ವಿಶ್ವಕಪ್ : ನಾಕೌಟ್ ಹಂತದ ಸಂಪೂರ್ಣ ವೇಳಾಪಟ್ಟಿ

ಬೆಲೋ ಹಾರಿಜಾಂಟೆ, ಜೂ.27: ಫೀಫಾ ವಿಶ್ವಕಪ್ 2014ರಲ್ಲಿ 15 ದಿನಗಳ ಭರ್ಜರಿ ಮನರಂಜನೆಯ ನಂತರ ಈಗ ನಾಕೌಟ್ ಹಂತ ರೋಚಕತೆಗೆ ಮೈದಾನಗಳು ಸಜ್ಜಾಗಿವೆ. 32 ತಂಡಗಳಲ್ಲಿ 16 ತಂಡಗಳು 16 ರ ಹಂತ ತಲುಪಿವೆ.

ಹಾಲಿ ಚಾಂಪಿಯನ್ ಸ್ಪೇನ್ ಸೇರಿದಂತೆ ಯುರೋಪಿನ ಬಹುತೇಕ ಫೇವರೀಟ್ ತಂಡಗಳು ಮನೆಗೆ ಹಿಂತಿರುಗಿವೆ. ಅದೃಷ್ಟದ ಲಾಭ ಪಡೆದುಕೊಂಡ ಕೆಲ ತಂಡಗಳು ಬಲಿಷ್ಠ ತಂಡಗಳನ್ನು ಮಣಿಸಲು ರಣತಂತ್ರ ರೂಪಿಸತೊಡಗಿವೆ. ಇಂಗ್ಲೆಂಡ್, ಇಟಲಿ, ಪೋರ್ಚುಗಲ್ ಕೂಡಾ ಮನೆಗೆ ತೆರಳಿರುವುದು ಅಭಿಮಾನಿಗಳಿಗೆ ನಿರಾಶೆ ಮೂಡಿಸಿದೆ.

ಬ್ರೆಜಿಲ್ ನಲ್ಲಿ ಜೂ.12 ರಿಂದ ಜುಲೈ 13 ರ ತನಕ ನಡೆಯುವ ಪಂದ್ಯಾವಳಿಗಳ ವೇಳಾಪಟ್ಟಿ ಭಾರತೀಯ ಕಾಲಮಾನ ಪ್ರಕಾರ ಕೊಡಲಾಗಿದೆ. ಒಟ್ಟು 8 ಗುಂಪುಗಳಲ್ಲಿ 32 ದೇಶಗಳ ತಂಡಗಳು ಲೀಗ್ ಹಂತದಲ್ಲಿದ್ದವು. ಒಟ್ಟಾರೆ 64 ಪಂದ್ಯಗಳನ್ನು ಫೀಫಾ ವಿಶ್ವಕಪ್ ನಲ್ಲಿ ಕಾಣಬಹುದಾಗಿದೆ.

ಶುಕ್ರವಾರ ವಿಶ್ರಾಂತಿ ದಿನವಾಗಿದ್ದು, ಪ್ರೀ ಕ್ವಾರ್ಟರ್ ಫೈನಲ್ ಪಂದ್ಯಗಳು ಶನಿವಾರದಿಂದ ಆರಂಭವಾಗಲಿದೆ.ಜು.4ರಿಂದ ಕ್ವಾರ್ಟರ್ ಫೈನಲ್ ನಡೆಯಲಿದೆ. 16ನೇ ಹಂತಕ್ಕೇರಿದ ತಂಡಗಳು, ಪಂದ್ಯಗಳು, ವೇಳೆ ವಿವರ ಮುಂದಿದೆ: