ವಿಶ್ವಕಪ್ ಅರ್ಹತೆ: ಬೆಂಗಳೂರಲ್ಲಿ ಭಾರತ vs ಒಮಾನ್

By Mahesh

Updated: Wednesday, January 3, 2018, 10:13 [IST]

ಬೆಂಗಳೂರು, ಜೂ.11: 2018ರ ಫಿಫಾ ವಿಶ್ವಕಪ್ 2ನೇ ಅರ್ಹತಾ ಸುತ್ತಿನ ಮೊದಲ ಪಂದ್ಯದಲ್ಲಿ ಒಮಾನ್ ತಂಡವನ್ನು ಭಾರತ ಎದುರಿಸಲಿದೆ. ಶ್ರೀಕಂಠೀರವ ಕ್ರೀಡಾಂಗಣದಲ್ಲಿ ನಡೆಯಲಿರುವ(7 PM) ಈ ಪಂದ್ಯ ಉಭಯ ತಂಡಕ್ಕೂ ಅತ್ಯಂತ ಮಹತ್ವದ್ದಾಗಿದೆ.

ಫೀಫಾ ಶ್ರೇಯಾಂಕ ಪಟ್ಟಿಯಲ್ಲಿ ಭಾರತ 141ನೇ ಸ್ಥಾನದಲ್ಲಿದ್ದರೆ, ಒಮಾನ್ 101ನೇ ಸ್ಥಾನದಲ್ಲಿದೆ. ಜರ್ಮನಿ ಟಾಪ್ ನಂ.1 ಸ್ಥಾನದಲ್ಲಿದ್ದರೆ ಅರ್ಜೆಂಟೀನಾ, ಬೆಲ್ಜಿಯಂ, ಕೊಲಂಬಿಯಾ ಹಾಗೂ ಬ್ರೆಜಿಲ್ ಮೊದಲ ಟಾಪ್ ಸ್ಥಾನದಲ್ಲಿವೆ.

ಇಂಗ್ಲೆಂಡ್ನ ಕೋಚ್ ಸ್ಟೀಫನ್ ಕಾನ್ಸ್ಟಂಟೈನ್ ಮಾರ್ಗದರ್ಶನ, ಕಳೆದ ಕೆಲ ದಿನಗಳಿಂದ ಸೇನಾ ಮಾದರಿಯಲ್ಲಿ ತರಬೇತಿ ಪಡೆದಿರುವ ಭಾರತ ತಂಡ ಉತ್ತಮ ಪ್ರದರ್ಶನ ನೀಡುವ ಉತ್ಸಾಹದಲ್ಲಿದೆ. [ಚಾಂಪಿಯನ್ಸ್ ಗಳ ಚಾಂಪಿಯನ್ ಬಾರ್ಸಿಲೋನಾ ಎಫ್ ಸಿ]

ನಾಯಕ ಸುಬ್ರತಾ ಪಾಲ್ ಬದಲು ಅರ್ನಾಬ್ ಮಂಡಲ್ ತಂಡವನ್ನು ಮುನ್ನಡೆಸಲಿದ್ದಾರೆ. ಭಾರತ ತಂಡ ನೇಪಾಳ ವಿರುದ್ಧದ 1ನೇ ಅರ್ಹತಾ ಸುತ್ತಿನ ಮೊದಲ ಪಂದ್ಯದಲ್ಲಿ 2-0ಯಿಂದ ಗೆದ್ದಿದ್ದರೆ, 2ನೇ ಪಂದ್ಯದಲ್ಲಿ ಗೋಲು ರಹಿತ ಡ್ರಾ ಫಲಿತಾಂಶಕ್ಕೆ ತೃಪ್ತಿಪಟ್ಟಿತ್ತು.

ಶ್ರೀಕಂಠೀರವ ಕ್ರೀಡಾಂಗಣದಲ್ಲಿ ಪಂದ್ಯ

ಶ್ರೀಕಂಠೀರವ ಕ್ರೀಡಾಂಗಣದಲ್ಲಿ ನಡೆಯಲಿರುವ(7 PM) ಈ ಪಂದ್ಯ ಉಭಯ ತಂಡಕ್ಕೂ ಅತ್ಯಂತ ಮಹತ್ವದ್ದಾಗಿದೆ.

ಪಂದ್ಯ ವೀಕ್ಷಣೆಗೆ ಟಿಕೆಟ್ ಲಭ್ಯ

ಪಂದ್ಯ ವೀಕ್ಷಿಸಲು ಕಂಠೀರವ ಕ್ರೀಡಾಂಗಣ ಹಾಗೂ ವೆಬ್ಸೈಟ್ನಲ್ಲೂ ಲಭ್ಯವಿದೆ. ಟಿಕೆಟ್ ದರ 30, 50, 100 ಹಾಗೂ 200 ರು. ಅಲ್ಲದೆ ಎಐಎಫ್ಎಫ್ ಈ ಪಂದ್ಯ ವೀಕ್ಷಿಸಲು ಭಾರತೀಯ ಸೇನೆಗೆ 5 ಸಾವಿರ ಟಿಕೆಟ್ಗಳನ್ನು ಉಚಿತವಾಗಿ ನೀಡಿರುವುದು ವಿಶೇಷ.