ಗ್ಲಾಸ್ಕೋ, ಜು.29: ಸ್ಕಾಟ್ಲೆಂಡಿನಲ್ಲಿ ನಡೆದಿರುವ 20ನೇ ಕಾಮನ್ ವೆಲ್ತ್ ಕ್ರೀಡಾಕೂಟದಲ್ಲಿ ಭಾರತಕ್ಕೆ ಏಳನೇ ದಿನ ಕುಸ್ತಿಪಟುಗಳು ಸಂತಸವನ್ನು ತಂದಿದ್ದಾರೆ. ವೇಟ್ ಲಿಫ್ಟಿಂಗ್, ಶೂಟಿಂಗ್ ನಲ್ಲಿ ಉತ್ತಮ ಸಾಧನೆಯ ನಂತರ ಕುಸ್ತಿಪಟುಗಳು ಚಿನ್ನದ ಬೇಟೆಯಾಡಿದ್ದಾರೆ.
ಏಳನೇ ದಿನದ ಅಂತ್ಯಕ್ಕೆ(ಜು.29) ಭಾರತ ಒಟ್ಟಾರೆ 36 ಪದಕಗಳನ್ನು ಗಳಿಸಿದೆ. ನಿರೀಕ್ಷೆಯಂತೆ ಕುಸ್ತಿಪಟುಗಳಾದ ಸುಶೀಲ್ ಕುಮಾರ್ ಹಾಗೂ ಅಮಿತ್ ಕುಮಾರ್ ಕುಸ್ತಿಯಲ್ಲಿ ವಿಕ್ರಮ ಸಾಧಿಸಿದ್ದಾರೆ. ಒಟ್ಟಾರೆ 10 ಚಿನ್ನ, 15 ಬೆಳ್ಳಿ ಹಾಗೂ 11 ಕಂಚಿನ ಪದಕ ಗೆದ್ದುಕೊಂಡಿದೆ. ದೆಹಲಿಯಲ್ಲಿ ನಡೆದಿದ್ದ ಕಾಮನ್ ವೆಲ್ತ್ ಕ್ರೀಡಾಕೂಟ 2010ರಲ್ಲಿ ಭಾರತ 101 ಪದಕ (38 ಚಿನ್ನ, 27 ಬೆಳ್ಳಿ ಹಾಗೂ 36 ಕಂಚು) ಗಳಿಸಿತ್ತು.
ಜುಲೈ 29ರಂತೆ ಭಾರತದ ಪದಕ ವಿಜೇತರ ಪಟ್ಟಿ
ಚಿನ್ನ 10
* ಸುಶೀಲ್ ಕುಮಾರ್ : ಪುರುಷರ ಕುಸ್ತಿ, 75 ಕೆಜಿ ವಿಭಾಗ
* ಅಮಿತ್ ಕುಮಾರ್ : ಪುರುಷರ ಕುಸ್ತಿ, 57 ಕೆಜಿ ವಿಭಾಗ
* ವಿನೇಶ್ ಫೊಗಾತ್ : ಮಹಿಳೆಯರ ಕುಸ್ತಿ, 48 ಕೆಜಿ ವಿಭಾಗ
* ಜೆತು ರೈ : ಪುರುಷರ ಶೂಟಿಂಗ್ 50 ಮೀ ಏರ್ ರೈಫಲ್
* ಸತೀಶ್ ಶಿವಲಿಂಗಮ್: ಪುರುಷರ 77 ಕೆ.ಜಿ ವಿಭಾಗ ವೇಟ್ ಲಿಫ್ಟಿಂಗ್
* ಅಪೂರ್ವಿ ಚಾಂಡೆಲ : ಮಹಿಳೆಯರ ಶೂಟಿಂಗ್ 10 ಮೀ ಏರ್ ರೈಫಲ್
* ರಾಹಿ ಸರ್ನೊಬಾತ್ : ಮಹಿಳೆಯರ ಶೂಟಿಂಗ್ 25 ಮೀ ಏರ್ ರೈಫಲ್
* ಅಭಿನವ್ ಬಿಂದ್ರಾ : ಪುರುಷರ ಶೂಟಿಂಗ್ 10 ಮೀ ಏರ್ ರೈಫಲ್
* ಕೆ ಸಂಜೀತಾ ಚಾನು: ಮಹಿಳೆಯರ 48 ಕೆ.ಜಿ ವಿಭಾಗ (ಒಟ್ಟಾರೆ ಲಿಫ್ಟ್ 173 ಕೆಜಿ, 77+96)
* ಸುಕೇನ್ ಡೇ: ಪುರುಷರ 56 ಕೆ.ಜಿ ವಿಭಾಗ (ಒಟ್ಟಾರೆ ಲಿಫ್ಟ್ 248 ಕೆಜಿ, 109+139)