IPL 2022: ಐಪಿಎಲ್ ಇತಿಹಾಸದಲ್ಲಿ ಈ ತಂಡಗಳ ಆಟಗಾರರು ಯಾರೂ ಸಹ ಆರೆಂಜ್ ಕ್ಯಾಪ್ ಗೆದ್ದೇ ಇಲ್ಲ!

ಈ 3 ತಂಡಗಳ ಆಟಗಾರರು ಆರೆಂಜ್ ಕ್ಯಾಪ್ ಗೆದ್ದಿಲ್ಲ

ಈ ಬಾರಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಪದಾರ್ಪಣೆ ಮಾಡಿದ ಗುಜರಾತ್ ಟೈಟನ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಆಟಗಾರರು ಆರೆಂಜ್ ಕ್ಯಾಪ್ ಗೆಲ್ಲುವಲ್ಲಿ ವಿಫಲರಾದರು. ಇನ್ನು ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಯಾವುದೇ ಆವೃತ್ತಿಯಲ್ಲಿಯೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಯಾವುದೇ ಆಟಗಾರರೂ ಆರೆಂಜ್ ಕ್ಯಾಪ್ ಗೆಲ್ಲುವಲ್ಲಿ ಸಫಲರಾಗಿಲ್ಲ. ಈ ಮೂಲಕ ಡೆಲ್ಲಿ ಕ್ಯಾಪಿಟಲ್ಸ್, ಗುಜರಾತ್ ಟೈಟನ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ತಂಡದ ಆಟಗಾರರು ಇನ್ನೂ ಆರೆಂಜ್ ಕ್ಯಾಪ್ ಮುಡಿಗೇರಿಸಿಕೊಳ್ಳುವುದು ಬಾಕಿಯಿದೆ. ಇನ್ನು ಈ ವರ್ಷ ರಾಜಸ್ಥಾನ್ ರಾಯಲ್ಸ್ ಪರ ಜೋಸ್ ಬಟ್ಲರ್ ಆರೆಂಜ್ ಕ್ಯಾಪ್ ಗೆಲ್ಲದೇ ಇದ್ದಿದ್ದರೆ ಈ ತಂಡವೂ ಸಹ ಈ ಪಟ್ಟಿಯಲ್ಲಿರುತ್ತಿತ್ತು.

ಇಲ್ಲಿಯವರೆಗೂ ಆರೆಂಜ್ ಕ್ಯಾಪ್ ಗೆದ್ದಿರುವ ಆಟಗಾರರ ಪಟ್ಟಿ

2008 - ಶಾನ್ ಮಾರ್ಷ್ - ಕಿಂಗ್ಸ್ ಇಲೆವೆನ್ ಪಂಜಾಬ್

2009 - ಮ್ಯಾಥ್ಯೂ ಹೇಡನ್ - ಚೆನ್ನೈ ಸೂಪರ್ ಕಿಂಗ್ಸ್

2010 - ಸಚಿನ್ ತೆಂಡೂಲ್ಕರ್ - ಮುಂಬೈ ಇಂಡಿಯನ್ಸ್

2011 - ಕ್ರಿಸ್ ಗೇಲ್ - ರಾಯಲ್ ಚಾಲೆಂಜರ್ಸ್ ಬೆಂಗಳೂರು

2012 - ಕ್ರಿಸ್ ಗೇಲ್ - ರಾಯಲ್ ಚಾಲೆಂಜರ್ಸ್ ಬೆಂಗಳೂರು

2013 - ಮೈಕೆಲ್ ಹಸ್ಸಿ - ಚೆನ್ನೈ ಸೂಪರ್ ಕಿಂಗ್ಸ್

2014 - ರಾಬಿನ್ ಉತ್ತಪ್ಪ - ಕೋಲ್ಕತ್ತ ನೈಟ್ ರೈಡರ್ಸ್

2015 - ಡೇವಿಡ್ ವಾರ್ನರ್ - ಸನ್ ರೈಸರ್ಸ್ ಹೈದರಾಬಾದ್

2016 - ವಿರಾಟ್ ಕೊಹ್ಲಿ - ರಾಯಲ್ ಚಾಲೆಂಜರ್ಸ್ ಬೆಂಗಳೂರು

2017 - ಡೇವಿಡ್ ವಾರ್ನರ್ - ಸನ್ ರೈಸರ್ಸ್ ಹೈದರಾಬಾದ್

2018 - ಕೇನ್ ವಿಲಿಯಮ್ಸನ್ - ಸನ್ ರೈಸರ್ಸ್ ಹೈದರಾಬಾದ್

2019 - ಡೇವಿಡ್ ವಾರ್ನರ್ - ಸನ್ ರೈಸರ್ಸ್ ಹೈದರಾಬಾದ್

2020 - ಕೆಎಲ್ ರಾಹುಲ್ - ಪಂಜಾಬ್ ಕಿಂಗ್ಸ್

2021 - ರುತುರಾಜ್ ಗಾಯಕ್ವಾಡ್ - ಚೆನ್ನೈ ಸೂಪರ್ ಕಿಂಗ್ಸ್

2022 - ಜೋಸ್ ಬಟ್ಲರ್ ರಾಜಸ್ಥಾನ್ ರಾಯಲ್ಸ್

ಗೆದ್ದರು ತಂಡದಲ್ಲಿ ಇರೋ ಭಾಗ್ಯ ಇಲ್ಲ! | OneIndia Kannada

ಆರೆಂಜ್ ಕ್ಯಾಪ್ ಆಟಗಾರರಲ್ಲಿ ಕೊಹ್ಲಿಯೇ ಟಾಪ್!

ಇಲ್ಲಿಯವರೆಗೂ ನಡೆದಿರುವ ಐಪಿಎಲ್ ಆವೃತ್ತಿಗಳಲ್ಲಿ ಹಲವಾರು ಆರೆಂಜ್ ಕ್ಯಾಪ್ ವಿಜೇತರು ಹೊರಹೊಮ್ಮಿರಬಹುದು. ಆದರೆ ಈ ಎಲ್ಲಾ ಆಟಗಾರರಿಗಿಂತಲೂ ಅತಿ ಹೆಚ್ಚು ರನ್ ಗಳಿಸಿ ಆರೆಂಜ್ ಕ್ಯಾಪ್ ಮುಡಿಗೇರಿಸಿಕೊಂಡ ಕೀರ್ತಿ ವಿರಾಟ್ ಕೊಹ್ಲಿಗೆ ಸಲ್ಲಿದೆ. 2016ರ ಐಪಿಎಲ್ ಆವೃತ್ತಿಯಲ್ಲಿ 16 ಪಂದ್ಯಗಳನ್ನಾಡಿ 973 ರನ್ ಕಲೆ ಹಾಕಿದ್ದ ವಿರಾಟ್ ಕೊಹ್ಲಿ ಆರೆಂಜ್ ಕ್ಯಾಪ್ ವಿಜೇತರಾಗಿದ್ದರು. ವಿರಾಟ್ ಕೊಹ್ಲಿ ಕಲೆಹಾಕಿದ ಈ ಮೊತ್ತದಷ್ಟು ಇತರೆ ತಂಡದ ಯಾವುದೇ ಆಟಗಾರ ಕೂಡ ರನ್ ಕಲೆ ಹಾಕಿಲ್ಲ.