PKL 2022: ಪಾಟ್ನಾ ಪೈರೇಟ್ಸ್‌ಗೆ ಗೆಲುವಿನ ಪಂಚ್ ನೀಡಿದ ಯು ಮುಂಬಾ

ಪುಣೆಯ ಶ್ರೀ ಶಿವಛತ್ರಪತಿ ಸ್ಟೇಡಿಯಂನಲ್ಲಿ ನಡೆದ ಪ್ರೊ ಕಬಡ್ಡಿ ಲೀಗ್ 9ನೇ ಸೀನಸ್‌ನ 76ನೇ ಪಂದ್ಯದಲ್ಲಿ ಯು ಮುಂಬಾ ತಂಡವು ಎದುರಾಳಿ ಪಾಟ್ನಾ ಪೈರೇಟ್ಸ್‌ ವಿರುದ್ಧ 36-23 ಅಂತರದಲ್ಲಿ ಭರ್ಜರಿ ಗೆಲುವು ಸಾಧಿಸಿದೆ.

ಮೊದಲಾರ್ಧದಲ್ಲಿ ಆಕ್ರಮಣಾಕಾರಿ ಪ್ರದರ್ಶನ ನೀಡುವ ಮೂಲಕ ಯು ಮುಂಬಾ ತಂಡವು, ರೈಡಿಂಗ್‌ನಲ್ಲಿ ಅಬ್ಬರಿಸಿದರ ಜೊತೆಗೆ ಟ್ಯಾಕಲ್‌ನಲ್ಲಿ ಮೇಲುಗೈ ಸಾಧಿಸಿತು. 18-13 ಪಾಯಿಂಟ್‌ಗಳ ಅಂತರ ಕಾಯ್ದುಕೊಂಡ ಯು ಮುಂಬಾ ತಂಡವು, ವಿರಾಮದ ಬಳಿಕ ಎದುರಾಳಿಗೆ ಬಿಟ್ಟುಕೊಡಲಿಲ್ಲ.

ದ್ವಿತಿಯಾರ್ಧದಲ್ಲಿ ಯು ಮುಂಬಾ ತಂಡವು ಪಟ್ಟು ಬಿಟ್ಟುಕೊಡದೆ ಪಾಟ್ನಾ ಪೈರೇಟ್ಸ್‌ ತಂಡವನ್ನ ಆಲೌಟ್ ಮಾಡುವ ಮೂಲಕ ಮಿಂಚಿತು. 18-10 ಪಾಯಿಂಟ್‌ಗಳ ಅಂತರ ಕಾಯ್ದುಕೊಂಡ ಯು ಮುಂಬಾ, ಒಟ್ಟು 13 ಪಾಯಿಂಟ್‌ಗಳಿಂದ ಪಂದ್ಯವನ್ನು ಜಯಿಸಿದೆ.

ಯು ಮುಂಬಾ ಪರ ಗುಮಾನ್ ಸಿಂಗ್ 13 ಪಾಯಿಂಟ್ಸ್, ಆಶಿಶ್ 6 ಪಾಯಿಂಟ್ಸ್ ಗಳಿಸಿ ರೈಡಿಂಗ್‌ನಲ್ಲಿ ಮಿಂಚಿದರು. ಡಿಫೆಂಡರ್‌ಗಳಾದ ರಿಂಕು 4, ಹರೇಂದ್ರ ಕುಮಾರ್ 3 ಪಾಯಿಂಟ್‌ ಗಳಿಸಿದರು.

ಪಾಟ್ನಾ ಪೈರೇಟ್ಸ್ ಪರ ರೋಹಿತ್ ಗುಲಿಯಾ 7, ಸಚಿನ್ 5, ಸುನಿಲ್ 3 ಪಾಯಿಂಟ್ಸ್ ಕಲೆಹಾಕಿದರು. ಈ ಗೆಲುವಿನ ಬಳಿಕ ಮೂರನೇ ಸ್ಥಾನಕ್ಕೆ ಜಿಗಿದಿದೆ. 13 ಪಂದ್ಯಗಳಲ್ಲಿ 8 ಗೆಲುವು ದಾಖಲಿಸಿದ ಯು ಮುಂಬಾ 43 ಪಾಯಿಂಟ್ಸ್‌ಗಳ ಮೂಲಕ ಮೂರನೇ ಸ್ಥಾನ ಅಲಂಕರಿಸಿದೆ. ಇನ್ನು ಪಂದ್ಯ ಸೋತ ಪಾಟ್ನಾ ಪೈರೇಟ್ಸ್ 38 ಪಾಯಿಂಟ್ಸ್‌ ಮೂಲಕ 6ನೇ ಸ್ಥಾನದಲ್ಲಿದೆ.

ಪಿಕೆಎಲ್ 9ನೇ ಸೀಸನ್‌ನ ಸಂಪೂರ್ಣ ಪಾಯಿಂಟ್ಸ್ ಟೇಬಲ್ ನೋಡಲು ಇಲ್ಲಿ ಕ್ಲಿಕ್ ಮಾಡಿ