Click it and Unblock the Notifications
ಮೊದಲ ದಿನದ ಕೊನೆಯಲ್ಲಿ ಬೌಲಿಂಗ್ ಮಾಡದ ಸಿರಾಜ್!
ಮೊದಲ ದಿನದಾಟದಂತ್ಯಕ್ಕೆ ಇನ್ನೇನು ಏಳು ಎಸೆತಗಳಷ್ಟೇ ಬಾಕಿ ಇರುವಾಗ ಮೊಹಮ್ಮದ್ ಸಿರಾಜ್ ಬೌಲಿಂಗ್ ಮಾಡುತ್ತಿದ್ದರು ತನ್ನ ಸ್ಪೆಲ್ನ ಕೊನೆಯ ಎಸೆತವನ್ನ ಹಾಕಲು ರನ್ ಅಪ್ ಮಾಡಿದ್ರು. ದಕ್ಷಿಣ ಆಫ್ರಿಕಾದ ನಾಯಕ ಡೀನ್ ಎಲ್ಗರ್ ಬ್ಯಾಟಿಂಗ್ ಮಾಡುವ ವೇಳೆ, ಎಸೆತಕ್ಕೂ ಮೊದಲು ಸಿರಾಜ್ ಬೌಲಿಂಗ್ ಮಾಡುವುದನ್ನ ನಿಲ್ಲಿಸಿದ್ರು. ಮೇಲ್ನೋಟಕ್ಕೆ ಬಲಗಾಲಿನ ಹ್ಯಾಮ್ಸ್ಟ್ರಿಂಗ್ನಿಂದ ಬಳಲುತ್ತಿರುವಂತೆ ಕಂಡು ಬಂದ ಹಿನ್ನಲೆಯಲ್ಲಿ ಸಿರಾಜ್ ಫಿಸಿಯೋ ಜೊತೆಗೆ ಮೈದಾನದಿಂದ ಹೊರನಡೆದರು.
ಕಳಪೆ ಪಾರ್ಮ್ನಲ್ಲಿರುವ ರಹಾನೆ, ಪೂಜಾರಾಗೆ ಗವಾಸ್ಕರ್ ಖಡಕ್ ಎಚ್ಚರಿಕೆ
ಸಿರಾಜ್ ಫಿಟ್ನೆಸ್ ಕುರಿತು ಅಧಿಕೃತ ಮಾಹಿತಿ ಬೇಕಿದೆ!
ಟೀಂ ಇಂಡಿಯಾದಲ್ಲಿ ಗಾಯಾಳುಗಳ ಸಂಖ್ಯೆ ಹೆಚ್ಚುತ್ತಿದ್ದು, ನಾಯಕ ಕೊಹ್ಲಿ ಬಳಿಕ ಪ್ರಮುಖ ಬೌಲರ್ ಮೊಹಮ್ಮದ್ ಸಿರಾಜ್ ಮೊದಲ ದಿನದಾಟದಲ್ಲೇ ಗಾಯಾಳುವಾಗಿ ಕಾಣಿಸಿಕೊಂಡಿರುವುದು ಟೀಂ ಇಂಡಿಯಾಕ್ಕೆ ದೊಡ್ಡ ಹೊಡೆತವಾಗಿದೆ. ಸಿರಾಜ್ ಮೈದಾನದಿಂದ ಡ್ರೆಸ್ಸಿಂಗ್ ರೂಂಗೆ ಹೆಜ್ಜೆ ಇಡುತ್ತಿದ್ದಂತೆ , ಟೀಂ ಇಂಡಿಯಾ ಪಾಳಯದಲ್ಲಿ ದಿಗಿಲು ಶುರುವಾಗಿದೆ. ಸಿರಾಜ್ ಯಾವ ತೊಂದರೆಯಿಂದ ಬಳಲುತ್ತಿದ್ದಾರೆ ಮತ್ತು ಅವರ ಫಿಟ್ನೆಸ್ನ ಅಪಡೇಟ್ ಏನು ಎಂಬುದನ್ನ ಬಿಸಿಸಿಐ ಅಧಿಕೃತವಾಗಿ ಮಾಹಿತಿ ಹೊರಹಾಕಿದ್ರಷ್ಟೇ ತಿಳಿದುಬರಲಿದೆ.
ಧೋನಿಗೆ ಇದ್ದ ಸಪೋರ್ಟ್, ನನಗೂ ಇದ್ದಿದ್ರೆ ಇನ್ನೂ ಹೆಚ್ಚಿನ ಕಾಲ ಆಡ್ತಿದ್ದೆ: ಹರ್ಭಜನ್ ಸಿಂಗ್
ಸೀಮರ್ಗಳಿಗೆ ಸಹಾಯ ಮಾಡುತ್ತಿದೆ ವಾಂಡರರ್ಸ್ ಪಿಚ್
ವಾಂಡರರ್ಸ್ ಪಿಚ್ ಸೀಮರ್ಗಳಿಗೆ ಸಹಾಯ ಮಾಡುತ್ತಿರುವಂತೆ ತೋರುತ್ತಿದೆ ಮತ್ತು ಈ ವಿಕೆಟ್, ನಿರ್ದಿಷ್ಟವಾಗಿ, ಗಾಯವಾಗುವ ಮೊದಲು ಸಿರಾಜ್ಗೆ ಹೆಚ್ಚು ಸರಿಹೊಂದುವಂತಿತ್ತು. ಇದಕ್ಕೂ ಮುನ್ನ ಭಾರತದ ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ಅವರಿಗೂ ಗ್ಲೌಸ್ಗೆ ಪೆಟ್ಟಾಗಿದ್ದು, ಫಿಸಿಯೋ ಮ್ಯಾಜಿಕ್ ಸ್ಪ್ರೇನೊಂದಿಗೆ ಸರಿ ಮಾಡಿದ್ರು. ಇದು ಅಶ್ವಿನ್ ಬೌಲಿಂಗ್ ಮೇಲೆ ಯಾವುದೇ ಪರಿಣಾಮ ಬೀರುತ್ತದೋ ಇಲ್ಲವೋ, ನಾವು ಕಾದು ನೋಡಬೇಕಾಗಿದೆ.
ಕೇವಲ ಒಂದು ವಿಕೆಟ್ ಕಳೆದುಕೊಂಡಿರುವ ದಕ್ಷಿಣ ಆಫ್ರಿಕಾ
ಭಾರತದ ಪರ ಮೊದಲ ದಿನದಾಟದಲ್ಲಿ ಮೊಹಮ್ಮದ್ ಶಮಿ ಕೇವಲ ಒಂದು ವಿಕೆಟ್ ಉರುಳಿಸುವಲ್ಲಿ ಯಶಸ್ವಿಯಾದ್ರು. ಓಪನರ್ ಏಡೆನ್ ಮಕ್ರಾಮ್ 7 ರನ್ ಗಳಿಸಿದ್ದಾಗ ಶಮಿ ಬೌಲಿಂಗ್ನಲ್ಲಿ ಎಲ್ಬಿಡಬ್ಲ್ಯೂ ಬಲೆಗೆ ಬಿದ್ರು. ಮತ್ತೊಂದು ವಿಕೆಟ್ ಪಡೆಯಲು ಟೀಂ ಇಂಡಿಯಾ ಬೌಲರ್ಗಳ ಸತತ ಪ್ರಯತ್ನ ವಿಫಲಗೊಂಡಿತು. ಇದರ ನಡುವೆ ವೇಗಿ ಸಿರಾಜ್ ಗಾಯಗೊಂಡಿರುವುದು ಟೀಂ ಇಂಡಿಯಾಗೆ ಕೊಂಚ ಹಿನ್ನಡೆಯಾಗಿದೆ.
ಮೊದಲ ದಿನದಾಟದಂತ್ಯಕ್ಕೆ ದಕ್ಷಿಣ ಆಪ್ರಿಕಾ 1 ವಿಕೆಟ್ ನಷ್ಟಕ್ಕೆ 35 ರನ್ ಕಲೆಹಾಕಿದೆ. ನಾಯಕ ಡೀನ್ ಎಲ್ಗರ್ ಅಜೇಯ 11 ರನ್ ಕಲೆಹಾಕಿದ್ದು, ಕೀಗನ್ ಪೀಟರ್ಸನ್ ಅಜೇಯ 14ರನ್ ಕಲೆಹಾಕಿ ಎರಡನೇ ದಿನದಾಟಕ್ಕೆ ಕ್ರೀಸ್ ಕಾಯ್ದುಕೊಂಡಿದ್ದಾರೆ. ಭಾರತ 202ರನ್ ಬೆನ್ನತ್ತಲು ಇನ್ನೂ 167ರನ್ ಬಾಕಿ ಉಳಿದಿದೆ.
Continue with Google