ವೇಗವನ್ನು ಹೆಚ್ಚಿಸಲು ಮಾದಕ ದ್ರವ್ಯ ಬಳಸಲು ಒತ್ತಾಯಿಸಿದ್ದರು: ಶೋಯೆಬ್ ಅಖ್ತರ್

ಪ್ರಥಮ ದರ್ಜೆ ಕ್ರಿಕೆಟಿಗರ ಭವಿಷ್ಯ ಅಂತ್ಯವಾಗಿದೆ

ಪಾಕಿಸ್ತಾನದ ಮಾದಕವಸ್ತು ವಿರೋಧಿ ಪಡೆ ಆಯೋಜಿಸಿದ್ದ ಸಾರ್ವಜನಿಕ ಕಾರ್ಯಕ್ರಮವೊಂದರಲ್ಲಿ ಪಾಲ್ಗೊಂಡುದ್ದ ಶೋಯೆಬ್ ಅಖ್ತರ್ ಈ ವಿಚಾರವನ್ನು ಹಂಚಿಕೊಂಡಿದ್ದಾರೆ. ಮಾದಕ ವಸ್ತುಗಳ ಕಾರಣಕ್ಕೆ ಕೆಲ ಪ್ರಥಮದರ್ಜೆ ಕ್ರಿಕೆಟಿಗರ ಭವಿಷ್ಯ ಅಂತ್ಯ ಕಂಡಿದೆ ಎಂದ ಅಖ್ತರ್ ಯಾವುದೇ ಆಟಗಾರರ ಹೆಸರನ್ನು ಬಹಿರಂಗಪಡಿಸಲಿಲ್ಲ.

ವೇಗ ಗಳಿಸಲು ಉದ್ದೀಪನ ಬಳಸಲೇಬೇಕು

ನಾನು ಕ್ರಿಕೆಟ್ ಪ್ರಾರಂಭಿಸಿದಾಗ ನಿಮಗೆ ವೇಗವಾಗಿ ಬೌಲಿಂಗ್ ಮಾಡಲು ಸಾಧ್ಯವಿಲ್ಲ. ಗಂಟೆಗೆ 100 ಕಿ.ಮೀ ವೇಗದಲ್ಲಿ ಬೌಲಿಂಗ್ ಮಾಡಲು ನೀವು ಡಗ್ಸ್‌ಗಳನ್ನು ಬಳಸಬೇಕಾಗುತ್ತದೆ ಎಂದು ಹೇಳುತ್ತಿದ್ದರು. ಆದರೆ ನಾನು ಅದನ್ನು ನಿರಾಕರಿಸುತ್ತಿದ್ದೇನೆ ಎಂದು ಶೋಯೆಬ್ ಅಖ್ತರ್ ಹೇಳಿದ್ದಾರೆ.

ಅತ್ಯಂತ ವೇಗದ ಬೌಲಿಂಗ್ ದಾಖಲೆ

ಏಕದಿನ ಕ್ರಿಕೆಟ್‌ನಲ್ಲಿ ಶೋಯೆಬ್ ಅಖ್ತರ್ ಅತ್ಯಂತ ವೇಗವಾಗಿ ಬೌಲಿಂಗ್ ಮಾಡಿದ ಬೌಲರ್ ಎಂಬ ದಾಖಲೆಯನ್ನು ಹೊಂದಿದ್ದಾರೆ. 2002ರಲ್ಲಿ ನ್ಯೂಜಿಲೆಂಡ್ ವಿರುದ್ಧ ನಡೆದ ಪಂದ್ಯದಲ್ಲಿ ಅಖ್ತರ್ ಗಂಟೆಗೆ 161 ಕಿಮಿ ವೇಗದಲ್ಲಿ ಬೌಲಿಂಗ್ ಮಾಡಿದ್ದು ದಾಖಲೆಯಾಗಿ ಉಳಿದಿದೆ. ವೃತ್ತಿ ಜೀವನದಲ್ಲಿ 151 khpಗಿಂತ ವೇಗದ ಬೌಲಿಂಗ್‌ಅನ್ನು ಅಖ್ತರ್ ನಿರಂತರವಾಗಿ ಮಾಡಿಕೊಂಡಿ ಬಂದಿದ್ದಾರೆ.