ಸಕತ್ ''ಸೌಂಡ್'' ಮಾಡುತ್ತಿದೆ ಐಪಿಎಲ್ 13 ಮೊದಲ ಪಂದ್ಯ!

ಅದುವೇ ನಕಲಿ ಸೌಂಡ್, ನಕಲಿ ಸ್ಟೇಡಿಯಂ ಪ್ರೇಕ್ಷಕರು

ಮೈದಾನದಲ್ಲಿ ಸಿಕ್ಸ್, ಫೋರ್ ಬಾರಿಸಿದಾಗ, ಕ್ಯಾಚ್ ಬಿಟ್ಟಾಗ, ಸ್ಟಂಪ್, ರನೌಟ್ ಆದಾಗ, ಮಿಸ್ ಫೀಲ್ಡ್ ಆದಾಗ ಪ್ರೇಕ್ಷಕರು ಕೊಡುವ ರಿಯಾಕ್ಷನ್ ಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ಇದನ್ನು ಆಟಗಾರರು ಮಿಸ್ ಮಾಡಿಕೊಳ್ಳುತ್ತಾರೆ ನಿಜ, ಆದರೆ, ಟಿವಿ, ಆಪ್ ಮೂಲಕ ಪಂದ್ಯ ನೋಡುವ ಪ್ರೇಕ್ಷಕರಿಗೆ ನೈಜ ಪ್ರೇಕ್ಷಕರಿಂದ ತುಂಬಿದ ಸ್ಟೇಡಿಯಂ ಅನುಭವ ಒದಗಿಸಲು ಬಿಸಿಸಿಐ ವಿಶೇಷ ವ್ಯವಸ್ಥೆ ಮಾಡಿಕೊಂಡಿದ್ದು, ಅದುವೇ ನಕಲಿ ಸೌಂಡ್, ನಕಲಿ ಸ್ಟೇಡಿಯಂ ಪ್ರೇಕ್ಷಕರು.

ಆಪ್ ಬಳಸಿ ವೀಕ್ಷಣೆಯಲ್ಲಿ ಇದು ಮಾಮೂಲಿ

ಬಿಸಿಸಿಐ ಕ್ರೀಡಾಂಗಣದಲ್ಲಿ 4 ಅಭಿಮಾನಿಗಳ ಗೋಡೆಯನ್ನು ಏರ್ಪಡಿಸಿದೆ, ಪಂದ್ಯದೊಂದಿಗೆ ತೊಡಗಿಸಿಕೊಳ್ಳಲು ತನ್ನ ಪ್ರೇಕ್ಷಕರ ಸಾಮಾಜಿಕ ದೂರವನ್ನು ಗಮನದಲ್ಲಿಟ್ಟುಕೊಂಡು, ಪ್ರೇಕ್ಷಕರು ಲೈವ್ ಪಂದ್ಯವನ್ನು ವಾಸ್ತವ ರೀತಿಯಲ್ಲಿ ಆನಂದಿಸಬಹುದು. ಬಿಸಿಸಿಐ ಸ್ಥಾಪಿಸಿರುವ ಈ ಫ್ಯಾನ್ ಗೋಡೆಗಳಲ್ಲಿ ಲಭ್ಯವಿರುವ ಎರಡೂ ತಂಡಗಳಿಗೆ 96 ಸ್ಲಾಟ್‌ಗಳು ಲಭ್ಯವಿರುತ್ತವೆ. ಈ ಮೂಲಕ ಅಭಿಮಾನಿಗಳು ಮನೆಯಲ್ಲಿ ಕುಳಿತುಕೊಳ್ಳುವ ಕ್ರೀಡಾಂಗಣಕ್ಕೆ ಸಂಪರ್ಕ ಸಾಧಿಸಬಹುದು ಮತ್ತು ಲೈವ್ ಪಂದ್ಯವನ್ನು ಆನಂದಿಸಬಹುದು.

IPL 2020: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸಂಪೂರ್ಣ ವೇಳಾಪಟ್ಟಿ

ವರ್ಚುವಲ್ ಫ್ಯಾನ್ ಗೋಡೆ

ಬುಕ್ ಮೈ ಶೋ ಸೇರಿದಂತೆ ಕೆಲವು ಆಪ್ ಆಧಾರಿತ ಲೈವ್ ಪಂದ್ಯಗಳಲ್ಲಿ ವರ್ಚುವಲ್ ಫ್ಯಾನ್ ಗೋಡೆ, ಫ್ಯಾನ್ ಚೀರಾಟ ಮಾಮೂಲಿ, 2207ರ ಕ್ರಿಕೆಟ್ ವಿಡಿಯೋ ಗೇಮ್ ನಲ್ಲೇ ಇದು ಬಂದಿದೆ. ಬಿಸಿಸಿಐ ಈಗ ಕಣ್ಣು ತೆರೆದಿದೆ ಎಂದು ಟ್ವೀಟ್ ಮಾಡಿದ ಸಿದ್ದಾಥ್ ಉಪಾಧ್ಯಾಯ್ (@SSSid_tweets).

ಸೌಂಡ್ ಇಲ್ಲದೆ ಪಂದ್ಯದ ಮಜಾವೇ ಇರೋದಿಲ್ಲ

ಸೌಂಡ್ ಇಲ್ಲದೆ ಪಂದ್ಯದ ಮಜಾವೇ ಇರೋದಿಲ್ಲ, ಐಪಿಎಲ್ ಎಂದರೆ ಪ್ರೇಕ್ಷಕರ ಕೂಗಾಟ, ಕಿರುಚಾಟ, ಕೇಕೆ ಇರಬೇಕು, ಡ್ರಮ್ಸ್ ಬೀಟ್, ಶಿಳ್ಳೆ, ಚಪ್ಪಾಳೆ, ಹರ್ಷೋದ್ಗಾರ ಇಲ್ಲದೆ ಪಂದ್ಯ ನೋಡುವುದು ಏನು ಚೆಂದ ಎಂದ ಪ್ರಶ್ನಿಸಿದ ಶ್ರೀ ನಂದನ್.