ಗೆರಾಡ್ ಪಿಕೆ- ಶಕೀರಾ ಪುತ್ರ
ಸ್ಪಾನೀಷ್ ಫುಟ್ಬಾಲ್ ಆಟಗಾರ ಗೆರಾರ್ಡ್ ಪಿಕೆ ಹಾಗೂ ಪಾಪ್ ಗಾಯಕಿ ಶಕೀರಾ ಅವರ ನಡುವೆ ದಕ್ಷಿಣ ಆಫ್ರಿಕಾದಲ್ಲಿ ವಾಕಾ ವಾಕಾ ಹಾಡಿನ ಮೂಲಕ ಪರಿಚಯವಾಗಿ ಪ್ರೇಮವಾಗಿ ಬೆಳೆಯಿತು. 2013ರಲ್ಲಿ ಇವರಿಗೆ ಜನಿಸಿದ ಪುತ್ರನ ಹೆಸರು ಮಿಲನ್.. ಇದೇ ಕಂದ ಬ್ರೆಜಿಲ್ ನಲ್ಲಿ ನಡೆದ ಫೀಫಾ ವಿಶ್ವಕಪ್ 2014 ಆಶಯ ಗೀತೆ 'ಲಲಾ ಲಾಲಾಲ ಲಾಲ' ಹಾಡಿನಲ್ಲಿ ತನ್ನ ತಾಯಿ ಜತೆ ಕಾಣಿಸಿಕೊಂಡಿದ್ದ.
ಮಗನ ಜತೆ ನೇಮಾರ್ ಜ್ಯೂನಿಯರ್
ನೇಮಾರ್ ಹಾಗೂ ಅವರ ಹಳೆ ಗೆಳತಿ ಕರೊಲಿನಾ ನೊಗ್ಯುರಿಯಾ ಡಾಂಟಸ್ ಗೆ ಹುಟ್ಟಿದ ಮಗು ಡೇವಿಡ್ ಲುಕ್ಕಾ ಡ ಸಿಲ್ವ. 2011ರಲ್ಲಿ ನೇಮಾರ್ 19 ನೇ ವರ್ಷವಾಗಿದ್ದಾಗಲೇ ಅಪ್ಪನಾಗುವ ಯೋಗ ಲಭಿಸಿತ್ತು. ಈಗ ಹೊಸ ಗೆಳತಿ ಜತೆ ಇರುವ ನೇಮಾರ್ ತಮ್ಮ ಪುತ್ರನನ್ನು ಬಾರ್ಸಿಲೋನ ಕ್ಲಬ್ ನ ಸದಸ್ಯ ಮಾಡುವ ಆಸೆ ಇರಿಸಿಕೊಂಡಿದ್ದಾರೆ. ಸದ್ಯ ರಷ್ಯಾದಲ್ಲಿ ನಡೆದಿರುವ ವಿಶ್ವಕಪ್ ನಲ್ಲಿ ಬ್ರೆಜಿಲ್ ತಂಡದ ಪ್ರಮುಖ ಆಟಗಾರರಾಗಿ ಕಣಕ್ಕಿಳಿದಿದ್ದಾರೆ.
ಜರ್ಮನಿ ತಾರೆ ಮೆಸುಟ್ ಓಜಿಲ್
ಟರ್ಕಿ ಮೂಲದವರಾದ ಮೆಸುಟ್ ಓಜಿಲ್ ಜರ್ಮನಿ ಹಾಗೂ ಇಂಗ್ಲೀಷ್ ಪ್ರೀಮಿಯರ್ ಲೀಗ್ ನಲ್ಲಿ ಆರ್ಸೆನಲ್ ಪರ ಆಡುವ ಫುಟ್ಬಾಲ್ ತಾರೆ. ಖಾಸಗಿ ಬದುಕಿನ ಬಗ್ಗೆ ಹೆಚ್ಚು ಪ್ರಚಾರ ನೀಡಲು ಇಷ್ಟಪಡದ ಓಜಿಲ್ ಗಂಡು ಮಗುವೊಂದರ ಹೆಮ್ಮೆಯ ತಂದೆ ಎಂದು ಮಾತ್ರ ಹೇಳಿಕೊಂಡಿದ್ದಾರೆ. ಈ ಬಾರಿ ಕೂಡಾ ಜರ್ಮನಿ ಪರ ಆಡುತ್ತಿದ್ದಾರೆ.
ಜೂನಿಯರ್ ರೊನಾಲ್ಡೊ
ಪೋರ್ಚುಗೀಸ್ ಕ್ರಿಶ್ಚಿಯನ್ ರೊನಾಲ್ಡೋ ಅವರ ಪುತ್ರನಿಗೆ ಜ್ಯೂನಿಯರ್ ಎಂದೆ ಕರೆಯಲಾಗುತ್ತದೆ. ರೊನಾಲ್ಡೋ ಪುತ್ರನಿಗೆ ತನ್ನ ತಾಯಿ ಯಾರು ಎಂಬುದು ಇನ್ನೂ ತಿಳಿದಿಲ್ಲ. ಅಪ್ಪನ ತದ್ರೂಪಿನಂತೆ ಕಾಣುವ ಜ್ಯೂನಿಯರ್ ತನ್ನ ಅಪ್ಪನಿಗೆ ಸಿಕ್ಕ ಫುಟ್ಬಾಲ್ ನ ಅತ್ಯುನ್ನತ ಗೌರವ ಪ್ರಶಸ್ತಿಯೊಂದಿಗೆ ಇರುವುದನ್ನು ಕಾಣಬಹುದು. ಚಿತ್ರದಲ್ಲಿ ಪೀಲೆ ಅವರು ಕೂಡಾ ಇದ್ದಾರೆ. [ಅಪ್ಪ ರೋನಾಲ್ಡೊನ ರಹಸ್ಯ ಕಥೆ ಇಲ್ಲಿ ಓದಿ]
ಲಿಯೊನೆಲ್ ಮೆಸ್ಸಿ ಹಾಗೂ ಅವರ ಮಗ
ಅರ್ಜೆಂಟಿನಾದ ತಾರೆ ಲಿಯಾನೆಲ್ ಮೆಸ್ಸಿ ಅವರು ತಮ್ಮ ಮಗ ಥಿಯಾಗೋ ಜತೆ ಇರುವ ಚಿತ್ರ. ಮೆಸ್ಸಿ ಹಾಗೂ ಆತನ ಗೆಳತಿ ಅಂಟೊನೆಲ್ಲಾ ರೊಕುಜೊ ಅವರ ಪುತ್ರನಾಗಿ ಥಿಯಾಗೋ ನವಂಬರ್ 2, 2012ರಲ್ಲಿ ಜನಿಸಿದ. ಬಾರ್ಸಿಲೋನ ಪರ ಆಡುವ ಮೆಸ್ಸಿ ಪುತ್ರನ ಜತೆ ಕುಳಿತ ಚಿತ್ರ ಇದಾಗಿದೆ.