Asia cup 2022: ಹಾಂಕಾಂಗ್‌ ತಂಡವನ್ನ ನಾವು ಹಗುರವಾಗಿ ಪರಿಗಣಿಸುವಂತಿಲ್ಲ ಎಂದ ಅಶ್ವಿನ್

ಏಷ್ಯಾಕಪ್‌ಗೆ ಎಂಟ್ರಿಯಾದ ಆರನೇ ತಂಡ ಹಾಂಕಾಂಗ್

ಹಾಂಕಾಂಗ್ ಈ ಬಾರಿ ಅರ್ಹತಾ ಸುತ್ತು ದಾಟುವ ಮೂಲಕ ಟೂರ್ನಿಗೆ ಅರ್ಹತೆ ಪಡೆದಿದೆ. ಏಷ್ಯಾಕಪ್‌ಗೆ ಹಾಂಕಾಂಗ್‌ ಸತತ ಎರಡನೇ ಬಾರಿಗೆ ಅರ್ಹತೆ ಪಡೆಯುವಲ್ಲಿ ಯಶಸ್ವಿಯಾಇಗದೆ. 2018ರ ಕೊನೆಯ ಟೂರ್ನಿಯಲ್ಲೂ ಹಾಂಕಾಂಗ್ ಭಾಗವಹಿಸಿತ್ತು. ಅಶ್ವಿನ್ ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಹಂಚಿಕೊಂಡಿರುವ ವಿಡಿಯೋದಲ್ಲಿ ಹಾಂಕಾಂಗ್ ವಿರುದ್ಧದ ಪಂದ್ಯವನ್ನು ವಿಶ್ಲೇಷಿಸಿದ್ದಾರೆ. ಬುಧವಾರ ದುಬೈನಲ್ಲಿ ಭಾರತ ಮತ್ತು ಹಾಂಕಾಂಗ್ ಮುಖಾಮುಖಿಯಾಗಲಿವೆ.

2018ರಲ್ಲಿ ಹಾಂಕಾಂಗ್ ವಿರುದ್ಧ 26ರನ್‌ಗಳಿಂದ ಗೆಲುವು

ಯುಎಇಯಲ್ಲಿ ನಡೆದ 2018ರ ಏಷ್ಯಾಕಪ್‌ನಲ್ಲಿ ಭಾರತ ಮತ್ತು ಹಾಂಕಾಂಗ್ ಒಂದೇ ಗುಂಪಿನಲ್ಲಿದ್ದವು. ಅಂದು ಭಾರತ ತಂಡ 26 ರನ್‌ಗಳ ಜಯ ಸಾಧಿಸಿತ್ತು. ಈ ಬಾರಿಯೂ ಭಾರತ ಅವರಿಂದ ಪ್ರಬಲ ಸವಾಲನ್ನು ನಿರೀಕ್ಷಿಸುತ್ತಿದ್ದು, ಅವರನ್ನು ಲಘುವಾಗಿ ಪರಿಗಣಿಸುವುದಿಲ್ಲ ಎಂದು ಆರ್ ಅಶ್ವಿನ್ ಹೇಳಿದ್ದಾರೆ.

ನಾವು ಹಾಂಗ್ ಕಾಂಗ್ ಅನ್ನು ಲಘುವಾಗಿ ಪರಿಗಣಿಸುವುದಿಲ್ಲ. ಏಕೆಂದರೆ ನಾವು ಕಳೆದ ಬಾರಿ ಮುಖಾಮುಖಿಯಾದಾಗ ಅವರು ನಮ್ಮ ವಿರುದ್ಧ ದೊಡ್ಡ ಹೋರಾಟ ನಡೆಸಿದರು. ಎಹ್ಸಾನ್ ಖಾನ್ ಉತ್ತಮ ಆಫ್ ಸ್ಪಿನ್ನರ್ ಎಂದು ಅಶ್ವಿನ್ ಗಮನಸೆಳೆದಿದ್ದಾರೆ.

ಎಹ್ಸಾನ್ ಖಾನ್ ಅವರು ಐಸಿಸಿಯ ಪೂರ್ಣ ಸಮಯದ ಸದಸ್ಯರಾಗಿರುವ ತಂಡಗಳ ವಿರುದ್ಧ ಆಡಿದಾಗಲೆಲ್ಲಾ ಪ್ರಭಾವ ಬೀರಿದ್ದಾರೆ. ಅಶ್ವಿನ್ ಅವರು ಭಾರತ ವಿರುದ್ಧ ಕೊನೆಯ ಬಾರಿಗೆ ಆಡಿದಾಗ ಎಂಎಸ್ ಧೋನಿ ಮತ್ತು ರೋಹಿತ್ ಶರ್ಮಾ ಅವರ ವಿಕೆಟ್‌ಗಳನ್ನು ಎಹ್ಸಾನ್ ಪಡೆದರು.

100ನೇ T20I ಪಂದ್ಯವನ್ನಾಡಲಿರುವ ಕೊಹ್ಲಿ: ರೋಹಿತ್, ರಾಹುಲ್, ಪಾಂಡ್ಯ, ಪಂತ್ ಪ್ರತಿಕ್ರಿಯೆ

ಅರ್ಹತಾ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡಿರುವ ಎಹ್ಸಾನ್ ಖಾನ್

ಈ ವರ್ಷದ ಏಷ್ಯಾಕಪ್ ಅರ್ಹತಾ ಪಂದ್ಯದಲ್ಲಿ ಎಹ್ಸಾನ್ ಅದ್ಭುತ ಬೌಲಿಂಗ್ ಮಾಡಿದ್ದರು. ಈತ ಮೂರು ಪಂದ್ಯಗಳಿಂದ ಒಂಬತ್ತು ವಿಕೆಟ್ ಪಡೆದರು. ಎಹ್ಸಾನ್ 6.75 ರ ಉತ್ತಮ ಎಕಾನಮಿ ದರವನ್ನು ನಿರ್ವಹಿಸುವಲ್ಲಿ ಯಶಸ್ವಿಯಾದರು.

ಈ ವರ್ಷದ ಏಷ್ಯಾಕಪ್‌ನಲ್ಲಿ ಅಫ್ಘಾನಿಸ್ತಾನ ಕಾದು ನೋಡಬೇಕಾದ ತಂಡವಾಗಿದೆ ಎಂದು ಇದೇ ವೇಳೆಯಲ್ಲಿ ಆರ್ ಅಶ್ವಿನ್ ಹೇಳಿದ್ದಾರೆ. ಈ ಬಾರಿ ಎಲ್ಲರೂ ಭಯಪಡಬೇಕಾದ ತಂಡ ಅಫ್ಘಾನಿಸ್ತಾನ. ಅಫ್ಘಾನಿಸ್ತಾನವು ಗ್ರೂಪ್ ಹಂತವನ್ನು ದಾಟಿ ಸೂಪರ್ ಫೋರ್ ತಲುಪುವ ಸಾಧ್ಯತೆಯಿದೆ. ಆದರೆ ಶಾರ್ಜಾದಲ್ಲಿ ಹೆಚ್ಚು ಪಂದ್ಯಗಳನ್ನು ಆಡುತ್ತೇವೆ ಎಂದು ಆರ್ ಅಶ್ವಿನ್ ಹೇಳಿದ್ದಾರೆ.

ಅಚ್ಚರಿಯಾದರೂ ನಿಜ!: 2018 ಮತ್ತು 2022ರ ಏಷ್ಯಾಕಪ್ ಟೂರ್ನಿಯ 4 ಕಾಕತಾಳೀಯ ಘಟನೆಗಳು!

ಏಷ್ಯಾಕಪ್‌ಗಾಗಿ ಕಠಿಣ ಪೈಪೋಟಿ ನಡೆಯಲಿದೆ

ಮೊದಲ ನಾಲ್ಕು ಸ್ಥಾನಕ್ಕಾಗಿ ಇದು ಅತ್ಯಂತ ಕಠಿಣ ಹೋರಾಟ ಎಂದು ನಾನು ಭಾವಿಸುತ್ತೇನೆ. ಅಫ್ಘಾನಿಸ್ತಾನದ ಬ್ಯಾಟ್ಸ್‌ಮನ್‌ಗಳು ಸಾಕಷ್ಟು ರನ್ ಗಳಿಸಿದರೆ, ಅವರ ಸ್ಪಿನ್ನರ್‌ಗಳು ಉಳಿದದ್ದನ್ನು ನೋಡಿಕೊಳ್ಳುತ್ತಾರೆ ಎಂದು ಅಶ್ವಿನ್ ಸೇರಿಸಿದರು.

ಅಫ್ಘಾನಿಸ್ತಾನ ಭರ್ಜರಿ ಗೆಲುವಿನೊಂದಿಗೆ ಟೂರ್ನಿಯಲ್ಲಿ ಶುಭಾರಂಭ ಮಾಡಿದೆ. ದುಬೈನಲ್ಲಿ ಶನಿವಾರ ರಾತ್ರಿ ನಡೆದ ಪಂದ್ಯದಲ್ಲಿ ಅಫ್ಘಾನಿಸ್ತಾನ ಅಬ್ಬರಿಸಿ ಎಂಟು ವಿಕೆಟ್‌ಗಳ ಜಯ ಸಾಧಿಸಿತು. ಇದರೊಂದಿಗೆ ಅವರು ಸೂಪರ್ ಫೋರ್ ಕಡೆಗೆ ಮೊದಲ ಹೆಜ್ಜೆ ಇಟ್ಟಿದ್ದಾರೆ. ಮುಂದಿನ ಪಂದ್ಯದಲ್ಲಿ ಬಾಂಗ್ಲಾದೇಶವನ್ನು ಸೋಲಿಸಿದರೆ, ಅಫ್ಘಾನಿಸ್ತಾನವು ಗ್ರೂಪ್ ಚಾಂಪಿಯನ್ ಆಗಿ ಸೂಪರ್ ಫೋರ್‌ಗೆ ಪ್ರವೇಶಿಸುತ್ತದೆ.

ಅಫ್ಘಾನಿಸ್ತಾನ ಲಂಕಾ ವಿರುದ್ಧ ಸುಲಭವಾಗಿ ಗೆದ್ದಿತು. ಟಾಸ್ ಸೋತ ಲಂಕಾ ಬ್ಯಾಟಿಂಗ್ ಗೆ ಇಳಿದು ಎರಡು ಎಸೆತಗಳು ಬಾಕಿ ಇರುವಂತೆಯೇ 105 ರನ್ ಗಳಿಗೆ ಆಲೌಟ್ ಆಯಿತು. ಇದಕ್ಕೆ ಉತ್ತರವಾಗಿ ಅಫ್ಘಾನಿಸ್ತಾನ ಕೇವಲ 10.1 ಓವರ್‌ಗಳಲ್ಲಿ ಎರಡು ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು. ರಹಮಾನುಲ್ಲಾ ಗುರ್ಬಾಜ್ (18 ಎಸೆತಗಳಲ್ಲಿ 40) ಮತ್ತು ಹಜರತುಲ್ಲಾ ಸಜೈ (37*) ಅಫ್ಘಾನಿಸ್ತಾನವನ್ನು ತ್ವರಿತವಾಗಿ ಗುರಿ ತಲುಪಿಸಿದರು.