ಟ್ವೀಟ್ಸ್ ಸ್ವಾಗತ: ಗೇಲ್ ಹೋದ, ಹೆಟ್ಮೆಯರ್ ಬಂದ ಢುಂ ಢುಂ

ಜೈಪುರ, ಡಿಸೆಂಬರ್ 18:ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2019ರ ಟೂರ್ನಮೆಂಟ್ ನಲ್ಲಿ ಪ್ರತಿ ಬಾರಿ ಬಲಿಷ್ಠ ಬ್ಯಾಟಿಂಗ್ ಹೊಂದಿರುವ ತಂಡಗಳ ಪೈಕಿ ಅಗ್ರಗಣ್ಯ ತಂಡವೆನಿಸಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಈ ಬಾರಿ ಹರಾಜಿನಲ್ಲಿ ಬಂಪರ್ ಹೊಡೆದಿದೆ.

ಯಾರೆಲ್ಲ ಆಟಗಾರರರು ಆಡುತ್ತಾರೆ ಎಂಬುದು ಇಂದು ನಿರ್ಧಾರವಾಗಿದೆ. ಐಪಿಎಲ್ 12ರಲ್ಲಿ ಆಡುವುದಕ್ಕಾಗಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ವೆಸ್ಟ್ ಇಂಡೀಸ್ ನ ಸ್ಫೋಟಕ ಬ್ಯಾಟ್ಸ್ ಮನ್ ಸಿಮ್ರೋನ್ ಹೆಟ್ಮೆಯರ್ ಅವರನ್ನು ಆರ್ ಸಿಬಿ ಖರೀದಿಸಿದೆ. ಈ ಮೂಲಕ ಕ್ರಿಸ್ ಗೇಲ್ ಇಲ್ಲದ ಕೊರಗನ್ನು ನೀಗಿಸಿಕೊಂಡಿದೆ ಎನ್ನಬಹುದು.

ಐಪಿಎಲ್ 2019 ಹರಾಜು LIVE : ಜಯದೇವ್ ಖರೀದಿಸಿದ ರಾಜಸ್ಥಾನ್

ಹೆಟ್ಮೆಯರ್ ಗೆ 4.20 ಕೋಟಿ ರು ನೀಡಿರುವ ರಾಯಲ್ ಚಾಲೆಂಜರ್ಸ್ ಬೆಂಗಳೂರಿಗೆ ಬಿಡ್ಡಿಂಗ್ ಸುಲಭವಾಗಿರಲಿಲ್ಲ. ಹೆಟ್ಮೆಯರ್ ಗಾಗಿ ರಾಜಸ್ಥಾನ್ ರಾಯಲ್ಸ್, ಸನ್ ರೈಸರ್ಸ್ ಹೈದರಾಬಾದ್, ಡೆಲ್ಲಿ ಕ್ಯಾಪಿಟಲ್ಸ್ ಕೂಡಾ ಬಿಡ್ಡಿಂಗ್ ಸಲ್ಲಿಸಿದ್ದವು.

ಐಪಿಎಲ್ 2019 : ಅತಿ ಹೆಚ್ಚು ಬಿಡ್ ಪಡೆದ ಹೆಟ್ಮೆಯರ್, ವರುಣ್ ಚಕ್ರವರ್ತಿ

ವಿರಾಟ್ ಕೊಹ್ಲಿ, ಎಬಿ ಡಿ ವಿಲಿಯರ್ಸ್ ಹಾಗೂ ಹೆಟ್ಮೆಯರ್ ಜೋಡಿ ಯಾವ ರೀತಿ ಮೋಡಿ ಮಾಡಲಿದೆ ಎಂಬುದನ್ನು ನೋಡಲು ಕಾತುರರಾಗಿರುವುದಾಗಿ ಟ್ವಿಟ್ಟಿಗರು ಹೇಳಿಕೊಂಡಿದ್ದಾರೆ.