ನಾನು ಧೋನಿ ರೀತಿಯ ಫಿನಿಷರ್ ಆಗ್ಬೇಕು: ರಿಯಾನ್ ಪರಾಗ್

ರಾಜಸ್ತಾನ್ ರಾಯಲ್ಸ್‌ ತಂಡದ ಫಿನಿಷರ್ ಆಗಿರುವ ಪರಾಗ್

ರಿಯಾನ್ ಪರಾಗ್ 2022ರ ಐಪಿಎಲ್‌ನಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಆಡಿದ್ದರು. ತಂಡದ ಪರ ಕೊನೆಯಲ್ಲಿ ತಡವಾಗಿ ಬ್ಯಾಟಿಂಗ್ ಮಾಡುತ್ತಿದ್ದ ಅವರು ಸ್ಫೋಟಕ ಬ್ಯಾಟಿಂಗ್ ಮಾಡಲು ಸಾಧ್ಯವಾಗಲಿಲ್ಲ. ಉತ್ತಮ ಆಕ್ರಮಣಕಾರಿ ಆಟವಾಡಬಲ್ಲ ಪರಾಗ್ ಈ ಬಾರಿ ಬ್ಯಾಟಿಂಗ್ ನಲ್ಲಿ ಹೆಚ್ಚು ಪ್ರಭಾವ ಬೀರಲು ಸಾಧ್ಯವಾಗಲಿಲ್ಲ. ಆದಾಗ್ಯೂ, ಅವರು ಕ್ಷೇತ್ರದಲ್ಲಿ ತುಂಬಾ ಸಕ್ರಿಯರಾಗಿದ್ದರು.

ಫೀಲ್ಡಿಂಗ್‌ನಲ್ಲಿ ಮಿಂಚಿದ್ದ ಪರಾಗ್‌ ಈ ವರ್ಷ ಗರಿಷ್ಠ 17 ಕ್ಯಾಚ್‌ಗಳನ್ನು ಪಡೆದರು. ಇನ್ನೂ 20 ವರ್ಷದ ಪರಾಗ್ ಅವರು ತಮ್ಮ ಬ್ಯಾಟಿಂಗ್ ಮೂಲಕ ತಮ್ಮ ತಂಡಕ್ಕೆ ಹೆಚ್ಚು ಪರಿಣಾಮಕಾರಿ ಕೊಡುಗೆ ನೀಡಬಹುದು ಎಂದು ಆಶಿಸಿದ್ದಾರೆ. ಒಂದು ಋತುವಿನಲ್ಲಿ ಸುಮಾರು 5,6 ಪಂದ್ಯಗಳನ್ನು ತಂಡಕ್ಕೆ ಗೆಲ್ಲಿಸಿಕೊಡುವ ಭರವಸೆ ನೀಡಿದ್ದಾರೆ.

ಟೆಸ್ಟ್ ಕ್ರಿಕೆಟ್‌ನಲ್ಲಿ ಸುನಿಲ್ ಗವಾಸ್ಕರ್ ದಾಖಲೆ ಮುರಿದ ಜೋ ರೂಟ್‌: ಸಚಿನ್ ದಾಖಲೆ ಟಾರ್ಗೆಟ್

ತಂಡವನ್ನ ಗೆಲ್ಲಿಸಿಕೊಡುವುದೇ ನನ್ನ ಪ್ರಮುಖ ಗುರಿ!

''ತಂಡಕ್ಕೆ ಪಂದ್ಯಗಳನ್ನು ಗೆಲ್ಲಿಸಿಕೊಡಬೇಕೆಂದು ನಾನು ಬಯಸುತ್ತೇನೆ. ನಾನು ಎರಡು ಪಂದ್ಯಗಳಲ್ಲಿ ಅದನ್ನು ಮಾತ್ರ ಮಾಡಲು ಸಾಧ್ಯವಾಯಿತು. ಆದರೆ ಅದು ಸಾಕಾಗುವುದಿಲ್ಲ. ತಂಡದ ಪರವಾಗಿ 5, 6 ಪಂದ್ಯಗಳನ್ನು ಗೆಲ್ಲುವ ಪ್ರದರ್ಶನವನ್ನು ಹೊಂದಿರಬೇಕು. ಹಾಗಾದಾಗ ಮಾತ್ರ ನಾನು ಕೌಂಟಬಲ್ ಆಟಗಾರನಾಗುತ್ತೇನೆ. ಇದೀಗ ಭಾರತ ತಂಡದ ಸಂಭಾವ್ಯರ (ಪಟ್ಟಿ) ಯಲ್ಲಿ ನನ್ನ ಹೆಸರು ಇರುವುದಕ್ಕೆ ನನಗೆ ಸಂತೋಷವಿಲ್ಲ. ಅದು ನಿಜಕ್ಕೂ ಒಳ್ಳೆಯದಲ್ಲ, ಇದೀಗ ನಾನು ಟೀಮ್ ಇಂಡಿಯಾಗೆ ಆಯ್ಕೆಯಾಗಲು ಅರ್ಹನಲ್ಲ. ಮುಂಬರುವ ಋತುವಿನಲ್ಲಿ ನನ್ನ ತಂಡಕ್ಕೆ ಹೆಚ್ಚಿನ ಗೆಲುವುಗಳನ್ನು ನೀಡಿದರೆ ನನ್ನ ಆತ್ಮವಿಶ್ವಾಸ ಹೆಚ್ಚಾಗುತ್ತದೆ. ನಂತರ ಅವರು ನನ್ನ ಆಟವನ್ನು ನೋಡುತ್ತಾರೆ ಮತ್ತು ನನ್ನನ್ನು ತಂಡಕ್ಕೆ ಸೇರಿಸಿಕೊಳ್ಳುತ್ತಾರೆ'' ಎಂದು ಕ್ರೀಡಾ ಸಂವಾದದಲ್ಲಿ ತಿಳಿಸಿದರು.

ಅವರು ಬಂದರೆ ದಿನೇಶ್ ಕಾರ್ತಿಕ್‌ ತಂಡದಿಂದ ಹೊರಬೀಳ್ತಾರೆ; ಸುಮ್ಮನೆ ಅವಕಾಶ ಕೊಡಬೇಡಿ ಎಂದ ಗಂಭೀರ್!

ಐಪಿಎಲ್ 2022ರಲ್ಲಿ 183ರನ್

ಐಪಿಎಲ್ 2022ರಲ್ಲಿ ರಾಜಸ್ಥಾನ ಪರ ರಿಯಾನ್ ಪರಾಗ್ ಕೇವಲ 183 ರನ್ ಗಳಿಸಿದ್ದರು. ಅವರು 5 ಮತ್ತು 6 ನೇ ಸ್ಥಾನದಲ್ಲಿ ಬ್ಯಾಟ್ ಮಾಡಿದ್ದು ಮತ್ತು ಕೆಲವೇ ಎಸೆತಗಳನ್ನು ಎದುರಿಸಬೇಕಾಗಿರುವುದು ಅವರು ಕಡಿಮೆ ಸ್ಕೋರ್ ಮಾಡಲು ಪ್ರಮುಖ ಕಾರಣವಾಗಿದೆ. ಆದ್ರೂ ಕೂಡ ಪರಾಗ್‌ ಅದೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಮಾಡುವ ಆಸೆ ವ್ಯಕ್ತಪಡಿಸಿದ್ದಾರೆ.