ಜಿಂಬಾಬ್ವೆ ವಿರುದ್ಧ ಸಂಜು ಸ್ಯಾಮ್ಸನ್ ಅಜೇಯ ಆಟ: ವಿಶ್ವಕಪ್‌ನಲ್ಲಿ ಸಿಗುತ್ತಾ ಅವಕಾಶ?

ಸಂಜು ಸ್ಯಾಮ್ಸನ್ ಬೊಂಬಾಟ್ ಇನ್ನಿಂಗ್ಸ್‌

ಸಾಮಾನ್ಯವಾಗಿ ಅಗ್ರ ಕ್ರಮಾಂಕದಲ್ಲಿ ಆಡುವ ಸಂಜು ಅವರನ್ನು ಜಿಂಬಾಬ್ವೆ ವಿರುದ್ಧ ಭಾರತ ಆರನೇ ಆಟಗಾರ ಎಂದು ಪರಿಗಣಿಸಿದೆ. ಫಿನಿಶರ್‌ನ ಪಾತ್ರಕ್ಕೆ ಕಾಲಿಟ್ಟಾಗಲೂ ಅವರು ಭಾರತಕ್ಕೆ ಎಚ್ಚರಿಕೆಯಿಂದ ಬ್ಯಾಟಿಂಗ್ ಮಾಡಿ ಗೆಲುವಿನತ್ತ ತಂಡವನ್ನ ಕೊಂಡೊಯ್ದರು ಮಾಡಿದರು. ಸಂಜು ಎರಡನೇ ಏಕದಿನ ಪಂದ್ಯದಲ್ಲಿ ತಮ್ಮ ಪ್ರದರ್ಶನದೊಂದಿಗೆ ಧೋನಿ ದಾಖಲೆ ಸಮನಾಗಿ ಆಡುವಲ್ಲಿ ಯಶಸ್ವಿಯಾಗಿದ್ದಾರೆ.

ಜಿಂಬಾಬ್ವೆ ವಿರುದ್ಧದ ಏಕದಿನ ಇನ್ನಿಂಗ್ಸ್‌ನಲ್ಲಿ ಭಾರತದ ಪರ ಅತಿ ಹೆಚ್ಚು ಸಿಕ್ಸರ್‌ಗಳ ದಾಖಲೆಯಲ್ಲಿ ಸಂಜು ಧೋನಿ ಸೇರಿಕೊಂಡಿದ್ದಾರೆ. ಸಂಜು ನಾಲ್ಕು ಸಿಕ್ಸರ್ ಗಳಿಸಿದರು. 2005ರಲ್ಲಿ ಜಿಂಬಾಬ್ವೆ ವಿರುದ್ಧ ಎರಡು ಬಾರಿ ಧೋನಿ ತಲಾ ನಾಲ್ಕು ಸಿಕ್ಸರ್‌ಗಳನ್ನು ಬಾರಿಸಿದ್ದರು. ಇದೀಗ ಸಂಜು ಈ ದಾಖಲೆಯನ್ನು ಸರಿಗಟ್ಟುವಲ್ಲಿ ಯಶಸ್ವಿಯಾಗಿದ್ದಾರೆ.

ವಿರಾಟ್ ಕೊಹ್ಲಿಯನ್ನ ಅಷ್ಟು ಹಗುರವಾಗಿ ಪರಿಗಣಿಸಬೇಡಿ: ಪಾಕಿಸ್ತಾನ ತಂಡಕ್ಕೆ ವಾರ್ನಿಂಗ್ ಕೊಟ್ಟ ಕ್ರಿಕೆಟಿಗ

ಸಂಜು ಅಮೋಘ ಆಟಕ್ಕೆ ಅಭಿಮಾನಿಗಳ ಸಂತಸ

ಸಂಜು ಅವರ ಅಮೋಘ ಅಭಿನಯಕ್ಕೆ ಅಭಿಮಾನಿಗಳು ಕೂಡ ಖುಷಿಯಾಗಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಸಂಜು ಆಟವನ್ನ ಅಭಿಮಾನಿಗಳು ಸಂಭ್ರಮಿಸುತ್ತಿದ್ದಾರೆ. ಧೋನಿಗಷ್ಟೇ ಅಲ್ಲ ಸಂಜುಗೂ ಸಿಕ್ಸರ್ ಸಿಡಿಸುವುದು ಗೊತ್ತು ಎಂದು ಅಭಿಮಾನಿಗಳು ಹೊಗಳಿದ್ದಾರೆ. ಸಂಜು ಅವರನ್ನು ಹೊರಗಿಡಬಾರದು ಮತ್ತು ಹೆಚ್ಚಿನ ಅವಕಾಶಗಳನ್ನು ನೀಡಬೇಕು ಎಂದು ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಒತ್ತಾಯಿಸಿದ್ದಾರೆ.

ಯಾವುದೇ ಬ್ಯಾಟಿಂಗ್ ಸ್ಥಾನದಲ್ಲಾದರೂ ಆಡಬಲ್ಲೆ ಎಂಬುದನ್ನು ಸಂಜು ಸಾಬೀತುಪಡಿಸಿದ್ದರೂ ಭಾರತದ ಮ್ಯಾನೇಜ್‌ಮೆಂಟ್ ಸಾಕಷ್ಟು ಬೆಂಬಲ ನೀಡುತ್ತಿಲ್ಲ ಎನ್ನುತ್ತಾರೆ ಅಭಿಮಾನಿಗಳು ಟೀಕಿಸಿದ್ದಾರೆ. ಸಂಜು ಭಾರತಕ್ಕಾಗಿ ಆರಂಭಿಕ, ಮೂರನೇ ಕ್ರಮಾಂಕ, ನಾಲ್ಕನೇ ಕ್ರಮಾಂಕ, ಐದು ಮತ್ತು ಆರನೇ ಕ್ರಮಾಂಕದಲ್ಲಿ ಆಡಿದ್ದಾರೆ. ಈ ವರ್ಷ ಟಿ20ಯಲ್ಲಿ ಸಂಜು 44ಕ್ಕೂ ಹೆಚ್ಚು ಸರಾಸರಿ ಹೊಂದಿದ್ದಾರೆ. ಆದರೆ ಏಷ್ಯಾಕಪ್‌ಗೆ ಭಾರತ ತಂಡದಲ್ಲಿ ಸಂಜುಗೆ ಸ್ಥಾನ ಸಿಕ್ಕಿಲ್ಲ.

"ನೀವು ಮಧ್ಯದಲ್ಲಿ ಎಷ್ಟು ಸಮಯವನ್ನು ಕಳೆಯುತ್ತೀರಿ, ಅದು ನಿಮಗೆ ಒಳ್ಳೆಯದನ್ನು ನೀಡುತ್ತದೆ. ದೇಶಕ್ಕಾಗಿ ಮಾಡಿರುವುದು ಇನ್ನೂ ವಿಶೇಷ. ನಾನು ಮೂರು ಕ್ಯಾಚ್‌ಗಳನ್ನು ತೆಗೆದುಕೊಂಡೆ, ಆದರೆ ನಾನು ಸ್ಟಂಪಿಂಗ್ ತಪ್ಪಿಸಿದೆ. ನಿಜವಾಗಿಯೂ ಕೀಪಿಂಗ್ ಮತ್ತು ಬ್ಯಾಟಿಂಗ್ ಅನ್ನು ಆನಂದಿಸುತ್ತಿದೆ" ಎಂದು ಸ್ಯಾಮ್ಸನ್ ಪಂದ್ಯದ ನಂತರದ ಪ್ರಶಸ್ತಿ ಸಮಾರಂಭದಲ್ಲಿ ತಿಳಿಸಿದರು.

ತಂಡದ ಆಟಗಾರರಿಗೆ ಹೆಚ್ಚು ಅವಕಾಶ ಸಿಕ್ಕಿತು: ಅಲ್ಪ ಮೊತ್ತಕ್ಕೆ ಔಟಾದ ನಾಯಕ ರಾಹುಲ್ ಮಾತು

ಸ್ಟ್ಯಾಂಡ್‌ ಬೈ ಆಟಗಾರನಾಗಿ ಸಂಜು ಆಯ್ಕೆ?

ಭಾರತವು ಟಿ20 ವಿಶ್ವಕಪ್‌ಗೂ ಸಂಜು ಅವರನ್ನು ಪರಿಗಣಿಸುವ ಸಾಧ್ಯತೆ ಕಡಿಮೆ. ರಿಷಬ್ ಪಂತ್ಗೆ ಟೀಂ ಇಂಡಿಯಾ ಮ್ಯಾನೇಜ್‌ಮೆಂಟ್ ಬೆಂಬಲ ಇರುವುದರಿಂದ ಸಂಜುಗೆ ಅವಕಾಶಗಳು ಕಡಿಮೆ. ಇಶಾನ್ ಕಿಶನ್ ಮತ್ತು ದಿನೇಶ್ ಕಾರ್ತಿಕ್ ಅವರನ್ನು ಬ್ಯಾಕಪ್ ಕೀಪರ್ ಆಗಿ ಭಾರತ ಪರಿಗಣಿಸುತ್ತಿದ್ದರೂ, ಸಂಜು ಅವರ ಸ್ಥಾನ ಇನ್ನೂ ಹಿಂಭಾಗದಲ್ಲಿದೆ.

ಸಂಜು ವಿಕೆಟ್ ಕೀಪರ್ ಆಗಿಯೂ ಮಿಂಚಿದ್ದಾರೆ. ಮೊದಲ ಪಂದ್ಯ ಹಾಗೂ ಎರಡನೇ ಪಂದ್ಯದಲ್ಲಿ ಸಂಜು ವಿಕೆಟ್ ಹಿಂದೆ ಡೈವಿಂಗ್ ಕ್ಯಾಚ್ ಪಡೆಯುವ ಮೂಲಕ ಮಿಂಚಿದ್ದರು. ಅದ್ಬುತ ಪ್ರದರ್ಶನ ನೀಡಿದರೂ ಮತ್ತೆ ಮತ್ತೆ ಅವಕಾಶಗಳನ್ನು ಅರಸಿ ಬಂದರೂ ಟೀಮ್ ಮ್ಯಾನೇಜ್ ಮೆಂಟ್ ನ ಬೆಂಬಲ ಸಂಜುಗೆ ಸಿಗುತ್ತಿಲ್ಲ ಎಂದೇ ಹೇಳಬಹುದು. ಇದೀಗ ಟಿ20 ವಿಶ್ವಕಪ್‌ಗೂ ಮುನ್ನ ಏಷ್ಯಾಕಪ್, ಆಸ್ಟ್ರೇಲಿಯಾ ಹಾಗೂ ದಕ್ಷಿಣ ಆಫ್ರಿಕಾ ಟಿ20 ಸರಣಿಗಳು ನಡೆಯಲಿವೆ. ಈ ಸರಣಿಯಲ್ಲಿ ಸಂಜುಗೆ ಅವಕಾಶ ಸಿಗುವ ಸಾಧ್ಯತೆ ಎಷ್ಟು ಎಂಬುದು ಪ್ರಶ್ನೆಯಾಗಿದೆ.