ನ್ಯೂಯಾರ್ಕ್, ಸೆಪ್ಟೆಂಬರ್ 4: ಅಮೆರಿಕಾದ ಟೆನಿಸ್ ಬಲಿಷ್ಠೆ ಸೆರೆನಾ ವಿಲಿಯಮ್ಸ್, ಯುಎಸ್ ಓಪನ್ ಸೆಮಿಫೈನಲ್ಗೆ ಪ್ರವೇಶಿಸಿದ್ದಾರೆ. ಕ್ವಾರ್ಟರ್ ಫೈನಲ್ನಲ್ಲಿ ವಾಂಗ್ ಕ್ಯೂಯಿಆಂಗ್ ಸೋಲಿಸಿದ ವಿಲಿಯಮ್ಸ್ ಮುನ್ನಡೆ ಗಿಟ್ಟಿಸಿಕೊಂಡರು. ಯುಎಸ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಸೆರೆನಾಗೆ ಲಭಿಸಿದ 100ನೇ ಗೆಲುವಿದು.
ಯುಎಸ್ ಓಪನ್ 2019: ರೋಜರ್ ಫೆಡರರ್ ಗೆ ಸೋಲುಣಿಸಿದ ಡಿಮಿಟ್ರೊವ್
ಮಂಗಳವಾರ (ಸೆಪ್ಟೆಂಬರ್ 3) ನಡೆದ ಮಹಿಳಾ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್ ಫೈನಲ್ ಸ್ಪರ್ಧೆಯಲ್ಲಿ ಸೆರೆನಾ, ಚೀನಾದ ವಾಂಗ್ ಕ್ಯೂಯಿಆಂಗ್ ವಿರುದ್ಧ 6-1, 6-0ರ ನೇರ ಸೆಟ್ ಗೆಲುವು ಸಾಧಿಸಿದರು. ಇಬ್ಬರ ಮಧ್ಯೆ ಸುಮಾರು 44 ನಿಮಿಷಗಳ ಕಾದಾಟ ನಡೆಯಿತು.
Congratulations to @serenawilliams on earning 100 #USOpen wins! @ChrissieEvert earned 101 #USOpen wins on this very day 30 years ago. #WomenWorthWatching https://t.co/LxDIexoFj2
— Billie Jean King (@BillieJeanKing) September 4, 2019
ಈ ತಿಂಗಳಾಂತ್ಯದಲ್ಲಿ 38ರ ಹರೆಯಕ್ಕೆ ಕಾಲಿರಿಸಲಿರುವ ವಿಲಿಯಮ್ಸ್ ಇಲ್ಲೀವರೆಗೆ ಒಟ್ಟು 23 ಗ್ರ್ಯಾಂಡ್ಸ್ಲ್ಯಾಮ್ ಪ್ರಶಸ್ತಿಗಳನ್ನು ಜಯಿಸಿದ್ದಾರೆ. ಇನ್ನೊಂದು ಗ್ರ್ಯಾಂಡ್ಸ್ಲ್ಯಾಮ್ ಜಯಿಸಿದರೂ ಆಸ್ಟ್ರೇಲಿಯಾದ ಟೆನಿಸ್ ದಂತಕತೆ ಮಾರ್ಗರೇಟ್ ಕೋರ್ಟ್ ಹೆಸರಿನಲ್ಲಿರುವ 24 ಗ್ರ್ಯಾಂಡ್ಸ್ಲ್ಯಾಮ್ ವಿಶ್ವದಾಖಲೆಯನ್ನು ಸೆರೆನಾ ಸರಿದೂಗಿಸಲಿದ್ದಾರೆ.