ಫ್ರೆಂಚ್ ಓಪನ್: ಸೆರೆನಾ ವಿರುದ್ಧ ಸೇಡು ತೀರಿಸಿಕೊಳ್ಳುವರೇ ಶರಪೋವಾ?

ಪ್ಯಾರೀಸ್, ಜೂ. 3: ಫಾರ್ಮ್ ಕಳೆದುಕೊಂಡು ಅವಮಾನವನ್ನೆದುರಿಸಿದ್ದ ಟೆನಿಸ್ ಬಲಾಡ್ಯೆ ಸೆರೆನಾ ವಿಲಿಯಮ್ಸ್ ಮತ್ತೆ ಗೆಲುವಿನ ಹಾದಿಗೆ ಮರಳಿದ್ದಾರೆ. ಶನಿವಾರ ನಡೆದ ರೋಲ್ಯಾಂಡ್ ಗ್ಯಾರೋಸ್ (ಫ್ರೆಂಚ್ ಓಪನ್) 3ನೇ ಸುತ್ತಿನ ಸ್ಪರ್ಧೆಯಲ್ಲಿ ಸೆರೆನಾ, ಜೂಲಿಯಾ ಜಾರ್ಜಸ್ ವಿರುದ್ಧ ಜಯ ಸಾಧಿಸಿದ್ದಾರೆ.

ಗೆಲುವಿನ ಹುಮ್ಮಸ್ಸಿನೊಂದಿಗೆ ಟೆನಿಸ್ ಅಂಕಣಕ್ಕಿಳಿದಿದ್ದ ಅಮೆರಿಕಾ ಆಟಗಾರ್ತಿ ಸೆರೆನಾ, 11ನೇ ಶ್ರೇಯಾಂಕಿತ ಜರ್ಮನ್ ಆಟಗಾರ್ತಿ ಜೂಲಿಯಾ ವಿರುದ್ಧ 6-3, 6-4ರ ನೇರ ಸೆಟ್ ಗೆಲುವು ದಾಖಲಿಸಿದರು. ಇಬ್ಬರ ಮಧ್ಯೆ 75 ನಿಮಿಷಗಳ ಕಾದಾಟ ನಡೆಯಿತು.

Carving a path thru' those seeds..Serena roars on to set up Sharapova blockbuster https://t.co/GnFFT4lL6Z via @TOISports

— Hu Pow (@hu_pow) June 3, 2018

3 ಸುತ್ತಿನಲ್ಲಿ ಅಪೂರ್ವ ಆಟ ಪ್ರದರ್ಶಿಸಿರುವ ಮಾಜಿ ವಿಶ್ವ ನಂ. 1 ಆಟಗಾರ್ತಿ ಸೆರೆನಾ 4ನೇ ಸುತ್ತಿನ ಸ್ಪರ್ಧೆಯಲ್ಲಿ ರಷ್ಯಾ ಸ್ಟಾರ್ ಆಟಗಾರ್ತಿ ಮರಿಯಾ ಶರಪೋವಾ ಅವರನ್ನು ಎದುರುಗೊಳ್ಳಲಿದ್ದಾರೆ. 3ನೇ ಸುತ್ತಿನ ಹಣಾಹಣಿಯಲ್ಲಿ ಶರಪೋವಾ ಅವರು ಜೆಕ್ ಆಟಗಾರ್ತಿ ಕ್ರಿಸ್ಟೀನಾ ಪ್ಲಿಸ್ಕೋವಾ ಅವರನ್ನು ಮಣಿಸಿ ಮುನ್ನಡೆ ಸಾಧಿಸಿದ್ದಾರೆ.

French Open: Serena roars on to set up Sharapova meeting https://t.co/MT9wOYBXSR pic.twitter.com/qHOxf0ZJD7

— Plain Facts (@isnotpolitics) June 3, 2018

ಅತ್ತ ಶರಪೋವಾ ಕೂಡ ಸೆರೆನಾ ವಿರುದ್ಧ ಸೇಡು ತೀರಿಸಿಕೊಳ್ಳುವ ಯೋಜನೆಯಲ್ಲಿದ್ದಾರೆ. ಸೆರೆನಾ-ಶರಪೋವಾ ಮುಖಾಮುಖಿಯಲ್ಲಿ ಈವರೆಗೆ ಸುಮಾರು 18 ಪಂದ್ಯಗಳನ್ನು ಶರಪೋವಾ ಸೋತಿದ್ದು, 'ಸೆರೆನಾ ವಿರುದ್ಧದ ಸೋಲನ್ನು ನೆನಪಿಸುವ 18 ಸಂಖ್ಯೆಯನ್ನು ನಾನು ಮಾರೆತಿಲ್ಲ. ಸಂಖ್ಯೆಗಳು ಸುಳ್ಳು ಹೇಳುವುದಿಲ್ಲ ಕೂಡ' ಎಂದಿದ್ದಾರೆ.