ಬದಲಾದ ಸಮಯದಲ್ಲಿ ಒಡೆಯರ್ ಕೆಪಿಎಲ್

ಬೆಂಗಳೂರು,ಆ.18: ಕಾರ್ಬನ್ ಒಡೆಯರ್ ಕರ್ನಾಟಕ ಪ್ರಿಮಿಯರ್ ಲೀಗ್ ನ 2014ರ ಆವೃತ್ತಿ ಪಂದ್ಯಾವಳಿಗಳು ಆ.28 ರಿಂದ ಸೆ.12 ರ ತನಕ ನಡೆಯಲಿದೆ. ಮೊದಲ ಪಂದ್ಯದಲ್ಲಿ ಮಂಗಳೂರು ಯುನೈಟೆಡ್ ತಂಡ ಹಾಗೂ ಸುದೀಪ್ ಅವರ ರಾಕ್ ಸ್ಟಾರ್ಸ್ ತಂಡ ಸೆಣಸಾಡಲಿವೆ.

ಕರ್ನಾಟಕ ಪ್ರಿಮಿಯರ್ ಲೀಗ್ ನ ಪಂದ್ಯಗಳ ಸಮಯ ಬದಲಾಗಿದೆ. ಈ ಮುಂಚೆ ಸಂಜೆ 4 ಹಾಗೂ ರಾತ್ರಿ 8,10 ಗಂಟೆಗೆ ನಡೆಯಲು ನಿಗದಿಯಾಗಿತ್ತು. ಈಗ ಬೆಳಗ್ಗೆ 10, ಮಧ್ಯಾಹ್ನ 1 ಹಾಗೂ 5 ಗಂಟೆಗೆ ಪಂದ್ಯಗಳು ನಡೆಯಲಿವೆ ಎಂದು ಕೆಎಸ್ ಸಿಎ ತಿಳಿಸಿದೆ.

ಕರ್ನಾಟಕ ರಾಜ್ಯ ಕ್ರಿಕೆಟ್ ಅಸೋಸಿಯೇಷನ್ (ಕೆಎಸ್ ಸಿಎ) ಆಯೋಜನೆಯ ಕರ್ನಾಟಕ ಪ್ರಿಮಿಯರ್ ಲೀಗ್(ಕೆಪಿಎಲ್) ಈ ಬಾರಿ ಒಡೆಯರ್ ಕೆಪಿಎಲ್ ಎಂದು ಕರೆಯಲ್ಪಡುತ್ತದೆ. ಮೈಸೂರು, ಬೆಂಗಳೂರು ಹಾಗೂ ಹುಬ್ಬಳ್ಳಿಯಲ್ಲಿ ಪಂದ್ಯಾವಳಿಗಳು ನಡೆಯಲಿವೆ. [ಒಡೆಯರ್ ಕೆಪಿಎಲ್ ಹರಾಜು ಅಪ್ಡೇಟ್ಸ್]