ್ ಅವರನ್ನು ಮೀರಿಸಿದ್ದರು.
ಯುಜ್ವೇಂದ್ರ ಚಹಾಲ್ ಸ್ವಯಂಚಾಲಿತ ಆಯ್ಕೆಯಾಗಿದ್ದರೂ, ಅನುಭವಿ ರವಿಚಂದ್ರನ್ ಅಶ್ವಿನ್ ಅವರೊಂದಿಗೆ ಮೂರನೇ ಸ್ಪಿನ್ನರ್ ಸ್ಥಾನಕ್ಕಾಗಿ ಬಿಷ್ಣೋಯ್ ಅವರ ಹೋರಾಟ ಯಾವಾಗಲೂ ಇತ್ತು. ನಿಸ್ಸಂಶಯವಾಗಿ ದೊಡ್ಡ ಆಸ್ಟ್ರೇಲಿಯನ್ ಮೈದಾನಗಳಲ್ಲಿ ಅಶ್ವಿನ್ ಅವರ ಉಪಸ್ಥಿತಿ ಮತ್ತು ಎಡಗೈ ಆಟಗಾರರಿಂದ ಚೆಂಡನ್ನು ತೆಗೆದುಕೊಳ್ಳುವ ಅವರ ಸಾಮರ್ಥ್ಯವು ಆದ್ಯತೆಯನ್ನು ಪಡೆದುಕೊಂಡಿದೆ.
2022ರ ಟಿ20 ವಿಶ್ವಕಪ್ಗೆ ಟೀಂ ಇಂಡಿಯಾ ತಂಡ
ರೋಹಿತ್ ಶರ್ಮಾ (ನಾಯಕ), ಕೆಎಲ್ ರಾಹುಲ್ (ಉಪನಾಯಕ), ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ದೀಪಕ್ ಹೂಡಾ, ರಿಷಭ್ ಪಂತ್ (ವಿಕೆಟ್-ಕೀಪರ್), ದಿನೇಶ್ ಕಾರ್ತಿಕ್ (ವಿಕೆಟ್-ಕೀಪರ್), ಹಾರ್ದಿಕ್ ಪಾಂಡ್ಯ, ರವಿಚಂದ್ರನ್ ಅಶ್ವಿನ್, ಯುಜ್ವೇಂದ್ರ ಚಾಹಲ್, ಅಕ್ಷರ್ ಪಟೇಲ್, ಜಸ್ಪ್ರೀತ್ ಬುಮ್ರಾ, ಭುವನೇಶ್ವರ್ ಕುಮಾರ್, ಹರ್ಷಲ್ ಪಟೇಲ್, ಅರ್ಷದೀಪ್ ಸಿಂಗ್
ಸ್ಟ್ಯಾಂಡ್ಬೈ ಆಟಗಾರರು- ಮೊಹಮ್ಮದ್. ಶಮಿ, ಶ್ರೇಯಸ್ ಅಯ್ಯರ್, ರವಿ ಬಿಷ್ಣೋಯ್, ದೀಪಕ್ ಚಹಾರ್
2022ರ ಟಿ20 ವಿಶ್ವಕಪ್ನಲ್ಲಿ ಟೀಂ ಇಂಡಿಯಾ ವೇಳಾಪಟ್ಟಿ
ಅಕ್ಟೋಬರ್ 23 - ಭಾರತ vs ಪಾಕಿಸ್ತಾನ (ಮೆಲ್ಬೋರ್ನ್ ಕ್ರಿಕೆಟ್ ಗ್ರೌಂಡ್)- 1:30 PM (ಭಾರತೀಯ ಕಾಲಮಾನ)
ಅಕ್ಟೋಬರ್ 27 - ಭಾರತ ವಿರುದ್ಧ A2 (ಸಿಡ್ನಿ ಕ್ರಿಕೆಟ್ ಮೈದಾನ) - 12:30 PM (ಭಾರತೀಯ ಕಾಲಮಾನ)
ಅಕ್ಟೋಬರ್ 30 - ಭಾರತ vs ದಕ್ಷಿಣ ಆಫ್ರಿಕಾ (ಪರ್ತ್ ಸ್ಟೇಡಿಯಂ) - 4:30 PM (ಭಾರತೀಯ ಕಾಲಮಾನ)
ನವೆಂಬರ್ 2 - ಭಾರತ vs ಬಾಂಗ್ಲಾದೇಶ (ಅಡಿಲೇಡ್ ಓವಲ್) - 1:30 PM (ಭಾರತೀಯ ಕಾಲಮಾನ)
ನವೆಂಬರ್ 6 - ಭಾರತ vs B1 (ಮೆಲ್ಬೋರ್ನ್ ಕ್ರಿಕೆಟ್ ಗ್ರೌಂಡ್) - 1:30 PM (ಭಾರತೀಯ ಕಾಲಮಾನ)
ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ನಲ್ಲಿ ಲೈವ್
ಭಾರತದಲ್ಲಿ ಟಿ20 ವಿಶ್ವಕಪ್ 2022ರಲ್ಲಿ ಟೀಮ್ ಇಂಡಿಯಾದ ಪಂದ್ಯಗಳನ್ನು ಎಲ್ಲಿ ವೀಕ್ಷಿಸಬಹುದು?
ಟಿ20 ವಿಶ್ವಕಪ್ 2022ರ ಟೀಮ್ ಇಂಡಿಯಾದ ಪಂದ್ಯಗಳು ಭಾರತದಲ್ಲಿ ಟಿವಿಯಲ್ಲಿ ಸ್ಟಾರ್ ಸ್ಪೋರ್ಟ್ಸ್ ನೆಟ್ವರ್ಕ್ನಲ್ಲಿ ಲೈವ್ ಆಗಿರುತ್ತದೆ.
ಭಾರತದಲ್ಲಿ 2022ರ ಟಿ20 ವಿಶ್ವಕಪ್ನಲ್ಲಿ ನಾನು ಟೀಮ್ ಇಂಡಿಯಾದ ಪಂದ್ಯಗಳನ್ನು ಹೇಗೆ ಲೈವ್ ಸ್ಟ್ರೀಮ್ ಮಾಡಬಹುದು?
2022ರ ಟಿ20 ವಿಶ್ವಕಪ್ನಲ್ಲಿ ಟೀಮ್ ಇಂಡಿಯಾದ ಪಂದ್ಯಗಳು ಡಿಸ್ನಿ+ ಹಾಟ್ಸ್ಟಾರ್ ವೆಬ್ಸೈಟ್ ಮತ್ತು ಅಪ್ಲಿಕೇಶನ್ನಲ್ಲಿ ಲೈವ್ ಸ್ಟ್ರೀಮ್ನಲ್ಲಿ ಲಭ್ಯವಿರುತ್ತವೆ.
Story first published: Tuesday, September 13, 2022, 10:25 [IST]
Other articles published on Sep 13, 2022
Log in for Better Reading Experience!
Continue with Google By signing in, you agree to our Terms and Privacy Policy
Gender
Select your Gender
- Male
- Female
- Others
Age
Select your Age Range
- Under 18
- 18 to 25
- 26 to 35
- 36 to 45
- 45 to 55
- 55+