ಆರ್​ಸಿಬಿ ತಂಡದಲ್ಲಿ ನೆಟ್ ಬೌಲರ್ ಆಗಿದ್ದ ಟಿ20 ವಿಶ್ವಕಪ್ 2022ರ ಹ್ಯಾಟ್ರಿಕ್ ಹೀರೋ ಕಾರ್ತಿಕ್ ಮೇಯಪ್ಪನ್

ಕನ್ನಡ Edition

ICC T20 World Cup 2026

Get Updates

Get notified on match updates, sports news, and in-depth analysis!

T20 World Cup: Know These Interesting Facts About Indian Born, Hat Trick Hero Karthik Meiyappan

ಕಾರ್ತಿಕ್ ಮೇಯಪ್ಪನ್ ಅಂತರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್‌ನ ಪೂರ್ಣ ಸದಸ್ಯನ ವಿರುದ್ಧ ಹ್ಯಾಟ್ರಿಕ್ ಗಳಿಸಿದ ಸಹವರ್ತಿ ರಾಷ್ಟ್ರದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

2022 ರ ಟಿ20 ವಿಶ್ವಕಪ್‌ನ 1 ನೇ ಸುತ್ತಿನಲ್ಲಿ ಯುನೈಟೆಡ್ ಅರಬ್ ಎಮಿರೇಟ್ಸ್‌ಗಾಗಿ ಆಡುತ್ತಿರುವ ಮೇಯಪ್ಪನ್ ಈ ಬಾರಿ ವಿಶ್ವಕಪ್‌ನ ಮೊದಲ ಹ್ಯಾಟ್ರಿಕ್ ಸಾಧನೆ ಮಾಡಿದರು. ಶ್ರೀಲಂಕಾದ ಭಾನುಕಾ ರಾಜಪಕ್ಸೆ, ಚರಿತ್ ಅಸಲಂಕಾ ಮತ್ತು ದಸುನ್ ಶನಕಾ ಅವರನ್ನು ಸತತ ಎಸೆತಗಳಲ್ಲಿ ಔಟ್ ಮಾಡಿದರು.

ಮೇಯಪ್ಪನ್ ಇದೀಗ ಬ್ರೆಟ್ ಲೀ, ಕಗಿಸೊ ರಬಾಡ, ವನಿಂದು ಹಸರಂಗ ಮತ್ತು ಕರ್ಟಿಸ್ ಕ್ಯಾಂಪರ್ ನಂತರ ಟಿ20 ವಿಶ್ವಕಪ್ ಪಂದ್ಯದಲ್ಲಿ ಹ್ಯಾಟ್ರಿಕ್ ಪಡೆದ ಬೌಲರ್‌ಗಳ ಪಟ್ಟಿಯಲ್ಲಿ ಸೇರಿಕೊಂಡಿದ್ದಾರೆ. ಶ್ರೀಲಂಕಾ ವಿರುದ್ಧ ಹ್ಯಾಟ್ರಿಕ್ ಸಾಧಿಸುವ ಮೊದಲು ಯುಎಇ ಸ್ಪಿನ್ನರ್‌ನ ಪ್ರತಿಭೆಯ ಬಗ್ಗೆ ಅನೇಕರಿಗೆ ಹೆಚ್ಚಿನ ವಿಚಾರಗಳು ತಿಳಿದಿರಲಿಲ್ಲ, ಕಾರ್ತಿಕ್ ಮೇಯಪ್ಪನ್ ಬಗ್ಗೆ ನೀವು ತಿಳಿದುಕೊಳ್ಳಬೇಕಾದ ವಿಷಯಗಳು ಇಲ್ಲಿವೆ.

ಯುಎಇಯ ಟಿ20 ವಿಶ್ವಕಪ್ 2022 ತಂಡದ ಅನೇಕ ಸದಸ್ಯರು ಬೇರೆ ದೇಶದಲ್ಲಿ ಜನಿಸಿದವರಾಗಿದ್ದಾರೆ. ಮೇಯಪ್ಪನ್ ಅಕ್ಟೋಬರ್ 8, 2000 ರಂದು ಚೆನ್ನೈನಲ್ಲಿ ಜನಿಸಿದರು. ಭಾರತ ತಂಡದ ಯಾವುದೇ ಬೌಲರ್‌ಗಳು ಟಿ 20 ವಿಶ್ವಕಪ್ ಪಂದ್ಯಗಳಲ್ಲಿ ಹ್ಯಾಟ್ರಿಕ್ ಸಾಧಿಸಿಲ್ಲವಾದರೂ, ಈ ಸಾಧನೆ ಮಾಡಿದ ಮೊದಲ ಭಾರತೀಯ ಮೂಲದ ಆಟಗಾರ ಎಂಬ ಹೆಗ್ಗಳಿಕೆಗೆ ಮೇಯಪ್ಪನ್ ಪಾತ್ರರಾಗಿದ್ದಾರೆ.

ಆರ್ಸಿಬಿ ತಂಡದಲ್ಲಿ ನೆಟ್ ಬೌಲರ್ ಆಗಿದ್ದ ಮೇಯಪ್ಪನ್

ಐಪಿಎಲ್ 2020 ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿ ನಡೆಯಿತು. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಇಬ್ಬರು ಸ್ಥಳೀಯ ಬೌಲರ್‌ಗಳನ್ನು ತಮ್ಮ ಬ್ಯಾಟರ್‌ಗಳಿಗೆ ತರಬೇತಿ ನೆಟ್‌ಗಳಲ್ಲಿ ಸಹಾಯ ಮಾಡಲು ನೇಮಿಸಿಕೊಂಡರು. ಅವರಲ್ಲಿ ಒಬ್ಬರು ಅಂದಿನ ಯುಎಇ ನಾಯಕ ಅಹ್ಮದ್ ರಜಾ ಮತ್ತು ಎರಡನೆಯವರು ಕಾರ್ತಿಕ್ ಮೇಯಪ್ಪನ್.

20 ನೇ ವಯಸ್ಸಿನಲ್ಲಿಯೇ, ಮೇಯಪ್ಪನ್ ವಿರಾಟ್ ಕೊಹ್ಲಿ ಮತ್ತು ಎಬಿ ಡಿವಿಲಿಯರ್ಸ್ ಅವರಂತಹ ದಿಗ್ಗಜರಿಗೆ ಬೌಲಿಂಗ್ ಮಾಡುವ ಸುವರ್ಣ ಅವಕಾಶವನ್ನು ಪಡೆದರು. ಅವರು ಟಿ20 ಕ್ರಿಕೆಟ್‌ನಲ್ಲಿ ಇಬ್ಬರು ಅತ್ಯುತ್ತಮ ಲೆಗ್ ಸ್ಪಿನ್ನರ್‌ಗಳಾದ ಯುಜ್ವೇಂದ್ರ ಚಹಾಲ್ ಮತ್ತು ಆಡಮ್ ಝಂಪಾ ಜೊತೆ ನೆಟ್ಸ್‌ನಲ್ಲಿ ಸಮಯ ಕಳೆದರು.

ಟಿ20 ವಿಶ್ವಕಪ್‌ನಲ್ಲಿ ಮಿಂಚಬಲ್ಲ 5 ಬ್ಯಾಟರ್‌ಗಳು ಇವರು: ಭವಿಷ್ಯ ನುಡಿದ ನ್ಯೂಜಿಲೆಂಡ್ ದಿಗ್ಗಜ

2021ರಲ್ಲಿ ಸಿಎಸ್‌ಕೆ ತಂಡಕ್ಕೆ ನೆಟ್ ಬೌಲರ್

ಯುಎಇ 2021 ರಲ್ಲಿ ಐಪಿಎಲ್‌ನ ಎರಡನೇ ಹಂತಕ್ಕೆ ಆತಿಥ್ಯ ವಹಿಸಿತ್ತು. ಆ ಋತುವಿನ ವಿಜೇತರಾದ ಚೆನ್ನೈ ಸೂಪರ್ ಕಿಂಗ್ಸ್, ಪಂದ್ಯಾವಳಿಗೆ ತಮ್ಮ ನೆಟ್ ಬೌಲರ್‌ಗಳಲ್ಲಿ ಒಬ್ಬರಾಗಿ ಕಾರ್ತಿಕ್ ಮೇಯಪ್ಪನ್‌ರನ್ನು ನೇಮಿಸಿಕೊಂಡಿದ್ದರು.

ಭಾರತದ ಮಾಜಿ ನಾಯಕ ಎಂಎಸ್ ಧೋನಿ ವಿರುದ್ಧ ನೆಟ್ಸ್‌ನಲ್ಲಿ ಬೌಲಿಂಗ್ ಮಾಡುವ ಮೇಯಪ್ಪನ್‌ಗೆ ಸುವರ್ಣಾವಕಾಶ ಸಿಕ್ಕಿತು. ಕಾರ್ತಿಕ್ ಮೇಯಪ್ಪನ್ ಮುಂದೊಂದು ದಿನ ಐಪಿಎಲ್‌ನಲ್ಲಿ ಆಡುವ ಗುರಿ ಹೊಂದಿದ್ದಾರೆ.

ಮೇಯಪ್ಪನ್‌ಗೆ ಐಪಿಎಲ್‌ನಲ್ಲಿ ಆಡುವ ಆಸೆ

ಐಪಿಎಲ್ 2020 ರ ನಂತರ ಖಲೀಜ್ ಟೈಮ್ಸ್‌ಗೆ ನೀಡಿದ ಸಂದರ್ಶನದಲ್ಲಿ, ಮೇಯಪ್ಪನ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನೆಟ್ ಬೌಲರ್ ಆಗಿರುವ ಅನುಭವವನ್ನು ಹಂಚಿಕೊಂಡಿದ್ದಾರೆ. ಲೆಗ್ ಸ್ಪಿನ್ನರ್ ಐಪಿಎಲ್‌ನಲ್ಲಿ ಆಡುವ ಇಂಗಿತ ವ್ಯಕ್ತಪಡಿಸಿದ್ದಾರೆ.

"ಐಪಿಎಲ್‌ನಲ್ಲಿ ಆಡುವುದು ನನ್ನ ಕನಸಾಗಿದೆ. ನಾನು ಹೆಚ್ಚಿನದಲ್ಲಿ ಸಾಧಿಸಲು ಬಯಸುತ್ತೇನೆ. ಮುಂಬರುವ ವರ್ಷಗಳಲ್ಲಿ ನಾನು ಐಪಿಎಲ್ ತಂಡದ ಭಾಗವಾಗಲು ಬಯಸುತ್ತೇನೆ. ನಾನು ನೆಟ್‌ ಬೌಲರ್ ಆಗಬಾರದು" ಎಂದು ಹೇಳಿದ್ದರು. ಟಿ20 ವಿಶ್ವಕಪ್‌ನಲ್ಲಿ ಅವರ ಬೌಲಿಂಗ್ ಪ್ರದರ್ಶನವನ್ನು ಪರಿಗಣಿಸಿ ಮುಂಬರುವ ಹರಾಜಿನಲ್ಲಿ 10 ಐಪಿಎಲ್ ತಂಡಗಳಲ್ಲಿ ಯಾರಾದರೂ ಅವರನ್ನು ಸಹಿ ಮಾಡುತ್ತಾರೆಯೇ ಎಂಬುದು ಕುತೂಹಲಕಾರಿಯಾಗಿದೆ.

ಆಡಿದ ಮೊದಲನೇ ಪಂದ್ಯದಲ್ಲಿ ಪ್ರಶಸ್ತಿ

ಕಾರ್ತಿಕ್ ಮೇಯಪ್ಪನ್ ಕಳೆದ ವರ್ಷ ದುಬೈನ ಐಸಿಸಿ ಅಕಾಡೆಮಿ ಮೈದಾನದಲ್ಲಿ ಐರ್ಲೆಂಡ್ ವಿರುದ್ಧ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ಗೆ ಪದಾರ್ಪಣೆ ಮಾಡಿದ್ದರು. ಅವರು ತಮ್ಮ ಮೊದಲ ಪಂದ್ಯದಲ್ಲಿ 4 ಓವರ್ ಗಳಲ್ಲಿ ಕೇವಲ 25 ರನ್ ನೀಡಿ 4 ವಿಕೆಟ್ ಪಡೆಯುವ ಮೂಲಕ ತಮ್ಮ ಸಾಮರ್ಥ್ಯ ಸಾಬೀತುಪಡಿಸಿದರು. ಕರ್ಟಿಸ್ ಕ್ಯಾಂಫರ್, ಜಾರ್ಜ್ ಡಾಕ್ರೆಲ್, ನೀಲ್ ರಾಕ್ ಮತ್ತು ಮಾರ್ಕ್ ಅಡೈರ್ ಅವರನ್ನು ಔಟ್ ಮಾಡಿದ್ದರು.

ಮೇಯಪ್ಪನ್ ಮಾಂತ್ರಿಕ್ ಬೌಲಿಂಗ್‌ ಪ್ರದರ್ಶನದಿಂದ ಯುಎಇ 54 ರನ್‌ಗಳಿಂದ ಪಂದ್ಯವನ್ನು ಗೆದ್ದಿತ್ತು, ತಾವು ಆಡಿದ ಚೊಚ್ಚಲ ಪಂದ್ಯದಲ್ಲೇ ಉತ್ತಮ ಪ್ರದರ್ಶನ ನೀಡುವ ಮೂಲಕ ಪಂದ್ಯದ ಆಟಗಾರ ಪ್ರಶಸ್ತಿ ಪಡೆದುಕೊಂಡರು.