ಬೆಂಗಳೂರು, ಜೂನ್ 13: ಫೀಫಾ ವಿಶ್ವಕಪ್ 2018ರ ಸಂದರ್ಭದಲ್ಲಿ ಫುಟ್ಬಾಲ್ ಕ್ರೇಜ್ ಹೆಚ್ಚಾಗುತ್ತಿದೆ. ಸುನಿಲ್ ಛೆಟ್ರಿ ನೇತೃತ್ವದ ಭಾರತ ತಂಡವು ಇಂಟರ್ ಕಾಂಟಿನೆಂಟಲ್ ಕಪ್ ಗೆದ್ದ ಸಂಭ್ರಮ ಮನೆ ಮಾಡಿದೆ.
ಈ ಸಂದರ್ಭದಲ್ಲಿ ಸಾಮಾಜಿಕ ಜಾಲ ತಾಣ ಟ್ವಿಟ್ಟರ್ ನಲ್ಲಿ ಕಿರಣ್ ಕೆಎಸ್ ಎಂಬುವವರು ಒಂದು ಸಣ್ಣ ವಿಡಿಯೋಕ್ಲಿಪ್ಪಿಂಗ್ ಹಾಗೂ ಅದಕ್ಕೊಂದು ಟಿಪ್ಪಣಿ ಬರೆದು ಹಾಕಿರುವುದು ಎಲ್ಲರ ಗಮನ ಸೆಳೆದಿದೆ.
ಫೀಫಾ ವಿಶ್ವಕಪ್ 2018 : ವೇಳಾಪಟ್ಟಿ | ತಂಡಗಳು
ಈ ವಿಡಿಯೋದಲ್ಲಿ 65 ವರ್ಷಕ್ಕೂ ಹೆಚ್ಚು ವಯಸ್ಸಾಗಿರುವ ವ್ಯಕ್ತಿಯೊಬ್ಬರು ಲುಂಗಿಯುಟ್ಟುಕೊಂಡು ಫುಟ್ಬಾಲ್ ಅಭ್ಯಾಸದಲ್ಲಿ ತೊಡಗಿಕೊಂಡಿರುವ ದೃಶ್ಯವಿದೆ.
ಈ ವೃದ್ಧ ದಂಪತಿಯ ಫುಟ್ಬಾಲ್ ಪ್ರೀತಿಗೆ ವಯಸ್ಸೇ ಆಗಿಲ್ಲ
ಚೆಂಡನ್ನು ಎರಡು ಕಾಲುಗಳಲ್ಲಿ ನಿಯಂತ್ರಿಸುವುದು, ಪುಟಿದೇಳುವಂತೆ ಮಾಡುವುದು, ಬೆನ್ನ ಮೇಲೆ ಚೆಂಡು ನಿಲ್ಲಿಸಿಕೊಳ್ಳುವುದು, ಹೆಡ್ ಮಾಡುವುದು ಹೀಗೆ ವೃತ್ತಿಪರರು ಅಭ್ಯಾಸ ಮಾಡುವಾಗ ಅನುಸರಿಸುವ ಎಲ್ಲಾ ವರಸೆಗಳನ್ನು ಸುಲಭವಾಗಿ ಈ ವ್ಯಕ್ತಿ ಮಾಡುತ್ತಾರೆ. ಈತ ಯಾರು ಏನು ಎತ್ತ ಎಂಬುದರ ಬಗ್ಗೆ ಟ್ವೀಟ್ ನಲ್ಲಿ ಹೆಚ್ಚಿನ ಮಾಹಿತಿ ಇಲ್ಲ
When he can demonstrate this much talent barefoot and in a lungi, imagine how he would have performed if he got the same facilities and money that Neymar and Messi got?#WorldCup2018 #Football pic.twitter.com/bU5L7MOpNc
— Kiran Kumar S (@KiranKS) June 11, 2018
'ಬರಿಗಾಲಿನಲ್ಲಿ ಇಂಥ ಅದ್ಭುತ ಪ್ರತಿಭೆ ಪ್ರದರ್ಶಿಸುವ ಈತನಿಗೆ ಹಣ ಬಲ, ನೇಮಾರ್, ಮೆಸ್ಸಿಗೆ ಸಿಕ್ಕ ಬೆಂಬಲ ಸಿಕ್ಕಿದ್ದರೆ ಯಾವ ರೀತಿ ಬೆಳೆಯುತ್ತಿದ್ದರೋ ಸುಮ್ಮನೆ ಊಹಿಸಿ ನೋಡಿ' ಎಂದು ಟ್ವೀಟ್ ಮಾಡಲಾಗಿದೆ. ಇನ್ನೇಕೆ ತಡ ನೀವು ಈ ಪ್ರತಿಭೆಯನ್ನು ಕಣ್ತುಂಬಿಸಿಕೊಳ್ಳಿ.