ವಿರಾಟ್ ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿಯಾಗಬೇಕೆಂದ ಶಾಹಿದ್ ಅಫ್ರಿದಿ; ಕಾರಣವೇನು?

ನೀವು ನಿವೃತ್ತಿಯತ್ತ ಸಾಗುವ ಹಂತ ಬರುತ್ತದೆ

ಆದಾಗ್ಯೂ, ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಶಾಹಿದ್ ಅಫ್ರಿದಿ ಅವರು ವಿರಾಟ್ ಕೊಹ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿಯಾಗಬೇಕೆಂದು ಬಯಸಿದ್ದಾರೆ. ಇದಕ್ಕೆ ಕಾರಣ ವಿರಾಟ್ ಕೊಹ್ಲಿಯನ್ನು ತಂಡದಿಂದ ಕೈಬಿಡುವುದು ಅಫ್ರಿದಿಗೆ ಇಷ್ಟವಿಲ್ಲ.

"ವಿರಾಟ್ ಕೊಹ್ಲಿ ಆಡಿದ ರೀತಿ, ಅವರ ವೃತ್ತಿಜೀವನದ ಆರಂಭ, ಅವರು ಸ್ವತಃ ಹೆಸರು ಮಾಡುವ ಮೊದಲು ಆರಂಭದಲ್ಲಿ ಹೋರಾಟವಿತ್ತು. ವಿರಾಟ್ ಕೊಹ್ಲಿ ಚಾಂಪಿಯನ್ ಮತ್ತು ನೀವು ನಿವೃತ್ತಿಯತ್ತ ಸಾಗುವ ಹಂತ ಬರುತ್ತದೆ ಎಂದು ನಾನು ನಂಬುತ್ತೇನೆ. ಆದರೆ ಆ ಸನ್ನಿವೇಶದಲ್ಲಿ, ಉನ್ನತ ಮಟ್ಟದಲ್ಲಿ ಹೋಗುವುದು ಗುರಿಯಾಗಿರಬೇಕು," ಎಂದು ಶಾಹಿದ್ ಅಫ್ರಿದಿ ಸಾಮಾ ಟಿವಿಯಲ್ಲಿ ಹೇಳಿದರು.

ನಿಮ್ಮನ್ನು ತಂಡದಿಂದ ಕೈಬಿಡುವ ಹಂತವನ್ನು ತಲುಪಬಾರದು

"ನೀವು ನಿಮ್ಮ ಉತ್ತುಂಗದಲ್ಲಿರುವಾಗ, ನಿಮ್ಮನ್ನು ತಂಡದಿಂದ ಕೈಬಿಡುವ ಹಂತವನ್ನು ತಲುಪಬಾರದು. ಇದು ವಿರಳವಾಗಿ ಸಂಭವಿಸುತ್ತದೆ. ಕೆಲವೇ ಕೆಲವು ಆಟಗಾರರು, ವಿಶೇಷವಾಗಿ ಏಷ್ಯಾದ ಕ್ರಿಕೆಟಿಗರು ಆ ನಿರ್ಧಾರವನ್ನು ತೆಗೆದುಕೊಳ್ಳುತ್ತಾರೆ. ವಿರಾಟ್ ಕೊಹ್ಲಿಯೂ ಅದನ್ನು ಮಾಡುತ್ತಾರೆ ಎಂದು ನನಗೆ ಅನಿಸುತ್ತದೆ. ಅವರು ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ ಶೈಲಿಯಲ್ಲಿ ಮತ್ತು ಬಹುಶಃ ಅದೇ ರೀತಿಯಲ್ಲಿ ಮುಗಿಸುತ್ತಾರೆ," ಎಂದು ಮಾಜಿ ಆಲ್‌ರೌಂಡರ್ ಶಾಹಿದ್ ಅಫ್ರಿದಿ ತಿಳಿಸಿದರು.

ಗುರುವಾರ ರಾತ್ರಿ (ಸೆಪ್ಟೆಂಬರ್ 8) ದುಬೈನಲ್ಲಿ ನಡೆದ ಏಷ್ಯಾ ಕಪ್ 2022ರ ಟೀಂ ಇಂಡಿಯಾದ ಕೊನೆಯ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ತಮ್ಮ ಚೊಚ್ಚಲ ಟಿ20 ಶತಕವನ್ನು ಪೂರ್ಣಗೊಳಿಸಿದರು. ನಿಯಮಿತ ಓಪನರ್ ರೋಹಿತ್ ಶರ್ಮಾ ಅನುಪಸ್ಥಿತಿಯಲ್ಲಿ ಕೊಹ್ಲಿ ಇನ್ನಿಂಗ್ಸ್ ತೆರೆದರು ಮತ್ತು ಕ್ರೀಸ್‌ನಲ್ಲಿ ನೆಲಕಚ್ಚಿ ನಿಂತರು. ಅವರ ಶಾಟ್‌ಗಳನ್ನು ಆಡಲು ಪ್ರಾರಂಭಿಸಿದರು.

ಟಿ20ಯಲ್ಲಿ ಕೊಹ್ಲಿ ಮೊದಲ 100 ರನ್ ಆಗಿದೆ

ಇದು ಟಿ20ಯಲ್ಲಿ ಅವರ ಮೊದಲ 100 ರನ್ ಆಗಿದೆ ಮತ್ತು ಮುಖ್ಯವಾಗಿ 3 ವರ್ಷಗಳ ನಂತರ ಅವರ ಬ್ಯಾಟ್‌ನಿಂದ ಮೊದಲ ಅಂತಾರಾಷ್ಟ್ರೀಯ ಶತಕ ಬಂದಿದ್ದು, ಇದು ತಮ್ಮ ಅಭಿಮಾನಿಗಳಿಗೆ ಸಂತೋಷ ನೀಡಿದರೆ, ಟೀಕಾಕಾರರ ಬಾಯಿ ಮುಚ್ಚಿಸಿದರು.

2019ರ ನವೆಂಬರ್‌ನಲ್ಲಿ ನಡೆದ ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಅವರ ಕೊನೆಯ ಶತಕ ಬರುವುದರೊಂದಿಗೆ ಅವರ ಅಭಿಮಾನಿಗಳು ಈ ಕ್ಷಣಕ್ಕಾಗಿ 3 ವರ್ಷಗಳಿಗೂ ಹೆಚ್ಚು ಕಾಲ ಕಾಯುತ್ತಿದ್ದರು. ಅಂದಿನಿಂದ ವಿರಾಟ್ ಕೊಹ್ಲಿ ಅವರು ಕೆಲವು 70 ಮತ್ತು 80 ರನ್ ಗಳಿಸಿದಾಗ ದೊಡ್ಡ ಸ್ಕೋರ್‌ಗಳಿಗಾಗಿ ಹೋರಾಡುತ್ತಿದ್ದರು. ಇದೀಗ ಮತ್ತೆ ಬ್ಯಾಟಿಂಗ್ ಫಾರ್ಮ್‌ಗೆ ಮರಳಿದ್ದು, ಟಿ20 ವಿಶ್ವಕಪ್‌ನಲ್ಲಿ ಭಾರತಕ್ಕೆ ಟ್ರೋಫಿ ತಂದುಕೊಡುವ ಗುರಿ ಹೊಂದಿದ್ದಾರೆ.

ಟಿ20 ವಿಶ್ವಕಪ್‌ಗೆ ಭಾರತ ತಂಡ ಪ್ರಕಟ

ರೋಹಿತ್ ಶರ್ಮಾ (ನಾಯಕ), ಕೆಎಲ್ ರಾಹುಲ್ (ಉಪನಾಯಕ), ವಿರಾಟ್ ಕೊಹ್ಲಿ, ಸೂರ್ಯಕುಮಾರ್ ಯಾದವ್, ದೀಪಕ್ ಹೂಡಾ, ರಿಷಭ್ ಪಂತ್ (ವಿಕೆಟ್-ಕೀಪರ್), ದಿನೇಶ್ ಕಾರ್ತಿಕ್ (ವಿಕೆಟ್-ಕೀಪರ್), ಹಾರ್ದಿಕ್ ಪಾಂಡ್ಯ, ಆರ್. ಅಶ್ವಿನ್, ಯುಜ್ವೇಂದ್ರ ಚಹಾಲ್, ಅಕ್ಷರ್ ಪಟೇಲ್, ಜಸ್ಪ್ರೀತ್ ಬುಮ್ರಾ, ಭುವನೇಶ್ವರ್ ಕುಮಾರ್, ಹರ್ಷಲ್ ಪಟೇಲ್, ಅರ್ಷದೀಪ್ ಸಿಂಗ್.

ಸ್ಟ್ಯಾಂಡ್‌ಬೈ ಆಟಗಾರರು: ಮೊಹಮ್ಮದ್. ಶಮಿ, ಶ್ರೇಯಸ್ ಅಯ್ಯರ್, ರವಿ ಬಿಷ್ಣೋಯ್, ದೀಪಕ್ ಚಹಾರ್.