ಮುಂದಿನ ಐಪಿಎಲ್‌ ಸೀಸನ್‌ಗೆ ರಾಜಸ್ತಾನ್ ರಾಯಲ್ಸ್‌ ತಂಡದಿಂದ ಈ ಐವರು ಔಟ್!

ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್

ದಕ್ಷಿಣ ಆಫ್ರಿಕಾದ ಅಪಾಯಕಾರಿ ಮಧ್ಯಮ ಕ್ರಮಾಂಕದ ಬ್ಯಾಟರ್ ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್ ಈ ಋತುವಿನಲ್ಲಿ ರಾಯಲ್ಸ್‌ನ ಅತಿದೊಡ್ಡ ವೈಫಲ್ಯಗಳಲ್ಲಿ ಒಬ್ಬರಾಗಿದ್ದಾರೆ. ಈ ಋತುವಿನಲ್ಲಿ ಕೇವಲ ಮೂರು ಪಂದ್ಯಗಳಲ್ಲಿ ರಾಯಲ್ಸ್ ಅವರಿಗೆ ಅವಕಾಶ ನೀಡಿದೆ. ಈ ಮೂರು ಪಂದ್ಯಗಳಲ್ಲಿ ಆತ ಗಳಿಸಿದ್ದು ಕೇವಲ 22 ರನ್.

ಹೀಗಾಗಿ ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್ ಅವರನ್ನು ರಾಯಲ್ಸ್ ಆಡುವ ಪ್ಲೇಯಿಂಗ್ ಇಲೆವೆನ್‌ನಿಂದ ಕೈಬಿಡಲಾಯಿತು. ಜೋಸ್ ಬಟ್ಲರ್, ಶಿಮ್ರಾನ್ ಹೆಟ್ಮೆಯರ್ ಮತ್ತು ಟ್ರೆಂಟ್ ಬೋಲ್ಟ್ ನಾಲ್ವರು ವಿದೇಶಿ ಆಟಗಾರರ ಸ್ಲಾಟ್‌ಗೆ ಪ್ರವೇಶ ಪಡೆದಿದ್ದರಿಂದ ಕೇವಲ ಒಂದು ಸ್ಥಾನ ಮಾತ್ರ ಖಾಲಿಯಾಗಿತ್ತು. ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್ ಅವಕಾಶವನ್ನು ಬಳಸಿಕೊಳ್ಳಲು ವಿಫಲವಾದ ನಂತರ ಫ್ರಾಂಚೈಸ್ ಇತರ ಆಯ್ಕೆಗಳನ್ನು ನೋಡುತ್ತಿದೆ.

ಒಬೆದ್ ಮೆಕಾಯ್

ಐಪಿಎಲ್‌ನಲ್ಲಿ ವೆಸ್ಟ್ ಇಂಡೀಸ್ ವೇಗದ ಬೌಲರ್ ಒಬೆಡ್ ಮೆಕಾಯ್‌ಗೆ ಇದು ಚೊಚ್ಚಲ ಋತುವಾಗಿತ್ತು. ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ ಚೊಚ್ಚಲ ಪಂದ್ಯದಲ್ಲಿ ಎರಡು ವಿಕೆಟ್ ಪಡೆದು ಮಿಂಚಿದ್ದರು. ಇದು ಆಟದ ನಿರ್ಣಾಯಕ ಹಂತದಲ್ಲಿತ್ತು. ನಂತರ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯದಲ್ಲಿ ಮೆಕಾಯ್ ಕೊನೆಯ ಓವರ್‌ನಲ್ಲಿ ಬೌಲಿಂಗ್ ಮಾಡಿ ತಂಡಕ್ಕೆ ಭರ್ಜರಿ ಜಯ ತಂದುಕೊಟ್ಟರು.

IPL 2022ರಲ್ಲಿ ಮುಗ್ಗರಿಸಿದ ಪಂಜಾಬ್ ಕಿಂಗ್ಸ್‌ ತಂಡದಿಂದ ಈ ಐವರು ಹೊರಬೀಳಬಹುದು!

ಎಡಗೈ ವೇಗಿ ಈ ಋತುವಿನಲ್ಲಿ ಏಳು ಪಂದ್ಯಗಳಲ್ಲಿ ಬೌಲಿಂಗ್ ಮಾಡಿದ್ದಾರೆ. ಅವರು 9.17 ರ ಎಕಾನಮಿ ದರದಲ್ಲಿ 11 ವಿಕೆಟ್ ಪಡೆದರು. ಮೆಕಾಯ್ ಅವರ ದೊಡ್ಡ ದೌರ್ಬಲ್ಯವೆಂದರೆ ಕಳಪೆ ಎಕಾನಮಿ ರೇಟ್. ಗುಜರಾತ್ ಟೈಟಾನ್ಸ್ ವಿರುದ್ಧದ ಅಂತಿಮ ಪಂದ್ಯದಲ್ಲಿ ಅವರು 3.1 ಓವರ್‌ಗಳಲ್ಲಿ 26 ರನ್‌ಗಳನ್ನು ಬಿಟ್ಟುಕೊಟ್ಟರು.

ಕರುಣ್ ನಾಯರ್

ಮಲೆಯಾಳಿ ಬ್ಯಾಟ್ಸ್‌ಮನ್ ಕರುಣ್ ನಾಯರ್ ರಾಜಸ್ತಾನ ರಾಯಲ್ಸ್‌ನಿಂದ ಹೊರಗುಳಿದ ಮೂರನೇ ವ್ಯಕ್ತಿ. ಏಳು ವರ್ಷಗಳ ಬಳಿಕ ಕರುಣ್, ರಾಯಲ್ಸ್ ತಂಡಕ್ಕೆ ಮರಳಿದ್ದರು. ಆದರೆ ಆತ ಆಡಿದ್ದು ಮಾತ್ರ ಕೆಲವೇ ಪಂದ್ಯಗಳು. ಕರುಣ್ ನಾಯಕರ್ ಮೂರು ಪಂದ್ಯಗಳಲ್ಲಿ ಆಡುವ ಹನ್ನೊಂದರ ಬಳಗದಲ್ಲಿ ಸ್ಥಾನ ಪಡೆದಿದ್ದರು.

ಆದ್ರೆ ಈತ ಗಳಿಸಿದ್ದು 3 ಮತ್ತು 13 ರನ್ ಆಗಿತ್ತು. ಇದರೊಂದಿಗೆ ಕರುಣ್ ಸ್ಥಾನ ಕೂಡ ಕೈ ತಪ್ಪಿ ಹೋಯಿತು. 2014ರಲ್ಲಿ ಅವರು ರಾಯಲ್ಸ್ ಪರ ಅಮೋಘ ಪ್ರದರ್ಶನ ನೀಡಿದ್ದ ಕರುಣ್ 11 ಇನ್ನಿಂಗ್ಸ್ ಗಳಲ್ಲಿ 330 ರನ್ ಗಳಿಸಿದ್ದರು. ಜಹೀರ್ ಖಾನ್ ಅವರ ಅನುಪಸ್ಥಿತಿಯಲ್ಲಿ, ಅವರು 2017 ರ ಐಪಿಎಲ್‌ನಲ್ಲಿ ಮೂರು ಪಂದ್ಯಗಳಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್‌ಗೆ ನಾಯಕರಾಗಿದ್ದರು.

ಐಪಿಎಲ್ 2023ಕ್ಕೂ ಮುನ್ನ ಚಾಂಪಿಯನ್ಸ್ ಗುಜರಾತ್ ತಂಡದಿಂದ ಹೊರಬೀಳಲಿರುವ 3 ಆಟಗಾರರು!

ನವದೀಪ್ ಸೈನಿ

ಭಾರತದ ವೇಗದ ಬೌಲರ್ ನವದೀಪ್ ಸೈನಿಗೆ ರಾಜಸ್ಥಾನ ರಾಯಲ್ಸ್ ನಲ್ಲಿ ಅವಕಾಶ ಸಿಕ್ಕಿಲ್ಲ. ಅವರು ಎರಡು ಪಂದ್ಯಗಳಲ್ಲಿ ರಾಯಲ್ಸ್ ಪರ ಬೌಲಿಂಗ್ ಮಾಡಿದರು. ಈ ಪೈಕಿ ಅವರು 12 ಎಕಾನಮಿ ದರದಲ್ಲಿ ಮೂರು ವಿಕೆಟ್ ಪಡೆದರು. ಸೈನಿ ಅವರನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅತ್ಯುತ್ತಮವಾಗಿ ಎದುರಿಸಿತು. ಸೈನಿ ಅವರ ಕೊನೆಯ ಎರಡು ಓವರ್‌ಗಳಲ್ಲಿ ದಿನೇಶ್ ಕಾರ್ತಿಕ್ ಮತ್ತು ಶಹಬಾಜ್ ಅಹ್ಮದ್ 30 ರನ್ ಸೇರಿಸಿದರು.

ಹೆಚ್ಚು ಸಿಕ್ಸರ್ ಬಾರ್ಸಿರೋ ಆಟಗಾರ ಇವ್ರೆ ನೋಡಿ!! | OneIndia Kannada

ಡೆರಿಲ್ ಮಿಚೆಲ್

ನ್ಯೂಜಿಲೆಂಡ್ ಆಲ್ ರೌಂಡರ್ ಡೆರಿಲ್ ಮಿಚೆಲ್ ರಾಜಸ್ಪ್ತಾನ ರಾಯಲ್ಸ್ ತಂಡಕ್ಕೆ ನಿರಾಸೆ ಮೂಡಿಸಿದ ಮತ್ತೊಬ್ಬ ಆಟಗಾರ. ಅವರು ಕೇವಲ ಎರಡು ಪಂದ್ಯಗಳಲ್ಲಿ ರಾಯಲ್ಸ್ ಪರ ಅವಕಾಶ ಪಡೆದರು. ಅದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಮುಂಬೈ ಇಂಡಿಯನ್ಸ್ ವಿರುದ್ಧ. ಮಿಚೆಲ್ ಅವರ ಅಂಕಗಳು ಕ್ರಮವಾಗಿ 16 ಮತ್ತು 17 ರನ್ ಕಲೆಹಾಕಿದರು. ಇದಲ್ಲದೆ ಮಿಚೆಲ್ ಐಪಿಎಲ್ ಪ್ಲೇಆಫ್ ಸಮಯದಲ್ಲಿ ರಾಯಲ್ಸ್ ತಂಡವನ್ನು ತೊರೆದರು. ತವರಿನಲ್ಲಿ ನಡೆಯಲಿರುವ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಗೆ ನ್ಯೂಜಿಲೆಂಡ್ ಸೇರಬೇಕಿತ್ತು.

ಹೀಗಾಗಿ ರಾಜಸ್ತಾನ್ ರಾಯಲ್ಸ್ ತಂಡವು ಡೆರಿಲ್ ಮಿಚೆಲ್‌ರನ್ನು ಐಪಿಎಲ್ 2023ರ ಸೀಸನ್‌ಗೆ ಪರಿಗಣಿಸುವ ಸಾಧ್ಯತೆ ತುಂಬಾ ಕಡಿಮೆಯಿದೆ.