ಎಂಎಸ್ ಧೋನಿಗೆ ಸೆಲ್ಯೂಟ್ ಹೊಡೆದ ವಿಂಡೀಸ್ ಕ್ರಿಕೆಟರ್ ಶೆಲ್ಡನ್ ಕಾಟ್ರೆಲ್!

ಸ್ಫೂರ್ತಿದಾಯಕ ವ್ಯಕ್ತಿ

'ಕ್ರಿಕೆಟ್ ಮೈದಾನದಲ್ಲಿ ಈ ಮನುಷ್ಯ ಸ್ಫೂರ್ತಿ ತುಂಬುತ್ತಿರುತ್ತಾನೆ. ಕ್ರಿಕೆಟ್ ವೃತ್ತಿಗೆ ಹೊರತಾಗಿಯೂ ತನ್ನ ದೇಶಕ್ಕೆ ಕೊಡುಗೆ ನೀಡುತ್ತಿರುವ ಈತ ನಿಜಕ್ಕೂ ದೇಶ ಪ್ರೇಮಿ. ಈ ಹಿಂದಿನ ವಾರಗಳಲ್ಲಿ ನಾನು ನನ್ನ ಸಹ ಆಟಗಾರರ ಜೊತೆ ಜಮೈಕಾದಲ್ಲಿದ್ದೆ. ಧೋನಿಯ ದೇಶ ಪ್ರೇಮವನ್ನು ಬಿಂಬಿಸಲು ನನಗೆ ಬಿಡುವಿತ್ತು' ಎಂದು ಬಲಗೈ ವೇಗಿ ಕಾಟ್ರೆಲ್ ಮೊದಲ ಟ್ವೀಟ್‌ನಲ್ಲಿ ಬರೆದುಕೊಂಡಿದ್ದಾರೆ.

ಕಾಶ್ಮೀರದಲ್ಲಿ ಧೋನಿ ಕರ್ತವ್ಯ

ಭಾರತದ ವೆಸ್ಟ್ ಇಂಡೀಸ್ ಪ್ರವಾಸ ಸರಣಿಯನ್ನು ಕೈ ಬಿಟ್ಟಿರುವ ಧೋನಿ, 2 ತಿಂಗಳ ಕಾಲ ಆರ್ಮಿ ಸೇವೆಯಲ್ಲಿ ತೊಡಗಿಕೊಳ್ಳುವ ನಿರ್ಧಾರ ತಳೆದಿದ್ದರು. ಇದಕ್ಕೆ ಸೇನಾ ಮುಖ್ಯ ಕಚೇರಿಯಿಂದ ಅನುಮತಿಯೂ ದೊರೆತಿದೆ. ಜುಲೈ 31ರಿಂದ ಆಗಸ್ಟ್ 15ರ ವರೆಗೆ ಧೋನಿ ಕಾಶ್ಮೀರದಲ್ಲಿ ಕರ್ತವ್ಯದಲ್ಲಿ ತೊಡಗಲಿದ್ದಾರೆ.

ಅಪರೂಪದ ಕ್ಷಣ ಸೆರೆ

ಭಾನುವಾರವೇ (ಜುಲೈ 28) ಮತ್ತೊಂದು ಟ್ವೀಟ್‌ನಲ್ಲಿ ಕಾಟ್ರೆಲ್, 'ಈ ವಿಡಿಯೋದಲ್ಲಿ ಪತ್ನಿಗೆ ತನ್ನ ಪತಿ ಮತ್ತು ದೇಶದ ಬಗ್ಗೆ ಗೌರವ ಮೂಡುವಂತ ಕ್ಷಣ ಸೆರೆಯಾಗಿದೆ. ಇದಕ್ಕಾಗಿ ನಾನು ಈ ವಿಡಿಯೋವನ್ನು ನನ್ನ ಸ್ನೇಹಿತರು ಮತ್ತು ಕುಟುಂಬದಲ್ಲಿ ಶೇರ್ ಮಾಡಿಕೊಂಡಿದ್ದೇನೆ' ಎಂದು ಮತ್ತೊಂದು ಟ್ವೀಟ್‌ನಲ್ಲಿ ಬರೆದುಕೊಂಡಿದ್ದಾರೆ.

ಗಸ್ತು ತಿರುಗುವ ಕಾಯಕ

38ರ ಹರೆಯದ ಧೋನಿ, ಭಾರತೀಯ ಸೇನೆಯಲ್ಲಿ ಪ್ಯಾರಾಚೂಟ್ ರೆಜಿಮೆಂಟ್‌ನ ಟೆರಿಟೊರಿಯಲ್ ಆರ್ಮಿ ಯುನಿಟ್‌ನಲ್ಲಿ ಗೌರವ ಲೆಫ್ಟಿನೆಂಟ್ ಕರ್ನಲ್ ಆಗಿದ್ದಾರೆ. ಹೀಗಾಗಿ ವೆಸ್ಟ್ ಇಂಡೀಸ್ ಪ್ರವಾಸ ಸರಣಿಗಾಗಿ ಬಿಸಿಸಿಐಯು ತಂಡಗಳನ್ನು ಪ್ರಕಟಿಸುವ ಮುನ್ನವೇ ಧೋನಿ, ತಾನು ಪ್ರವಾಸ ಸರಣಿಗೆ ಬದಲಾಗಿ ಸೇನಾ ಸೇವೆಯಲ್ಲಿ ತೊಡಗುವ ನಿರ್ಧಾರ ಪ್ರಕಟಿಸಿದ್ದರು. ಅದರಂತೆ ಧೋನಿ ಅವರು ಕಾಶ್ಮೀರದಲ್ಲಿ ಗಸ್ತು ತಿರುಗುವ, ಕಾವಲು ಕಾಯುವ ಕರ್ತವ್ಯ ನಿರ್ವಹಿಸಲಿದ್ದಾರೆ.