ಏಷ್ಯನ್ ಗೇಮ್ಸ್ 2023: ಸಂಭಾವ್ಯ ಭಾರತೀಯ ಕಬಡ್ಡಿ ತಂಡ; ಯಾರ ಬಲ ಹೇಗಿದೆ?

19ನೇ ಏಷ್ಯನ್ ಕ್ರೀಡಾಕೂಟವು ಚೀನಾದಲ್ಲಿ ಇದೇ ಸೆಪ್ಟೆಂಬರ್ 23ರಿಂದ ಆರಂಭವಾಗಲಿದ್ದು, ಏಷ್ಯಾದ ಕಬಡ್ಡಿ ತಂಡಗಳು ಭಾಗವಹಿಸಲು ಸಿದ್ಧತೆಗಳು ನಡೆಸುತ್ತಿವೆ.

ಈಗಾಗಲೇ ಹೆಚ್ಚಿನ ತಂಡಗಳು ತಮ್ಮ ತರಬೇತಿ ಶಿಬಿರಗಳನ್ನು ಮುಕ್ತಾಯಗೊಳಿಸಿರುವುದರಿಂದ, ತಮ್ಮ ಸಿದ್ಧತೆಗಳ ಆಧಾರದ ಮೇಲೆ ಅಂತಿಮ ತಂಡದ ಆಯ್ಕೆಗಳನ್ನು ನಿರ್ಧರಿಸಲಾಗುತ್ತಿದೆ. ಭಾರತೀಯ ರಾಷ್ಟ್ರೀಯ ಕಬಡ್ಡಿ ತಂಡವು ಬೆಂಗಳೂರಿನಲ್ಲಿ ತಮ್ಮ ಶಿಬಿರವನ್ನು ನಡೆಸಿದ್ದು, ಇದರಲ್ಲಿ ಅನುಭವಿ ಮತ್ತು ಯುವ ಆಟಗಾರರು ಭಾಗವಹಿಸಿದ್ದರು.

ಪ್ರೊ ಕಬಡ್ಡಿ ಲೀಗ್‌ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿದ ಅನುಭವಿ ಮತ್ತು ಉದಯೋನ್ಮುಖ ಆಟಗಾರರು ಈ ಶಿಬಿರದ ಭಾಗವಾಗಿದ್ದರು. ಅಂತಿಮ ತಂಡದ ಸಂಯೋಜನೆಯು ಅವರ ಪ್ರದರ್ಶನದಿಂದ ಪ್ರಭಾವಿತವಾಗಿರಲಿದೆ.

ರಾಷ್ಟ್ರೀಯ ಕಬಡ್ಡಿ ಶಿಬಿರಕ್ಕೆ 24 ಆಟಗಾರರ ಪ್ರಾಥಮಿಕ ಗುಂಪನ್ನು ಆಯ್ಕೆ ಮಾಡಲಾಗಿತ್ತು. ಆದರೆ, ಎಲ್ಲರೂ ಅಂತಿಮ ತಂಡದಲ್ಲಿ ಸ್ಥಾನಗಳನ್ನು ಪಡೆಯುವುದಿಲ್ಲ ಎಂಬುದನ್ನು ಗಮನಿಸಬೇಕಾದ ಸಂಗತಿ. ವಿವಿಧ ವಿಭಾಗಗಳಲ್ಲಿ ಏಷ್ಯನ್ ಗೇಮ್ಸ್‌ಗಾಗಿ ಸಂಭಾವ್ಯ ಭಾರತೀಯ ಕಬಡ್ಡಿ ತಂಡ ಹೀಗಿರಲಿದೆ.

ರೈಡರ್ಸ್:

1. ಪ್ರದೀಪ್ ನರ್ವಾಲ್: ಸ್ಟಾರ್ ರೈಡರ್ ಪ್ರದೀಪ್ ನರ್ವಾಲ್, ತಮ್ಮ ವ್ಯಾಪಕ ಅನುಭವ ಮತ್ತು ಪಂದ್ಯಾವಳಿಗಳಲ್ಲಿ ಗಮನಾರ್ಹ ಪ್ರದರ್ಶನ ನೀಡುವ ಮೂಲಕ ಸಮರ್ಥವಾಗಿ ಏಷ್ಯನ್ ಗೇಮ್ಸ್ ತಂಡದಲ್ಲಿ ಸ್ಥಾನ ಪಡೆಯಬಹುದು.

2. ಪವನ್ ಸೆಹ್ರಾವತ್: ಏಕಾಂಗಿಯಾಗಿ ಪಂದ್ಯಗಳನ್ನು ಗೆಲ್ಲುವ ಸಾಮರ್ಥ್ಯ ಹೊಂದಿರುವ ರೈಡರ್ ಎಂದರೆ ಪವನ್ ಸೆಹ್ರಾವತ್. ತಮ್ಮ ಆಕ್ರಮಣಕಾರಿ ರೈಡ್‌ಗಳಿಂದ ಎದುರಾಳಿ ತಂಡಕ್ಕೆ ನಡುಕ ಹುಟ್ಟಿಸುವ ಆಟಗಾರ. ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್‌ನಲ್ಲಿ ಅವರ ಗಮನಾರ್ಹ ಪ್ರದರ್ಶನ ನೀಡಿ, ಭಾರತಕ್ಕೆ ಚಿನ್ನದ ಪದಕವನ್ನು ಭದ್ರಪಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದು ಅವರ ಆಯ್ಕೆ ನಿರೀಕ್ಷಿತವಾಗಿರಲಿದೆ.

3. ನವೀನ್ ಕುಮಾರ್: ಯುವ ಪ್ರತಿಭೆ ನವೀನ್ ಕುಮಾರ್ ಅವರು ಪ್ರಮುಖ ಕಬಡ್ಡಿ ಆಟಗಾರನಾಗಿ ಕಡಿಮೆ ಸಮಯದಲ್ಲಿ ಹೆಸರು ಮಾಡಿದ್ದಾರೆ. ಅಂತಾರಾಷ್ಟ್ರೀಯ ಪಂದ್ಯಗಳು ಮತ್ತು ಪ್ರೊ ಕಬಡ್ಡಿ ಲೀಗ್‌ನಲ್ಲಿ ತಮ್ಮ ಸ್ಥಿರ ಪ್ರದರ್ಶನಗಳಿಂದ ಏಷ್ಯನ್ ಗೇಮ್ಸ್ ತಂಡಕ್ಕೆ ಆಯ್ಕೆಯಾಗಲಿದ್ದಾರೆ.

4. ಅಸ್ಲಾಂ ಇನಾಮದಾರ್: ಪಿಕೆಎಲ್‌ನಲ್ಲಿ ಪುಣೇರಿ ಪಲ್ಟಾನ್ ತಂಡದ ಆಲ್‌ರೌಂಡರ್ ಆಗಿರುವ ಅಸ್ಲಾಂ ಇನಾಮದಾರ್, ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್‌ನಲ್ಲಿ ಗಮನಾರ್ಹ ಪ್ರದರ್ಶನ ನೀಡಿದರು. ಅವರ ಪ್ರದರ್ಶನವು ಭಾರತದ ಅಂತಿಮ ತಂಡದಲ್ಲಿ ಸ್ಥಾನವನ್ನು ಭದ್ರಪಡಿಸಬಹುದು.

5. ಮೋಹಿತ್ ಗೋಯತ್: ಅಸ್ಲಾಂ ಇನಾಮದಾರ್ ಜೊತೆಗೆ ಮೋಹಿತ್ ಗೋಯತ್ ಕೂಡ ಉತ್ತಮ ರೈಡಿಂಗ್ ಕೌಶಲ್ಯಗಳನ್ನು ಹೊಂದಿದ್ದಾರೆ. ಈತನನ್ನು ತಂಡಕ್ಕೆ ಬ್ಯಾಕಪ್ ಆಯ್ಕೆ ಎಂದು ಪರಿಗಣಿಸಬಹುದು.

ಆಲ್‌ರೌಂಡರ್:

1. ದೀಪಕ್ ಹೂಡಾ: ಇತ್ತೀಚಿನ ಪಿಕೆಎಲ್ ಋತುವಿನಲ್ಲಿ ಗಮನಾರ್ಹ ಪ್ರದರ್ಶನ ನೀಡುವಲ್ಲಿ ವಿಫಲರಾದರೂ, ಆಟಗಾರನಾಗಿ ದೀಪಕ್ ಹೂಡಾ ಅವರ ಮೌಲ್ಯವು ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ಹೆಚ್ಚು ಕಾಣಿಸುತ್ತದೆ. ಅವರ ನಾಯಕತ್ವದ ಅನುಭವ ಮತ್ತು ಪ್ರಮುಖ ಪಂದ್ಯಾವಳಿಗಳಲ್ಲಿ ನೀಡಿದ ಪ್ರದರ್ಶನವು ಅವರನ್ನು ಸಂಭಾವ್ಯ ಆಯ್ಕೆಗೆ ಅವಕಾಶ ನೀಡುತ್ತದೆ.

ಡಿಫೆಂಡರ್ಸ್:
1. ನಿತೇಶ್ ಕುಮಾರ್ (ಬಲ): ಏಷ್ಯನ್ ಕಬಡ್ಡಿ ಚಾಂಪಿಯನ್‌ಶಿಪ್‌ನಲ್ಲಿ ನಿತೇಶ್ ಕುಮಾರ್ ಅತ್ಯುತ್ತಮ ಪ್ರದರ್ಶನ ನೀಡಿದ್ದಾರೆ ಮತ್ತು ಪರಿಣಿತ ಡಿಫೆಂಡರ್ ಆಗಿ ಅವರನ್ನು ಏಷ್ಯನ್ ಗೇಮ್ಸ್‌ಗೆ ಪರಿಗಣಿಸಲಾಗುತ್ತದೆ.

2. ವಿಶಾಲ್ ಭಾರದ್ವಾಜ್ (ಎಡ): ಯುವ ಕಬಡ್ಡಿ ಪ್ರತಿಭೆ ವಿಶಾಲ್ ಭಾರದ್ವಾಜ್ ಅವರು ಎಡ ಮೂಲೆಯ ಸ್ಥಾನದಲ್ಲಿ ಟ್ಯಾಕಲ್ ಮಾಡುವ ಬಹುಮುಖ ಕೌಶಲ್ಯಗಳನ್ನು ಹೊಂದಿದ್ದಾರೆ.

3. ಪ್ರವೇಶ್ ಭೈನ್ಸ್ವಾಲ್ (ಎಡ ಕವರ್): ಪುಣೆ ಪಲ್ಟಾನ್ ಫ್ರಾಂಚೈಸಿಯ ಅದ್ಭುತ ಡಿಫೆಂಡರ್ ಪ್ರವೇಶ್ ಭೈನ್ಸ್ವಾಲ್. ಈತನನ್ನು ಎಡ-ಕವರ್ ಡಿಫೆಂಡರ್ ಆಗಿ ಆಯ್ಕೆ ಮಾಡುವ ಸಾಧ್ಯತೆ ಇದೆ.

4. ಸೌರಭ್ ನಂದಲ್ (ಬಲ ಮೂಲೆ): ಸೌರಭ್ ನಂದಲ್ ಅವರ ಚುರುಕುತನವು ಅವರನ್ನು ಪ್ರತ್ಯೇಕವಾಗಿರಿಸುತ್ತದೆ ಮತ್ತು ಆತನನ್ನು ಪರಿಣಾಮಕಾರಿ ಬಲ ಮೂಲೆಯ ಡಿಫೆಂಡರ್ ಆಯ್ಕೆ ಬಳಸಿಕೊಳ್ಳಬಹುದು.

5. ಸುನಿಲ್ ಕುಮಾರ್ (ಎಡ ಕವರ್): ಜೈಪುರ ಪಿಂಕ್ ಪ್ಯಾಂಥರ್ಸ್ ನಾಯಕನಾಗಿ ಸುನಿಲ್ ಕುಮಾರ್ ಅವರ ಪ್ರದರ್ಶನ ಮತ್ತು ಎಡ-ಕವರ್ ಡಿಫೆಂಡರ್ ಆಗಿ ಅವರ ಕೌಶಲ್ಯಗಳು ಭಾರತ ಸಂಭಾವ್ಯ ಆಟಗಾರನನ್ನಾಗಿ ಮಾಡುತ್ತವೆ.

6. ಅಭಿನೇಶ್ ನಡರಾಜನ್ (ಬಲ ಕವರ್): ಪುಣೇರಿ ಪಲ್ಟಾನ್ ತಂಡಕ್ಕಾಗಿ ಅಭಿನೇಶ್ ನಡರಾಜನ್ ಅವರ ಪ್ರದರ್ಶನ ಮತ್ತು ಬಲ ಕವರ್ ಡಿಫೆಂಡರ್ ಆಗಿ ಅವರ ಸಾಮರ್ಥ್ಯ ಭಾರತ ತಂಡದಲ್ಲಿ ಅವಕಾಶ ನೀಡುತ್ತದೆ.

ಸ್ಟ್ಯಾಂಡ್‌ಬೈ ಆಟಗಾರರು
ಶುಭಂ ಶಿಂಧೆ ಮತ್ತು ಅರ್ಜುನ್ ದೇಶ್ವಾಲ್