ಅ.12 ರಿಂದ ಇಂಡಿಯನ್ ಸೂಪರ್ ಲೀಗ್ ಕಿಕ್

ಇಂಡಿಯನ್ ಪ್ರಿಮಿಯರ್ ಲೀಗ್ ಕ್ರಿಕೆಟ್ ಟಿ20 ಟೂರ್ನಿ ಯಶಸ್ಸಿನ ನಂತರ ಭಾರತದಲ್ಲಿ ಹಾಕಿ, ಕಬಡ್ಡಿ ಲೀಗ್ ಗಳು ಜನಪ್ರಿಯತೆ ಗಳಿಸಿದವು. ಈ ನಡುವೆ ಬೆಂಗಳೂರು ಕ್ಲಬ್ ಚಾಂಪಿಯನ್ ಆದ ಫುಟ್ಬಾಲ್ ಐ ಲೀಗ್ ಕೂಡಾ ಕ್ರೀಡಾಭಿಮಾನಿಗಳ ಮನತಣಿಸಿತು. ಈಗ ಬೃಹತ್ ಮಟ್ಟದಲ್ಲಿ ಇಂಡಿಯನ್ ಸೂಪರ್ ಲೀಗ್(ಐಎಸ್ಎಲ್) ಫುಟ್ಬಾಲ್ ಆರಂಭಗೊಳ್ಳುತ್ತಿದೆ.

ಅಕ್ಟೋಬರ್ 12 ರಿಂದ ಡಿಸೆಂಬರ್ 20 ರ ತನಕ ಪ್ರತಿದಿನ ಸಂಜೆ ಸ್ಟಾರ್ ಸ್ಪೋರ್ಟ್ ನೆಟ್ವರ್ಕ್ ನಲ್ಲಿ ಫುಟ್ಬಾಲ್ ಆಟದ ರಂಗು ಮೇಳೈಸಲಿದೆ. ಮೊದಲ ಪಂದ್ಯದಲ್ಲಿ ಕೋಲ್ಕತ್ತಾದ ಸಾಲ್ಟ್ ಲೇಕ್ ಸ್ಟೇಡಿಯಂನಲ್ಲಿ ಅತಿಥೇಯ ಅಟ್ಲೆಟಿಕೋ ಡಿ ಕೋಲ್ಕತ್ತಾ ಹಾಗೂ ಮುಂಬೈ ಸಿಟಿ ಎಫ್ ಸಿ ನಡುವೆ ನಡೆಯಲಿದೆ.[ಗಂಗೂಲಿ ಜೊತೆ ಧೋನಿ ಚೆಂಡಾಟ]

ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್, ಟೀಂ ಇಂಡಿಯಾ ನಾಯಕ ಎಂಎಸ್ ಧೋನಿ, ವಿರಾಟ್ ಕೊಹ್ಲಿ, ಸೌರವ್ ಗಂಗೂಲಿ, ಸಲ್ಮಾನ್ ಖಾನ್, ರಣಬೀರ್ ಕಪೂರ್, ಅಭಿಷೇಕ್ ಬಚ್ಚನ್ ನೀತೂ ಅಂಬಾನಿ ಮುಂತಾದ ಸೆಲೆಬ್ರಿಟಿಗಳು 8 ತಂಡಗಳ ಪ್ರತಿನಿಧಿಗಳಾಗಿರುವುದು ಈ ಲೀಗ್ ನ ಪ್ರಮುಖ ಆಕರ್ಷಣೆಯಾಗಿದೆ.

8 ನಗರಗಳಲ್ಲಿ ನಡೆಯಲಿರುವ 61 ಪಂದ್ಯಗಳಲ್ಲಿ 8 ತಂಡಗಳು ಸೆಣಸಾಟ ನಡೆಸಲಿವೆ. ಸೆಲೆಬ್ರಿಟಿಗಳು ಈ ಕ್ರೀಡೆ ಹಾಗೂ ಗ್ಲಾಮರ್ ಜಗತ್ತಿನ ಬೆಸುಗೆಯೊಂದಿಗೆ ಫುಟ್ಬಾಲ್ ಕ್ಷೇತ್ರಕ್ಕೆ ಹೊಸ ಕಿಕ್ ನೀಡಲು ಐಎಸ್ಎಲ್ ಸಜ್ಜಾಗಿದೆ. [ಯಾವ ತಂಡಕ್ಕೆ ಯಾರು ಪ್ರತಿನಿಧಿ]

ಒಟ್ಟು ತಂಡಗಳು: ಗೋವಾ ಎಫ್‌ಸಿ ತಂಡ, ಡೆಲ್ಲಿ ಡೈನಮೊಸ್ ತಂಡ, ಅಟ್ಲೆಟಿಕೊ ಕೋಲ್ಕತಾ ತಂಡ, ನಾರ್ಥ್ ಈಸ್ಟ್ ಯುನೈಟೆಡ್ ತಂಡ, ಟೀಮ್ ಚೆನ್ನೈ, ಪುಣೆ ಎಫ್‌ಸಿ, ಟೀಮ್ ಮುಂಬೈ, ಕೊಚ್ಚಿ ಬ್ಲಾಸ್ಟರ್ಸ್‌ ತಂಡ.

ಕ್ರೀಡಾಂಗಣ: ಡಿವೈ ಪಾಟೀಲ್ ಸ್ಟೇಡಿಯಂ(ಮುಂಬೈ, ಇಂದಿರಾ ಗಾಂಧಿ ಸ್ಟೇಡಿಯಂ(ಗುವಾಹಟಿ), ಜವಹರಲಾಲ್ ನೆಹರೂ ಸ್ಟೇಡಿಯಂ (ಚೆನ್ನೈ, ದೆಹಲಿ, ಫಟೋರ್ಡಾ, ಕೊಚ್ಚಿ) ಸಾಲ್ಟ್ ಲೇಕ್ ಸ್ಟೇಡಿಯಂ(ಕೋಲ್ಕತ್ತಾ, ಶಿವ ಛತ್ರಪತಿ ಕ್ರೀಡಾ ಕಾಂಪ್ಲೆಕ್ಸ್ (ಪುಣೆ)

ಪಂದ್ಯಾವಳಿಗಳ ವೇಳಾ ಪಟ್ಟಿ ಹೀಗಿದೆ: