ನಿಷೇಧಕ್ಕೆ ಗುರಿಯಾಗಿದ್ದ ಆಸಿಫ್
2010ರಲ್ಲಿ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಸ್ಪಾಟ್ ಫಿಕ್ಸಿಂಗ್ ನಡೆಸಿದ ಆರೋಪದಲ್ಲಿ ಏಳು ವರ್ಷಗಳ ನಿಷೇಧಕ್ಕೆ ಗುರಿಯಾಗಿದ್ದ ಮೊಹಮ್ಮದ್ ಆಸಿಫ್, 2006ರಲ್ಲಿ ಕರಾಚಿಯಲ್ಲಿ ನಡೆದಿದ್ದ ಮೂರನೇ ಟೆಸ್ಟ್ ವೇಳೆ ಶೋಯೆಬ್ ಕೆಲವು ಬೌನ್ಸರ್ಗಳಿಗೆ ಸಚಿನ್ ಕಣ್ಣು ಮುಚ್ಚಿದ್ದರು ಎಂದಿದ್ದಾರೆ.
ಪಠಾಣ್ ಹ್ಯಾಟ್ರಿಕ್ ಸಾಧನೆ
'ಪಂದ್ಯ ಶುರುವಾದಾಗ ಇರ್ಫಾನ್ ಪಠಾಣ್ ತನ್ನ ಚೊಚ್ಚಲ ಟೆಸ್ಟ್ ಹ್ಯಾಟ್ರಿಕ್ ವಿಕೆಟ್ ಪಡೆದಿದ್ದರು. ಆಗ ನಮ್ಮ ಆತ್ಮಸ್ಥೈರ್ಯ ಕುಗ್ಗಿತ್ತು. ಆದರೆ ಲೋವರ್ ಡೌನ್ ಆರ್ಡರ್ನಲ್ಲಿ ಬಂದಿದ್ದ ಕಮ್ರನ್ ಅಕ್ಮಲ್ ಶತಕ ಬಾರಿಸಿದರು. ನಾವು 240 ರನ್ ಗಳಿಸಿದ್ದೆವು,' ಎಂದು ಆಸಿಫ್ ಪಂದ್ಯದ ಕ್ಷಣ ನೆನಪಿಗೆ ತಂದರು. ಆವತ್ತು ಇರ್ಫಾನ್ ಪಠಾಣ್ ಭಾರತ ಪರ ಟೆಸ್ಟ್ ಹ್ಯಾಟ್ರಿಕ್ ಪಡೆದ ಎರಡನೇ ಆಟಗಾರನೆನಿಸಿದ್ದರು.
ಸಚಿನ್ ಕಣ್ಣು ಮುಚ್ಚಿದ್ದರು
'ನಾವು ಬೌಲಿಂಗ್ ಆರಂಭಿಸಿದಾಗ ಶೋಯೆಬ್ ಅಖ್ತರ್ ಎಕ್ಸ್ಪ್ರೆಸ್ ವೇಗದಲ್ಲಿ ಬೌಲಿಂಗ್ ಮಾಡಿದ್ದರು. ಅಂಪೈರ್ ಸಮೀಪ ಕ್ವೇರ್ ಲೆಗ್ನಲ್ಲಿ ನಾನು ನಿಂತಿದ್ದೆ. ಶೋಯೆಬ್ ಅವರ ಒಂದೆರಡು ಬೌನ್ಸರ್ಗಳಿಗೆ ಸಚಿನ್ ತನ್ನ ಕಣ್ಣುಮುಚ್ಚಿದ್ದನ್ನು ನಾನು ನೋಡಿದೆ. ಭಾರತೀಯರು ಆವತ್ತು ಬ್ಯಾಕ್ ಫೂಟ್ನಲ್ಲಿ ಆಡಿದ್ದರು. ಮೊದಲ ಇನ್ನಿಂಗ್ಸ್ನಲ್ಲಿ ಅವರನ್ನು ನಾವು 240 ರನ್ ಕೂಡ ಮಾಡಲು ಅವಕಾಶ ನೀಡಲಿಲ್ಲ,' ಎಂದು ಆಸಿಫ್ ಪಂದ್ಯದ ಕ್ಷಣ ವಿವರಿಸಿದ್ದಾರೆ.
ಪಂದ್ಯದ ಫಲಿತಾಂಶ, ಮಾಹಿತಿ
2006ರಲ್ಲಿ ಪಾಕಿಸ್ತಾನಕ್ಕೆ ಪ್ರವಾಸ ಹೋಗಿದ್ದ ಭಾರತ ಅಲ್ಲಿ ಮೂರು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಪಾಲ್ಗೊಂಡಿತ್ತು. ಆಸಿಫ್ ಇಲ್ಲಿ ಸ್ಮರಿಸಕೊಂಡಿರೋದು ಕರಾಚಿಯಲ್ಲಿ ನಡೆದಿದ್ದ ಮೂರನೇ ಪಂದ್ಯವನ್ನು. ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟಿದ್ದ ಪಾಕಿಸ್ತಾನ 245-10 (60.1), 599-7 (140.1) ಸ್ಕೋರ್ ಮಾಡಿದ್ದರೆ, ಭಾರತ 238-10 (54.1), 265-10 (58.4) ರನ್ ಬಾರಿಸಿ 341 ರನ್ನಿಂದ ಸೋತಿತ್ತು. ಸಚಿನ್ 23+26 ರನ್ ಗಳಿಸಿದ್ದರು.