ಟೆಸ್ಟ್‌ vs ಟಿ20: ಟೆಸ್ಟ್ ಕ್ರಿಕೆಟ್‌ ಅಲ್ಟಿಮೇಟ್‌ ಕ್ರಿಕೆಟ್‌ ಎಂದ ವೀರೇಂದ್ರ ಸೆಹ್ವಾಗ್‌

ಟೆಸ್ಟ್ ಕ್ರಿಕೆಟ್‌ ಅಲ್ಟಿಮೇಟ್ ಕ್ರಿಕೆಟ್ ಎಂದ ಸೆಹ್ವಾಗ್‌

'' ನನ್ನ ವಿನಮ್ರ ಅಭಿಪ್ರಾಯವೇನೆಂದರೆ, ಟೆಸ್ಟ್ ಕ್ರಿಕೆಟ್ ಅಲ್ಟಿಮೇಟ್‌ ಆಗಿದೆ'' ಎಂದು ಸ್ಪೋರ್ಟ್ಸ್ 18ಗೆ ತಿಳಿಸಿದ್ದಾರೆ.

'' ವಿರಾಟ್ ಕೊಹ್ಲಿ ಟೆಸ್ಟ್ ಕ್ರಿಕೆಟ್‌ ಆಡುವುದಕ್ಕೆ ಅಷ್ಟೊಂದು ಪ್ರಾಮುಖ್ಯತೆ ಏಕೆ ಕೊಡುತ್ತಾರೆ? 100 ರಿಂದ 150 ಅಥವಾ 200 ಟೆಸ್ಟ್ ಪಂದ್ಯಗಳನ್ನಾಡಿದ್ರೆ , ಅವರು ದಾಖಲೆ ಪುಸ್ತಕದಲ್ಲಿ ಚಿರಸ್ಥಾಯಿಯಾಗಿ ಉಳಿಯುತ್ತೇನೆ ಎಂದು ಅವರಿಗೆ ತಿಳಿದಿದೆ'' ಎಂದು ಸೆಹ್ವಾಗ್‌ ಹೇಳಿದ್ದಾರೆ.

ಅತಿ ಹೆಚ್ಚು ರನ್‌ಗಳಿಸಿದರೂ ರಾಹುಲ್ ಎಡವಿದ್ದೆಲ್ಲಿ?: ಮನೀಶ್ ಇನ್ನಿಂಗ್ಸ್ ಉಲ್ಲೇಖಿಸಿದ ದೊಡ್ಡ ಗಣೇಶ್

ಮೊದಲ ಎಸೆತದಲ್ಲೇ ಬೌಂಡರಿ ಬಾರಿಸಲು ಎಂದಿಗೂ ಯೋಚಿಸಿರಲಿಲ್ಲ!

ಬಹುತೇಕ ಪಂದ್ಯಗಳಲ್ಲಿ ಮೊದಲ ಎಸೆತದಲ್ಲಿಯೇ ಚೆಂಡನ್ನು ಬೌಂಡರಿಯತ್ತ ಬಾರಿಸುತ್ತ ವೀರೇಂದ್ರ ಸೆಹ್ವಾಗ್ ಬೌಂಡರಿ ಬಾರಿಸುವ ರೀತಿಯನ್ನ ಎಷ್ಟು ಹೊಗಳಿದರು ಸಾಲದು. ಈ ಕುರಿತು ಮಾತನಾಡಿರುವ ಸೆಹ್ವಾಗ್ , ಸಚಿನ್ ತೆಂಡೂಲ್ಕರ್ ಸೇರಿದಂತೆ ಅನೇಕರು ಹೇಳಿದ್ದಾರೆ, ನಾನು ಮೊದಲ ಎಸೆತದಲ್ಲಿ ಬೌಂಡರಿ ಸಿಡಿಸಲು ಯೋಜಿಸಿರುತ್ತೇನೆ ಎಂದು. ಆದ್ರೆ ನಾನು ಆ ರೀತಿಯಾಗಿ ಎಂದು ಯೋಜಿಸಿಲ್ಲ ಎಂದು ಸೆಹ್ವಾಗ್ ಸ್ಪಷ್ಟಪಡಿಸಿದ್ದಾರೆ.

ಏತನ್ಮಧ್ಯೆ, ಸೆಹ್ವಾಗ್ 1999 ರಿಂದ 2013 ರ ನಡುವೆ ಭಾರತ ರಾಷ್ಟ್ರೀಯ ಕ್ರಿಕೆಟ್ ತಂಡಕ್ಕಾಗಿ 251 ಏಕದಿನ ಅಂತಾರಾಷ್ಟ್ರೀಯ (ODI) ಪಂದ್ಯಗಳನ್ನು ಆಡಿದ್ದಾರೆ ಮತ್ತು 35ರ ಉತ್ತಮ ಬ್ಯಾಟಿಂಗ್ ಸರಾಸರಿ ಮತ್ತು 104.3 ರ ಅದ್ಭುತ ಸ್ಟ್ರೈಕ್ ರೇಟ್‌ನಲ್ಲಿ 8,273 ರನ್‌ಗಳನ್ನು ಸಿಡಿಸಿದ್ದಾರೆ. ಅಲ್ಲದೆ, ಅವರು 15 ಶತಕಗಳು ಮತ್ತು 38 ಅರ್ಧ ಶತಕಗಳನ್ನು ಸಿಡಿಸಿದ್ದಾರೆ.

RCB vs RR: ಈ ತಂಡ ಕ್ವಾಲಿಫೈಯರ್ ಪಂದ್ಯದಲ್ಲಿ ಗೆದ್ದು ಫೈನಲ್ ತಲುಪಲಿದೆ ಎಂದ ಸಂಜಯ್ ಮಂಜ್ರೇಕರ್

ವಿರಾಟ್ ಕೊಹ್ಲಿಗೂ ಟೆಸ್ಟ್ ಕ್ರಿಕೆಟ್ ಅಂದ್ರೆ ಎಲ್ಲಿಲ್ಲದ ಪ್ರೀತಿ

ವೀರೇಂದ್ರ ಸೆಹ್ವಾಗ್‌ಗೆ ಟೆಸ್ಟ್ ಕ್ರಿಕೆಟ್ ಎಷ್ಟು ಇಷ್ಟ ಪಡುತ್ತಾರೋ, ಅಷ್ಟೆಯೇ ವಿರಾಟ್ ಕೊಹ್ಲಿ ಕೂಡ ಟೆಸ್ಟ್ ಕ್ರಿಕೆಟ್ ಕುರಿತು ಎಲ್ಲಿಲ್ಲದ ಪ್ರೀತಿ ಹೊಂದಿದ್ದಾರೆ. 101 ಟೆಸ್ಟ್ ಪಂದ್ಯಗಳನ್ನಾಡಿರುವ ಕೊಹ್ಲಿ 171 ಇನ್ನಿಂಗ್ಸ್‌ನಲ್ಲಿ 8043 ರನ್ ಕಲೆಹಾಕಿದ್ದಾರೆ. 49.96 ಬ್ಯಾಟಿಂಗ್ ಸರಾಸರಿ ಜೊತೆಗೆ 27 ಶತಕ ಮತ್ತು 7 ದ್ವಿಶಕದ ಸಾಧನೆ ಮಾಡಿದ್ದಾರೆ.

ಇನ್ನು ಟೆಸ್ಟ್ ನಾಯಕತ್ವದಲ್ಲಿ ಕೊಹ್ಲಿ ಟೀಂ ಇಂಡಿಯಾದ ಬೆಸ್ಟ್ ಕ್ಯಾಪ್ಟನ್ ಆಗಿ ಗುರುತಿಸಿಕೊಂಡಿದ್ದಾರೆ. 68 ಪಂದ್ಯಗಳಲ್ಲಿ 40 ಗೆಲುವು ಮತ್ತು 17 ಸೋಲುಗಳನ್ನ ಕಂಡಿರುವ ವಿರಾಟ್ ಕೊಹ್ಲಿ 58.82 ಗೆಲುವಿನ ಸರಾಸರಿ ಹೊಂದಿದ್ದಾರೆ.