ಅಂತಾರಾಷ್ಟ್ರೀಯ ಒಲಿಂಪಿಕ್ಸ್ ಡೇ ಶುರುವಾದ ಕುತೂಹಲಕಾರಿ ಕತೆ!

ಒಲಿಂಪಿಕ್ಸ್ ಡೇ ಚುಟುಕು ಇತಿಹಾಸ

ಅಂತಾರಾಷ್ಟ್ರೀಯ ಒಲಿಂಪಿಕ್ಸ್ ಡೇಯನ್ನು ಪರಿಚಯಿಸಿದ್ದು 1948ರಲ್ಲಿ. ಪ್ರತೀ ಜೂನ್ 23ರಂದು ಅಂತಾರಾಷ್ಟ್ರೀಯ ಒಲಿಂಪಿಕ್ಸ್ ಡೇ ಆಚರಿಸಲಾಗುತ್ತದೆ. ಅದು ಆಧುನಿಕ ದಿನಗಳ ಒಲಿಂಪಿಕ್ಸ್ ಗೇಮ್ಸ್ ಶುರುವಾಗಲು ಕಾರಣವಾಯ್ತು. ಇದಕ್ಕೂ ಮುನ್ನ ಅಂದರೆ 1947ರಲ್ಲಿ ಸಾವರಿನ್‌ನ ಜೆಕೊಸ್ಲೊವಾಕಿಯಾದಲ್ಲಿದ್ದ ಒಲಿಂಪಿಕ್ ಕಮಿಟಿ ಮೆಂಬರ್ ಆಗಿದ್ದ ಡಾಕ್ಟರ್ ಗ್ರಸ್ ಅವರು ಒಲಿಂಪಿಕ್ ದಿನ ಆಚರಿಸುವ ಬಗ್ಗೆ ಒಂದು ವರದಿ ಸಲ್ಲಿಸಿದರು. ಆ ಬಳಿಕ ಒಲಿಂಪಿಕ್ ದಿನಾಚರಣೆಗೆ ಅನುಮೋದನೆ ದೊರೆಯಿತು.

ಅಂತಾರಾಷ್ಟ್ರೀಯ ಒಲಿಂಪಿಕ್ ದಿನದ ಮಹತ್ವ

ಅಂತಾರಾಷ್ಟ್ರೀಯ ಒಲಿಂಪಿಕ್ ದಿನದ ಮಹತ್ವವೆಂದರೆ ಒಲಿಂಪಿಕ್ ಕ್ರೀಡಾಕೂಟದಲ್ಲಿ ಭಾಗವಹಿಸಲು ಹೆಚ್ಚಿನ ಜನರನ್ನು ಪ್ರೋತ್ಸಾಹಿಸುವುದು ಮತ್ತು ಈ ಸಂದರ್ಭದಲ್ಲಿ ನಡೆಯುವ ಕ್ರೀಡಾಕೂಟಗಳ ಬಗ್ಗೆ ಜಾಗೃತಿ ಮೂಡಿಸುವುದು. 1978ರ ಒಲಿಂಪಿಕ್ ಚಾರ್ಟರ್ ಆವೃತ್ತಿಯಲ್ಲಿ, ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿಯು ಎಲ್ಲಾ ಎನ್‌ಒಸಿ (ನ್ಯಾಷನಲ್ ಒಲಿಂಪಿಕ್ ಕಮಿಟಿ)ಗಳು ಪ್ರತಿವರ್ಷ ಒಲಿಂಪಿಕ್ ದಿನವನ್ನು ಆಯೋಜಿಸಲು ಮತ್ತು ಒಲಿಂಪಿಕ್ ಚಳವಳಿಯನ್ನು ಉತ್ತೇಜಿಸಲು ಶಿಫಾರಸು ಮಾಡಿದೆ.

ಒಲಿಂಪಿಕ್ ಡೇ ರನ್ ಅಂದರೇನು?

ಒಲಿಂಪಿಕ್ ಡೇ ರನ್ ಎನ್ನುವುದು ವಿಶ್ವಾದ್ಯಂತ ಆಯೋಜಿಸಲಾಗುವ ಒಂದು ಚಟುವಟಿಕೆಯಾಗಿದ್ದು, ಜೂನ್‌ನಲ್ಲಿ ನಡೆಯುವ ಕ್ರೀಡೆಗಳಲ್ಲಿ ಸಾಮೂಹಿಕ ಭಾಗವಹಿಸುವಿಕೆಯನ್ನು ಉತ್ತೇಜಿಸುತ್ತದೆ. ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿಯು ಓಟವನ್ನು ಆಯೋಜಿಸುತ್ತದೆ. ಅಥ್ಲೆಟಿಕ್ ಸಾಮರ್ಥ್ಯವನ್ನು ಲೆಕ್ಕಿಸದೆ ವಿಶ್ವದ ಮೂಲೆ ಮೂಲೆಗಳಿಂದ ಪುರುಷರು, ಮಹಿಳೆಯರು ಮತ್ತು ಮಕ್ಕಳು ಕ್ರೀಡೆಯಲ್ಲಿ ಭಾಗವಹಿಸುವಿಕೆಯನ್ನು ಉತ್ತೇಜಿಸುವುದು ಇದರ ಉದ್ದೇಶವಾಗಿದೆ. 1987ರಲ್ಲಿ ಮೊದಲ ಬಾರಿಗೆ ಒಲಿಂಪಿಕ್ ಡೇ ರನ್ ಅನ್ನು ಆಯೋಜಿಸಲಾಗಿತ್ತು. 10 ಕಿ.ಮೀ. ದೂರದ ಓಟ ಇದಾಗಿತ್ತು.