Asia cup 2022: ಟೂರ್ನಿಯ ಬೆಸ್ಟ್‌ ಹನ್ನೊಂದು ಆಟಗಾರರನ್ನ ಹೆಸರಿಸಿದ ಹರ್ಷಾ ಬೋಗ್ಲೆ

ಭಾರತದ ಇಬ್ಬರು ಆಟಗಾರರಿಗೆ ಮಾತ್ರ ಸ್ಥಾನ

ಹರ್ಷ ಭೋಗ್ಲೆ ಅವರ ಇಲೆವೆನ್‌ನಲ್ಲಿ ಭಾರತದಿಂದ ಇಬ್ಬರು ಆಟಗಾರರು ಮಾತ್ರ ಆಯ್ಕೆಯಾಗಿದ್ದಾರೆ. ಒಬ್ಬರು ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಮತ್ತು ಇನ್ನೊಬ್ಬರು ಸ್ವಿಂಗ್ ಸ್ಪೆಷಲಿಸ್ಟ್ ಭುವನೇಶ್ವರ್ ಕುಮಾರ್. ಇವರಿಬ್ಬರೂ ಟೂರ್ನಿಯಲ್ಲಿ ಭಾರತದ ಪರ ಅತ್ಯುತ್ತಮ ಪ್ರದರ್ಶನ ನೀಡಿದ ಇಬ್ಬರು ಆಟಗಾರರಾಗಿದ್ದಾರೆ. ಟೂರ್ನಿಯಲ್ಲಿ ಕೊಹ್ಲಿ ಅಗ್ರ ರನ್ ಚೇಸರ್ ಆಗಿದ್ದಾರೆ.

ವಿರಾಟ್‌ ಐದು ಇನ್ನಿಂಗ್ಸ್‌ಗಳಿಂದ 92 ಸರಾಸರಿಯಲ್ಲಿ 276 ರನ್ ಗಳಿಸಿದರು. ಇದೇ ವೇಳೆ ಕೊಹ್ಲಿ ಚೊಚ್ಚಲ ಟಿ20 ಶತಕ ದಾಖಲಿಸಿದರು. ಬೌಲಿಂಗ್ ನಲ್ಲಿ ಭುವಿ ಟೂರ್ನಿಯಲ್ಲಿ ಹೆಚ್ಚು ವಿಕೆಟ್ ಪಡೆದಿದ್ದಾರೆ. ಅವರು 11 ವಿಕೆಟ್ ಪಡೆದಿದ್ದು, 6.05 ರ ಅತ್ಯುತ್ತಮ ಎಕಾನಮಿ ದರದಲ್ಲಿ ಬೌಲಿಂಗ್ ಮಾಡಿದ್ದಾರೆ.

ಏಷ್ಯಾ ಕಪ್‌ 2022: ಈ 3 ಆಟಗಾರರನ್ನ ಸರಿಯಾಗಿ ಬಳಸಿಕೊಳ್ಳದ ಟೀಂ ಇಂಡಿಯಾ, ಸೋಲಿಗೆ ಪ್ರಮುಖ ಕಾರಣ

ಬೋಗ್ಲೆ ಬೆಸ್ಟ್ 11ನಲ್ಲಿ ಪಾಕಿಸ್ತಾನದ ಹೆಚ್ಚು ಆಟಗಾರರಿಗೆ ಸ್ಥಾನ

ಹರ್ಷಾ ಭೋಗ್ಲೆ ಅವರ ಬೆಸ್ಟ್ ಇಲೆವೆನ್‌ನಲ್ಲಿ ಪಾಕಿಸ್ತಾನದ ಹೆಚ್ಚಿನ ಆಟಗಾರರನ್ನು ಒಳಗೊಂಡಿದೆ. ಪಾಕಿಸ್ತಾನದ ನಾಲ್ವರು ಆಟಗಾರರು ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಈ ಆಟಗಾರರು ಆರಂಭಿಕ ಮತ್ತು ವಿಕೆಟ್ ಕೀಪರ್ ಮೊಹಮ್ಮದ್ ರಿಜ್ವಾನ್, ಸ್ಪಿನ್ನರ್‌ಗಳಾದ ಶಾದಾಬ್ ಖಾನ್, ಮುಹಮ್ಮದ್ ನವಾಜ್ ಮತ್ತು ವೇಗಿ ನಸೀಮ್ ಶಾ ಆಯ್ಕೆ ಮಾಡಿದ್ದಾರೆ.

T20 ವಿಶ್ವಕಪ್‌ 2022: ಭಾರತದ ಸಂಭಾವ್ಯ ಸ್ಕ್ವಾಡ್‌ ಘೋಷಿಸಿದ ಆಶಿಶ್ ನೆಹ್ರಾ

ಶ್ರೀಲಂಕಾದ ಮೂವರಿಗೆ ಬೋಗ್ಲೆ ತಂಡದಲ್ಲಿ ಸ್ಥಾನ

ಶ್ರೀಲಂಕಾದ ಮೂವರು ಆಟಗಾರರು ಹನ್ನೊಂದರಲ್ಲಿ ಸ್ಥಾನ ಪಡೆದರು. ಭಾನುಕಾ ರಾಜಪಕ್ಷೆ, ನಾಯಕ ದಸುನ್ ಶನಕ ಮತ್ತು ವೇಗಿ ದಿಲ್ಶನ್ ಮಧುಶಂಕ ಅವರನ್ನು ಆಯ್ಕೆ ಮಾಡಲಾಗಿದೆ. ರಹಮಾನುಲ್ಲಾ ಗುರ್ಬಾಜ್ ಮತ್ತು ನಜೀಬುಲ್ಲಾ ಸದ್ರನ್ ಕೂಡ ಅಫ್ಘಾನಿಸ್ತಾನದ ಹನ್ನೊಂದರ ಭಾಗವಾಗಿದ್ದಾರೆ.

ಹರ್ಷಾ ಭೋಗ್ಲೆ ಅವರ ಏಷ್ಯಾ ಕಪ್ ಇಲೆವೆನ್

ಮೊಹಮ್ಮದ್ ರಿಜ್ವಾನ್ (ಪಾಕಿಸ್ತಾನ), ರಹಮಾನುಲ್ಲಾ ಗುರ್ಬಾಜ್ (ಅಫ್ಘಾನಿಸ್ತಾನ), ವಿರಾಟ್ ಕೊಹ್ಲಿ (ಭಾರತ), ನಜೀಬುಲ್ಲಾ ಸದ್ರಾನ್ (ಅಫ್ಘಾನಿಸ್ತಾನ), ಭಾನುಕಾ ರಾಜಪಕ್ಷೆ (ಶ್ರೀಲಂಕಾ), ದಸುನ್ ಶನಕ (ಶ್ರೀಲಂಕಾ), ಶಾದಾಬ್ ಖಾನ್ (ಪಾಕಿಸ್ತಾನ), ಮೊಹಮ್ಮದ್ ನವಾಜ್ (ಪಾಕಿಸ್ತಾನ), ಭುವನೇಶ್ವರ್ ಕುಮಾರ್ (ಭಾರತ), ನಸೀಮ್ ಶಾ (ಪಾಕಿಸ್ತಾನ) ಮತ್ತು ದಿಲ್ಷ್ಯಾನ್ ಮಧುಶಂಕ (ಶ್ರೀಲಂಕಾ)