US Open 2023: ಸೆಮಿಫೈನಲ್‌ಗೆ ಲಗ್ಗೆಯಿಟ್ಟ ಸಬಲೆಂಕಾ, ಮಡ್ವೆಡೇವ್

ವಿಶ್ವದ ನಂ.1 ಆಟಗಾರ್ತಿ ಅರೀನಾ ಸಬಲೆಂಕಾ ಯುಎಸ್ ಓಪನ್ ಸೆಮಿಫೈನಲ್‌ಗೆ ಲಗ್ಗೆಯಿಟ್ಟಿದ್ದಾರೆ. ಕ್ವಿನ್ವೆನ್ ಝೆಂಗ್ ವಿರುದ್ಧ ನಡೆದ ಕ್ವಾರ್ಟರ್‌ಫೈನಲ್ ಸೆಣೆಸಾಟದಲ್ಲಿ ಸಬಲೆಂಕಾ 6-1, 6-4 ಸೆಟ್‌ಗಳಿಂದ ಸೋಲಿಸಿ ಬಲಿಷ್ಠ ಆಟ ಪ್ರದರ್ಶಿಸಿದರು. ಈ ಮೂಳಕ ತಮ್ಮ ಅಜೇಯ ದಾಖಲೆಯನ್ನು ಉಳಿಸಿಕೊಂಡರು. ಇಗಾ ಸ್ವಿಯಾಟೆಕ್ ವಿದ್‌ಡ್ರಾ ಮಾಡಿರುವ ಕಾರಣ ನಂ. 1 ಸ್ಥಾನಕ್ಕೇರಲಿರುವ ಸಬಲೆಂಕಾ ಸೋಮವಾರದ ತನ್ನ ಕೊನೆಯ-16 ಟೈನಲ್ಲಿ ಡೇರಿಯಾ ಕಸಟ್ಕಿನಾ ಅವರನ್ನು ಸುಲಭವಾಗಿ ಸೋಲಿಸಿದ್ದರು.

ಸಬಲೆಂಕಾ ಈ ವರ್ಷ ಯುಎಸ್ ಓಪನ್‌ನಲ್ಲಿ ಒಂದು ಸೆಟ್ಟನ್ನು ಕೂಡ ಕಳೆದುಕೊಂಡಿಲ್ಲ. ಅಲ್ಲದೆ ಆರಂಭಿಕ ಐದು ಪಂದ್ಯಗಳನ್ನು ಕೂಡ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ. ಪರಿಪೂರ್ಣವಾದ ಮೊದಲ ಸೆಟ್‌ನಲ್ಲಿ ಕೇವಲ ಒಂದು ಮೊದಲ-ಸರ್ವ್ ಪಾಯಿಂಟ್ ಅನ್ನು ಕಳೆದುಕೊಂಡರು. ಇನ್ನು ಝೆಂಗ್ ಎರಡನೇ ಸೆಟ್‌ನಲ್ಲಿ ತನ್ನ ಆಟವನ್ನು ಹೆಚ್ಚಿಸಿದರು. ಐದನೇ ಗೇಮ್‌ನಲ್ಲಿ 21-ಶಾಟ್ ರ್ಯಾಲಿಯನ್ನು ಗೆಲ್ಲಲು ಕೈಚಳಕವನ್ನು ತೋರಿಸುವಾಗ ಬೇಸ್‌ಲೈನ್‌ನ ಉದ್ದಕ್ಕೂ ಹಿಂದಕ್ಕೆ ಮತ್ತು ಮುಂದಕ್ಕೆ ಸ್ಪ್ರಿಂಟ್ ಮಾಡಲು ಸಬಲೆಂಕಾ ಮೇಲೆ ಒತ್ತಡ ಹೇರಿದರು.

ಇನ್ನು ಸಬಲೆಂಕಾ ಅವರು ಸೆಮಿಫೈನಲ್‌ನಲ್ಲಿ ಅಮೆರಿಕದ ಮ್ಯಾಡಿಸನ್ ಕೀಸ್ ಮತ್ತು ಯುನೈಟೆಡ್ ಕಿಂಗ್‌ಡಂನ ಮಾರ್ಕೆಟಾ ವೊಂಡ್ರೊಸೊವಾ ನಡುವಿನ ಪಂದ್ಯದ ವಿಜೇತರನ್ನು ಎದುರಿಸಲಿದ್ದಾರೆ.

ಇನ್ನು ಯುಎಸ್ ಓಪನ್‌ನ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್-ಫೈನಲ್‌ನಲ್ಲಿ ಡೇನಿಯಲ್ ಮಡ್ವೆಡೇವ್ ಹಾಗೂ ಆಂಡ್ರೆ ರುಬ್ಲೆವ್ ಅತ್ಯಂತ ಪೈಪೋಟಿಯ ಪ್ರದರ್ಶನ ನೀಡಿದ್ದಾರೆ. ಆಂಡ್ರೆ ರುಬ್ಲೆವ್ ವಿರುದ್ಧದ ಗೆಲುವನ್ನು ಸಂಭ್ರಮಿಸಲು ಡೇನಿಯಲ್ ಮೆಡ್ವೆಡೆವ್ ಅವರಲ್ಲಿ ಸ್ವಲ್ಪವೂ ಶಕ್ತಿ ಉಳಿದಿರಲಿಲ್ಲ. ಆರ್ಥರ್ ಆಶ್ ಸ್ಟೇಡಿಯಂನಲ್ಲಿ ನಡೆದ 2-ಗಂಟೆ-47-ನಿಮಿಷಗಳ ಸೆಣೆಸಾಟದ ಅಂತ್ಯದಲ್ಲಿ ಇಬ್ಬರೂ ಆಟಗಾರರು ಕೂಡ ದಣಿದಿದ್ದರು.

ಇನ್ನು ಪಂದ್ಯದ ಬಳಿಕ ಮೆಡ್ವೆಡೆವ್ ನ್ಯೂಯಾರ್ಕ್ನಲ್ಲಿನ ಬಿಸಿ ಮತ್ತು ಆರ್ದ್ರ ವಾತಾವರಣವನ್ನು "ಕ್ರೂರ" ಎಂದು ಬಣ್ಣಿಸಿದ್ದು ಟೋಕಿಯೊ ಒಲಿಂಪಿಕ್ಸ್ ನಂತರ ಅವರಿಗೆ ಅತ್ಯಂತ ಕಷ್ಟಕರವಾದ ವಾತಾವರಣ ಇದಾಗಿದೆ ಎಂದಿದ್ದಾರೆ. ವಾತಾವರಣದ ಸವಾಲನ್ನು ಮೀರಿ ಮೆಡ್ವೆಡೆವ್ ದಣಿದ ರುಬ್ಲೆವ್ ಅವರನ್ನು 6-4, 6-3, 6-4 ಸೆಟ್‌ಗಳಿಂದ ಸೋಲಿಸಿ ತಮ್ಮ 4 ನೇ ಯುಎಸ್ ಓಪನ್ ಸೆಮಿಫೈನಲ್ ತಲುಪಿದರು.

ಮೆಡ್ವೆಡೆವ್ ಅವರು ಸೆಮಿಫೈನಲ್‌ನಲ್ಲಿ ಹಾಲಿ ಚಾಂಪಿಯನ್ ಕಾರ್ಲೋಸ್ ಅಲ್ಕರಾಜ್ ಮತ್ತು ಜರ್ಮನಿಯ ಅಲೆಕ್ಸಾಂಡರ್ ಜ್ವೆರೆವ್ ನಡುವಿನ 4 ನೇ ಕ್ವಾರ್ಟರ್ ಫೈನಲ್‌ನ ವಿಜೇತರನ್ನು ಎದುರಿಸಲಿದ್ದಾರೆ.