ಕಾಮನ್ ವೆಲ್ತ್ ಕ್ರೀಡೆಯಲ್ಲಿ ಚಿನ್ನದ ಪದಕ ವಿಜೇತರು

ಕನ್ನಡ Edition

ICC T20 World Cup 2026

Get Updates

Get notified on match updates, sports news, and in-depth analysis!

ಬೆಂಗಳೂರು, ಆ.5: ಇಪ್ಪತ್ತನೇ ಕಾಮನ್‌ವೆಲ್ತ್ ಕ್ರೀಡಾಕೂಟ ಮುಕ್ತಾಯಗೊಂಡಿದ್ದು ಆರಂಭದ ದಿನದಿಂದಲೂ ಪದಕಗಳನ್ನು ಬೇಟೆಯಾಡುತ್ತಾ ಬಂದ ಭಾರತ ತಂಡವು 64 ಪದಕಗಳೊಂದಿಗೆ ಪದಕ ಪಟ್ಟಿಯಲ್ಲಿ 5ನೇ ಸ್ಥಾನವನ್ನು ಅಲಂಕರಿಸಿದೆ. ಪದಕ ವಿಜೇತರ ಪೈಕಿ ಎಂಟು ಜನ ಕನ್ನಡಿಗರು ಸೇರಿರುವುದು ಹೆಮ್ಮೆಯ ವಿಚಾರ. ಭಾರತದ ಒಟ್ಟು 15 ಚಿನ್ನದ ಪದಕ ವಿಜೇತರ ಸಚಿತ್ರ ವಿವರ ನಿಮ್ಮ ಮುಂದಿಡಲಾಗಿದೆ.

ಭಾರತ 15 ಚಿನ್ನ, 30 ಬೆಳ್ಳಿ ಹಾಗೂ 19 ಕಂಚಿನ ಪದಕಗಳೊಂದಿಗೆ ಒಟ್ಟು 64 ಪದಕಗಳನ್ನು ತನ್ನದಾಗಿಸಿಕೊಳ್ಳುವ ಮೂಲಕ 5ನೇ ಸ್ಥಾನಕ್ಕೆ ತೃಪ್ತಿಪಟ್ಟಿತು. 2010 ರಲ್ಲಿ ದೆಹಲಿಯಲ್ಲಿ ನಡೆದ ಕ್ರೀಡಾಕೂಟದಲ್ಲಿ ಭಾರತ 38 ಚಿನ್ನ, 27 ಬೆಳ್ಳಿ ಹಾಗೂ 36 ಕಂಚಿನ ಪದಕ(101) ಗೆದ್ದುಕೊಂಡು ಪದಕ ಪಟ್ಟಿಯಲ್ಲಿ 2 ಸ್ಥಾನ ಪಡೆದುಕೊಂಡಿತ್ತು.

58 ಚಿನ್ನ,59 ಬೆಳ್ಳಿ ಹಾಗೂ 57 ಕಂಚಿನ ಪದಕಗಳೊಂದಿಗೆ ಒಟ್ಟು 174 ಪದಕಗಳ ಬೇಟೆಯಾಡಿದ ಇಂಗ್ಲೆಂಡ್ ಅಗ್ರಸ್ಥಾನ ಪಡೆದುಕೊಂಡರೆ, ಹಾಕಿಯಲ್ಲಿ ಸ್ವರ್ಣ ಪದಕ ಗಳಿಸಿದ ಆಸ್ಟ್ರೇಲಿಯಾ 49 ಚಿನ್ನ, 42 ಬೆಳ್ಳಿ ಹಾಗೂ 46 ಕಂಚಿನ ಪದಕಗಳೊಂದಿಗೆ ಒಟ್ಟು 137 ಪದಕಗಳನ್ನು ಗಳಿಸುವ ಮೂಲಕ ಎರಡನೆ ಸ್ಥಾನ ಅಲಂಕರಿಸಿತು. ಉಳಿದಂತೆ ಕೆನಡಾ 82 ಪದಕ, ಅತಿಥೇಯ ಸ್ಕಾಟ್‌ಲೆಂಡ್ ತಂಡ 53 ಪದಕಗಳೊಂದಿಗೆ ಕ್ರಮವಾಗಿ 3 ಮತ್ತು 4ನೇ ಸ್ಥಾನವನ್ನು ಪಡೆದುಕೊಂಡಿವೆ.