ಅವಕಾಶ ಸಿಕ್ಕರೆ MS ಧೋನಿ ಮೆದುಳನ್ನು ಓದುವ ಆಸೆ: ದಿನೇಶ್ ಕಾರ್ತಿಕ್

ಮೆದುಳನ್ನ ಓದುವ ಅವಕಾಶ ಸಿಕ್ಕರೆ ಅದು ಧೋನಿಯದ್ದೇ ಆಗಿರುತ್ತದೆ!

ಭಾರತದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರ ಮೆದುಳನ್ನು ಓದುವ ಅವಕಾಶ ಸಿಕ್ಕರೆ ನನಗೆ ತುಂಬಾನೆ ಖುಷಿಯಾಗಲಿದೆ ಎಂದು ಹಿರಿಯ ವಿಕೆಟ್‌ಕೀಪರ್ ದಿನೇಶ್ ಕಾರ್ತಿಕ್ ಹೇಳಿದ್ದಾರೆ. ಐಪಿಎಲ್ 2022ರ ಸೀಸನ್ ನಲ್ಲಿ ಬೆಂಗಳೂರಿಗೆ ಧೂಳೆಬ್ಬಿಸಿದ ಅವರು ರಾಷ್ಟ್ರೀಯ ತಂಡಕ್ಕೆ ಮರಳಿದ್ದಾರೆ. ಈ ಹಿನ್ನೆಲೆಯಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಎರಡನೇ ಟಿ20ಗೂ ಮುನ್ನ ಬಿಸಿಸಿಐ ಬಿಡುಗಡೆ ಮಾಡಿರುವ ವಿಡಿಯೋದಲ್ಲಿ ದಿನೇಶ್ ಕಾರ್ತಿಕ್ ತಮಾಷೆಯಾಗಿ ಮಾತನಾಡಿದ್ದಾರೆ. ಈ ವಿಡಿಯೋದಲ್ಲಿ ಡಿಕೆಗೆ ಹಲವು ಪ್ರಶ್ನೆಗಳನ್ನು ಕೇಳಿ ಮೋಜಿನ ರೀತಿಯಲ್ಲಿ ಉತ್ತರ ನೀಡಿದ್ದಾರೆ.

ಅಂತಹ ಸಂದರ್ಭ ಎದುರಾದ್ರೆ ಭವಿಷ್ಯದಲ್ಲಿ 2 ಭಾರತೀಯ ತಂಡಗಳು ಕಣಕ್ಕಿಳಿಯಲಿವೆ: ಜಯ್ ಶಾ

ತಂಡದೊಂದಿಗೆ ಭೋಜನವೇ ಅಥವಾ ಸಿನಿಮಾ ನೋಡಲು ಇಷ್ಟಪಡುತ್ತೀರಾ?

ನೀವು ತಂಡದೊಂದಿಗೆ ಭೋಜನವನ್ನು ಮಾಡಲು ಇಷ್ಟಪಡುತ್ತೀರಾ? ಅಥವಾ ಚಲನಚಿತ್ರಗಳಿಗೆ ಹೋಗುವುದನ್ನು ಇಷ್ಟಪಡುತ್ತೀರಾ? ಎಂದು ಕೇಳಿದ ಪ್ರಶ್ನೆಗೆ ಭೋಜನ ಎಂದರೆ ತುಂಬಾ ಇಷ್ಟ ಎಂದು ಡಿಕೆ ಉತ್ತರ ನೀಡಿದ್ದಾರೆ. ಸಿನಿಮಾ ನೋಡುವುದಕ್ಕಿಂತ ಸಹ ಆಟಗಾರರೊಂದಿಗೆ ಊಟ ಮಾಡಿದ್ರೆ ಚೆನ್ನಾಗಿರುತ್ತದೆ ಎಂದರು.

ಇದಲ್ಲದೆ ನೀವು ಚಹಾವನ್ನು ಇಷ್ಟಪಡುತ್ತೀರಾ? ಕಾಫಿ ಇಷ್ಟಪಡುತ್ತೀರಾ? ಎಂದು ಕೇಳಿದ ಪ್ರಶ್ನೆಗೆ ನನಗೆ ಚಹಾ ಎಂದರೆ ಇಷ್ಟ, ಅದು ಭಾರತದ ಯಾವ ಮೂಲೆಯಲ್ಲಿದ್ದರೂ ಸಿಗುತ್ತದೆ ಎಂದಿದ್ದಾರೆ. ಇದರ ನಂತರ ನೀವು ಯಾವುದೇ ಪಾರ್ಟಿಯಲ್ಲಿ ಹಾಡಲು ಇಷ್ಟಪಡುತ್ತೀರಾ? ಅಥವಾ ನೀವು ನೃತ್ಯ ಮಾಡಲು ಇಷ್ಟಪಡುತ್ತೀರಾ? ಎಂದು ಕೇಳಿದಾಗ ಇದು ತುಂಬಾ ಕಷ್ಟಕರವಾದ ಪ್ರಶ್ನೆಯಾಗಿದೆ ಮತ್ತು ಅದನ್ನು ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದರು.

ಇನ್ನು ಪ್ರವಾಸದ ವಿಚಾರಕ್ಕೆ ಸಂಬಂಧಪಟ್ಟಂತೆ ಪರ್ವತ ಪ್ರದೇಶಗಳಿಗೆ ಹೋಗಲು ಇಷ್ಟಪಡುತ್ತೀರಾ? ಅಥವಾ ನಿಮಗೆ ಕಡಲತೀರಗಳು ಇಷ್ಟವೇ? ಎಂಬ ಪ್ರಶ್ನೆಗೆ ನನಗೆ ಪರ್ವತ ಪ್ರದೇಶಗಳು ಇಷ್ಟ. ನಾನು ಗಿರಿಧಾಮಕ್ಕೆ ಎಲ್ಲೇ ಹೋದರೂ ಅಲ್ಲಿ ಶಾಂತಿಯುತ ವಾತಾವರಣವಿರುತ್ತದೆ ಎಂದಿದ್ದಾರೆ.

ನಿನಗೆ ಅಡುಗೆ ಮಾಡುವುದು ಇಷ್ಟವೇ? ಅಥವಾ ಮನೆಯನ್ನು ಸ್ವಚ್ಛವಾಗಿಟ್ಟುಕೊಳ್ಳಬೇಕೆ? ಅಂದರೆ.. ಮನೆ ಶುಚಿಗೊಳಿಸುವುದಕ್ಕೆ ಆದ್ಯತೆ ನೀಡುತ್ತಿದ್ದರು. ನನಗೆ ಸ್ವಚ್ಛವಾಗಿರಲು ಇಷ್ಟವಾಗುತ್ತದೆ ಎಂದು ಹೇಳಿದರು. ನೀವು ಹಾರಲು ಇಷ್ಟಪಡುತ್ತೀರಾ? ಅಥವಾ ಯಾರಾದರೂ ಮನಸ್ಸು ಓದಲು ಇಷ್ಟಪಡುತ್ತಾರೆಯೇ? ಅಂದರೆ .. ನನಗೆ ಹಾರಲು ಅವಕಾಶವಿದ್ದರೆ ಅಲಾಸ್ಕಾಕ್ಕೆ (ಯುಎಸ್ಎ) ಹೋಗುವುದಾಗಿ ಹೇಳಿದರು .ಜೊತೆಗೆ ಇತರರ ಮನಸ್ಸು ಓದುವ ಅವಕಾಶ ಸಿಕ್ಕರೆ ಅದು ಧೋನಿಯದ್ದಾಗಿರುತ್ತದೆ ಎಂದಿದ್ದಾರೆ.

ವಿಶ್ರಾಂತಿ ವೇಳೆ ಮಕ್ಕಳೊಂದಿಗೆ ಗಲ್ಲಿ ಕ್ರಿಕೆಟ್ ಆಡಿದ ರೋಹಿತ್ ಶರ್ಮಾ; ವಿಡಿಯೋ ವೈರಲ್

IND vs RSA ಮೂರನೇ ಪಂದ್ಯದಲ್ಲಿ ಏನೆಲ್ಲಾ ವಿಶೇಷತೆಗಳಿದ್ದವು? | OneIndia Kannada

ರೊನಾಲ್ಡೊ, ಮೆಸ್ಸಿ ಹಾಗೂ ಫೆಡರರ್ , ನಡಾಲ್‌ರಲ್ಲಿ ಯಾರು ಶ್ರೇಷ್ಟ?

ಕ್ರೀಡೆಯ ವಿಚಾರಕ್ಕೆ ಸಂಬಂಧಿಸಿದಂತೆ ಕ್ರಿಸ್ಟಿಯಾನೋ ರೊನಾಲ್ಡೊ ಇಷ್ಟಪಡುತ್ತೀರಾ? ಲಿಯೋನೆಲ್ ಮೆಸ್ಸಿನಾ? ಅಂದರೆ.. ಮೆಸ್ಸಿ ಅವರ ಆಟವನ್ನು ನೋಡುವುದು ತುಂಬಾ ಇಷ್ಟ ಎಂದು ಡಿಕೆ ಹೇಳಿದ್ದಾರೆ.

ರೋಜರ್ ಫೆಡರರ್?ರಾಫೆಲ್ ನಡಾಲ್? ಇಬ್ಬರಲ್ಲಿ ಯಾರು ಇಷ್ಟ ಎಂಬ ಪ್ರಶ್ನೆಗೆ ಫೆಡರರ್ ಎಂದು ಡಿಕೆ ಹೇಳಿದ್ದಾರೆ. ಇನ್‌ಸ್ಟಾಗ್ರಾಮ್ ಅಥವಾ ಟ್ವಿಟರ್ ಬಗ್ಗೆ ಕೇಳಿದರೆ ಟ್ವಿಟರ್‌ಗೆ ಮತ ಹಾಕಿದ್ದಾರೆ. ಫೋನ್ ಇಲ್ಲದೆ ಒಂದು ದಿನ ಇರುತ್ತೀರಾ? ಅಥವಾ ವ್ಯಾಯಾಮ ಮಾಡದೆ ಇರುತ್ತೀರಾ? ಅಂದಾಗ, ಫೋನ್ ಇಲ್ಲದೆ ಇರುವುದು ಸುಲಭದ ಕೆಲಸ ಎಂದು ಅವರು ಹೇಳಿದರು. ಜೊತೆಗೆ ಮೊಬೈಲ್‌ಗೆ ಅಷ್ಟು ವ್ಯಸನಿಯಾಗಿಲ್ಲ ಎಂದರು.

ಇನ್ನು ಫೇವರಿಟ್ ಕಾರುಗಳ ವಿಚಾರಕ್ಕೆ ಸಂಬಂಧಿಸಿದಂತೆ ಲಂಬೋರ್ಗಿನಿ ಅಥವಾ ಮುಸ್ತಾಂಗ್‌ ಯಾವುದು ಇಷ್ಟ? ಅಂದಾಗ, ನನಗೆ ಲಂಬೋರ್ಗಿನಿ ಎಂದರೆ ಇಷ್ಟ ಮತ್ತು ಅದರಿಂದ ಬರುವ ಸೌಂಡ್ ಚೆನ್ನಾಗಿದೆ.

ನಿಮ್ಮ ಜೀವನದ ಬಗ್ಗೆ ಪುಸ್ತಕ ಬರೆದ್ರೆ ಚೆನ್ನಾಗಿರುತ್ತದೆಯೇ? ಅಥವಾ ಸಿನಿಮಾ ಮಾಡಿದ್ರೆ ಉತ್ತಮವೇ ಎಂದು ಕೇಳಿದ ಪ್ರಶ್ನೆಗೆ ಸಿನಿಮಾ ಚೆನ್ನಾಗಿರುತ್ತದೆ ಎಂದಿದ್ದಾರೆ.