ಫ್ರೆಂಚ್ ಓಪನ್: ಲಿಯಾಂಡರ್ ಜೋಡಿಗೆ ಸೋಲು

ಪ್ಯಾರಿಸ್, ಜೂನ್ 2: ಭಾರತದ ಹಿರಿಯ ಟೆನಿಸ್ ಪಟು ಲಿಯಾಂಡರ್ ಪೇಸ್ ಅವರು, ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯ ಪುರುಷರ ಡಬಲ್ಸ್ ವಿಭಾಗದಿಂದ ಹೊರಬಿದ್ದಿದ್ದಾರೆ.

ಶುಕ್ರವಾರ ನಡೆದ ಈ ವಿಭಾಗದ ದ್ವಿತೀಯ ಸುತ್ತಿನ ಪಂದ್ಯದಲ್ಲಿ ಪೇಸ್ ಹಾಗೂ ಅವರ ಅಮೆರಿಕ ಜತೆಗಾರ ಸ್ಕಾಟ್ ಲಿಪ್ ಸ್ಕಿ, ಸ್ಪೇನ್ ನ ಜೋಡಿಯಾದ ಡೇವಿಡ್ ಮರೆರೊ ಹಾಗೂ ಟಾಮಿ ರೊಬ್ರೆಡೊ ಜೋಡಿ ವಿರುದ್ದ 7-6 (7-3), 6-2 ನೇರ ಸೆಟ್ ಗಳ ಅಂತರದಲ್ಲಿ ಸೋಲು ಕಂಡರು.[ಫ್ರೆಂಚ್ ಓಪನ್: ಲಿಯಾಂಡರ್, ಬೋಪಣ್ಣಗೆ ಮುನ್ನಡೆ]

ಬುಧವಾರ ನಡೆದಿದ್ದ ಇದೇ ವಿಭಾಗದ ಮೊದಲ ಸುತ್ತಿನ ಪಂದ್ಯದಲ್ಲಿ ಪೇಸ್- ಲಿಪ್ ಸ್ಕಿ ಜೋಡಿ, ಮಾಲ್ಡೋವಾದ ರಡು ಅಲ್ಬರ್ಟ್ ಹಾಗೂ ಕೊರಿಯಾದ ಹೆಯಿನ್ ಚುಂಗ್ ಜೋಡಿ ವಿರುದ್ದ 7-6 (5), 4-6, 6-2 ಸೆಟ್ ಗಳಲ್ಲಿ ಗೆಲುವು ಸಾಧಿಸಿ, ದ್ವಿತೀಯ ಸುತ್ತಿಗೆ ಪದಾರ್ಪಣೆ ಮಾಡಿತ್ತು.

ಇದೀಗ, ದ್ವಿತೀಯ ಸುತ್ತಿನಲ್ಲಿ ಸೋಲು ಅನುಭವಿಸಿದ ಕಾರಣದಿಂದಾಗಿ, ಲಿಯಾಂಡರ್ ಪೇಸ್ ಜೋಡಿ ಈ ವಿಭಾಗದಿಂದ ಹೊರಬಿದ್ದಿದೆ.