ಪಾಕಿಸ್ತಾನ ಈ ಬಾರಿ ಭಾರತವನ್ನ ಅಷ್ಟು ಸುಲಭವಾಗಿ ಸೋಲಿಸಲು ಸಾಧ್ಯವಿಲ್ಲ: ಶೋಯೆಬ್ ಅಖ್ತರ್

ಪಾಕ್‌ ವಿರುದ್ಧ ಬಲಾಢ್ಯ ಯೋಜನೆಯೊಂದಿಗೆ ಭಾರತ ಕಣಕ್ಕಿಳಿಯಲಿದೆ!

ಈ ಬಾರಿಯ ಟಿ20 ವಿಶ್ವಕಪ್‌ನಲ್ಲಿ ಭಾರತ ತಂಡ ಪಾಕಿಸ್ತಾನ ವಿರುದ್ಧದ ಪಂದ್ಯಕ್ಕೆ ಇನ್ನಷ್ಟು ಸ್ಪಷ್ಟ ಯೋಜನೆಯೊಂದಿಗೆ ಬರಲಿದೆ. ಈ ಬಾರಿ ಭಾರತವನ್ನು ಅಷ್ಟು ಸುಲಭವಾಗಿ ಸೋಲಿಸಲು ಪಾಕಿಸ್ತಾನಕ್ಕೆ ಸಾಧ್ಯವಿಲ್ಲ ಎಂದು ಶೋಯೆಬ್ ಅಖ್ತರ್ ಬಾಬರ್ ಅಜಂ ನಾಯಕತ್ವದ ಪಾಕಿಸ್ತಾನ ತಂಡಕ್ಕೆ ಎಚ್ಚರಿಕೆ ನೀಡಿದ್ದಾರೆ.

ಫಲಿತಾಂಶವನ್ನ ಊಹಿಸುವುದು ಕಷ್ಟಸಾಧ್ಯ

ಮುಂಬರುವ ಭಾರತ-ಪಾಕ್ ಪಂದ್ಯದ ಫಲಿತಾಂಶವನ್ನು ಊಹಿಸುವುದು ಕಷ್ಟದ ಕೆಲಸ. ಆದರೆ ಪಾಕಿಸ್ತಾನ ಎರಡನೇ ಬೌಲಿಂಗ್ ಮಾಡುವುದು ಉತ್ತಮ. ಮೆಲ್ಬೋರ್ನ್‌ನಲ್ಲಿನ ಪಿಚ್ ವೇಗದ ಬೌಲರ್‌ಗಳಿಗೆ ಉತ್ತಮ ಬೌನ್ಸ್ ನೀಡುತ್ತದೆ ಎಂದು ಅಖ್ತರ್ ಹೇಳಿದರು.

ಅಭಿಮಾನಿಗಳು ಎದುರು ನೋಡುತ್ತಿರುವ ಭಾರತ-ಪಾಕ್ ಪಂದ್ಯ ಅಕ್ಟೋಬರ್ 23ರಂದು ನಡೆಯಲಿದ್ದು, ರಾವಲ್ಪಿಂಡಿ ಎಕ್ಸ್‌ಪ್ರೆಸ್ ಪ್ರಕಾರ, ಕಳೆದ ವರ್ಷ ಭಾರತ-ಪಾಕಿಸ್ತಾನ ವಿಶ್ವಕಪ್‌ನಲ್ಲಿ ನಾವು ನೋಡಿದ್ದಕ್ಕಿಂತ ಹೆಚ್ಚಿನ ಪ್ರೇಕ್ಷಕರನ್ನು ನಾವು ಈ ಬಾರಿ ನಿರೀಕ್ಷಿಸಬಹುದು ಎಂದಿದ್ದಾರೆ.

WTC ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಕಳೆದುಕೊಂಡ ಆಸಿಸ್: ಭಾರತ, ಪಾಕ್‌ಗೂ ಶಾಕ್ ಕೊಟ್ಟ ಲಂಕಾ

ದುಬೈನಲ್ಲಿ ಮೊದಲು ಬೌಲಿಂಗ್ ಆಯ್ದುಕೊಂಡಿದ್ದ ಪಾಕ್

ಕಳೆದ ಟಿ20 ವಿಶ್ವಕಪ್‌ನಲ್ಲಿ ಭಾರತ-ಪಾಕಿಸ್ತಾನ ಪಂದ್ಯದ ವಿಚಾರಕ್ಕೆ ಬಂದರೆ ದುಬೈ ಈ ಕ್ಲಾಸಿಕ್‌ಗೆ ವೇದಿಕೆಯಾಗಿತ್ತು. ಪಾಕಿಸ್ತಾನದ ನಾಯಕ ಬಾಬರ್ ಅಜಮ್ ಟಾಸ್ ಗೆದ್ದರು. ಅವರು ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದರು. ಪಾಕ್ ಬೌಲರ್‌ಗಳು ಪವರ್‌ಪ್ಲೇನಲ್ಲಿಯೇ ಮೂರು ವಿಕೆಟ್‌ಗಳನ್ನು ಕಬಳಿಸುವ ಮೂಲಕ ಭಾರತವನ್ನು ಇಕ್ಕಟ್ಟಿಗೆ ಸಿಲುಕಿಸಿದರು. ಆದರೆ ಹೀರೋ ಇನ್ನಿಂಗ್ಸ್ ಆಡಿದ ವಿರಾಟ್ ಕೊಹ್ಲಿ (57) ಅರ್ಧಶತಕ ಸಿಡಿಸಿ ತಂಡವನ್ನು ಕಾಪಾಡಿದರು. ರಿಷಬ್ ಪಂತ್ ಕೂಡ 39 ರನ್ ಗಳಿಸಿದರು. ಭಾರತದ ಸ್ಕೋರ್ ಏಳು ವಿಕೆಟ್ ನಷ್ಟಕ್ಕೆ 151 ರನ್ ಆಗಿತ್ತು.

ಎಡಗೈ ವೇಗದ ಬೌಲರ್ ಶಾಹೀನ್ ಅಫ್ರಿದಿ ಭಾರತದ ಬ್ಯಾಟಿಂಗ್ ಲೈನ್ ಅನ್ನು ಮುರಿದರು. ಅವರು ಪ್ರಮುಖ ಮೂರು ವಿಕೆಟ್ ಪಡೆಯುವ ಮೂಲಕ ಮಿಂಚಿದರು. ಆರಂಭಿಕ ಜೋಡಿ ರೋಹಿತ್ ಶರ್ಮಾ ಮತ್ತು ಕೆಎಲ್ ರಾಹುಲ್ ಅವರನ್ನು ಶಾಹೀನ್ ಬೇಗನೆ ಔಟ್ ಮಾಡಿದರು. ರೋಹಿತ್ ಗೋಲ್ಡನ್ ಡಕೌಟ್‌ ಆಗಿ ಕ್ರೀಸ್ ತೊರೆದರು. ರಾಹುಲ್ ಮೂರೂ ರನ್ ಗಳಿಸಿ ಮರಳಿದರು. ವಿರಾಟ್ ಕೊಹ್ಲಿ ಶಾಹೀನ್ ಅವರ ಮೂರನೇ ಬಲಿಪಶು. ಶಾಹೀನ್ ಹೊರತಾಗಿ ಹಸನ್ ಅಲಿ ಎರಡು ವಿಕೆಟ್ ಪಡೆದು ಉತ್ತಮ ಬೆಂಬಲ ನೀಡಿದರು.

IND vs ENG: ಫಾರ್ಮ್ ಕಳೆದುಕೊಂಡ ಕೊಹ್ಲಿಗೆ ಗಾಯದ ಸಮಸ್ಯೆ: ಮೊದಲ ಏಕದಿನ ಪಂದ್ಯಕ್ಕೆ ಅನುಮಾನ

ಸುಲಭವಾಗಿ 10 ವಿಕೆಟ್‌ಗಳ ಗೆಲುವು ಸಾಧಿಸಿದ್ದ ಪಾಕಿಸ್ತಾನ

152 ರನ್‌ಗಳ ಗುರಿಯನ್ನು ಪಾಕಿಸ್ತಾನವು ಯಾವುದೇ ರೀತಿಯಲ್ಲಿ ಕಷ್ಟವಾಗಿ ಎದುರಿಸಲಿಲ್ಲ. ಆರಂಭಿಕ ಜೋಡಿ ಬಾಬರ್ ಮತ್ತು ಮೊಹಮ್ಮದ್ ರಿಜ್ವಾನ್ ಈ ಸ್ಕೋರ್ ಅನ್ನು ಬೆನ್ನಟ್ಟಲು ಅವರಿಗೆ ಸಾಕಾಗಿತ್ತು. ಪಾಕಿಸ್ತಾನ 17.5 ಓವರ್‌ಗಳಲ್ಲಿ ಯಾವುದೇ ವಿಕೆಟ್ ನಷ್ಟವಿಲ್ಲದೆ ಗೆಲುವಿನ ದಡ ಸೇರಿತು. ರಿಜ್ವಾನ್ 79 ರನ್ ಗಳಿಸಿದರೆ, ಬಾಬರ್ ಅಜೇಯ 68 ರನ್ ಗಳಿಸಿದರು.