ಸೋತ ದಕ್ಷಿಣ ಆಫ್ರಿಕಾ, ವೆಸ್ಟ್ ಇಂಡೀಸ್‌ ಸೆಮಿ ಫೈನಲ್‌ಗೆ

ದಕ್ಷಿಣ ಆಫ್ರಿಕಾ ವಿರುದ್ಧ ಗೆಲುವು

ಶುಕ್ರವಾರ ದಕ್ಷಿಣ ಆಫ್ರಿಕಾ ತಂಡವನ್ನು ಸೋಲಿಸುವ ಮೂಲಕ ವೆಸ್ಟ್ ಇಂಡೀಸ್ 6 ಪಾಯಿಂಟ್‌ಗಳನ್ನು ಪಡೆದು, 'ಎ' ಗುಂಪಿನಲ್ಲಿ ಅಗ್ರಸ್ಥಾನ ಗಳಿಸಿದ್ದು, ಟಿ 20 ವಿಶ್ವಕಪ್ ಸೆಮಿಫೈನಲ್ ಪ್ರವೇಶಿಸಿದೆ.

ನಾಗ್ಪುರದಲ್ಲಿ ಸೋತ ದಕ್ಷಿಣ ಆಫ್ರಿಕಾ

ಶುಕ್ರವಾರ ನಾಗ್ಪುರ ಎರಡು ಬಲಿಷ್ಠ ತಂಡಗಳ ನಡುವಿನ ಕಾದಾಟಕ್ಕೆ ಸಾಕ್ಷಿಯಾಯಿತು. ಗೆಲುವು ಸಾಧಿಸುವ ಅನಿವಾರ್ಯತೆಯಲ್ಲಿದ್ದ ದಕ್ಷಿಣ ಆಫ್ರಿಕಾ ಸೋಲು ಅನುಭವಿಸಿತು. 20 ಓವರ್‌ಗಳಲ್ಲಿ 8 ವಿಕಟ್ ಕಳೆದುಕೊಂಡ ತಂಡ 122 ರನ್ ಮಾತ್ರ ಬಾರಿಸಲು ಸಾಧ್ಯವಾಯಿತು.

ಕೈಕೊಟ್ಟ ಬ್ಯಾಟ್ಸ್‌ಮನ್‌ಗಳು

ನಾಗ್ಪುರ ಮೈದಾನದಲ್ಲಿ ಪ್ರಮುಖ ಬ್ಯಾಟ್ಸ್‌ಮನ್‌ಗಳ ವೈಫಲ್ಯ ಕಾಡಿತು. ದಕ್ಷಿಣ ಆಫ್ರಿಕಾದ ಪರ ಹಶಿಮ್ ಆಮ್ಲಾ, ಫಾಫ್‌ ಡು ಪ್ಲೆಸಿಸ್, ಎ.ಬಿ ಡಿವಿಲಿಯರ್ಸ್‌, ಡೇವಿಡ್‌ ಮಿಲ್ಲರ್‌ ವೈಫಲ್ಯ ಅನುಭವಿಸಿದರು. ದಕ್ಷಿಣ ಆಫ್ರಿಕಾದ ಪರ ಕ್ವಿಂಟನ್‌ ಡಿ ಕಾಕ್‌ 47 ರನ್‌ಗಳಿಸಿ ತಂಡಕ್ಕೆ ಆಸರೆಯಾದರು.

ಗೇಲ್ ಅಭಿಮಾನಿಗಳಿಗೆ ನಿರಾಸೆ

ಸ್ಫೋಟಕ ಬ್ಯಾಟ್ಸ್‌ಮನ್ ಕ್ರಿಸ್ ಗೇಲ್ ಶುಕ್ರವಾರ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿದರು. ಕೇವಲ 7 ರನ್‌ಗಳಿಸಿದ ಗೇಲ್ ರಬಾಡಗೆ ವಿಕೆಟ್ ಒಪ್ಪಿಸಿದರು. 3 ಓವರ್ ಬೌಲಿಂಗ್ ಮಾಡಿದ ಗೇಲ್, 17 ರನ್ ಕೊಟ್ಟು 2 ವಿಕೆಟ್ ಪಡೆದರು.
ವೆಸ್ಟ್ ಇಂಡೀಸ್ ಪರ ಫ್ಲೆಚರ್ 11ರನ್ ಗಳಿಸಿದರೆ, ಸ್ಯಾಮುಯೆಲ್ಸ್‌ 44 ರನ್‌ಗಳಿಸಿ ತಂಡದ ಗೆಲುವಿಗೆ ಪ್ರಮುಖ ಕಾರಣದಾದರು.

ಮುಂದಿನ ಪಂದ್ಯಗಳು

ವೆಸ್ಟ್ ಇಂಡೀಸ್ ಮಾರ್ಚ್ 27ರಂದು ಆಫ್ಘಾನಿಸ್ತಾನ ವಿರುದ್ಧ ತನ್ನ ಮುಂದಿನ ಪಂದ್ಯವಾಡಲಿದೆ. ದಕ್ಷಿಣ ಆಫ್ರಿಕಾಕ್ಕೆ ಮುಂದಿನ ಪಂದ್ಯ ಶ್ರೀಲಂಕಾ ವಿರುದ್ಧ ಮಾರ್ಚ್ 28ಕ್ಕೆ.