ಹೊಸ ದಾಖಲೆ: ಬೆಂಗಳೂರು vs ಚೆನ್ನೈ ಪಂದ್ಯದಲ್ಲಿ ಸಿಕ್ಸರ್ ಸುರಿಮಳೆ

ಬೆಂಗಳೂರು, ಏಪ್ರಿಲ್ 26: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ (ಆರ್ ಸಿಬಿ) ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್ ಕೆ) ಪಂದ್ಯ ಹತ್ತು ಹಲವು ರೋಚಕ ಕ್ಷಣಗಳಿಗೆ ಸಾಕ್ಷಿಯಾಯಿತು. ಐಪಿಎಲ್ 2018ರ ಅತ್ಯಂತ ಜನಪ್ರಿಯ ಪಂದ್ಯಗಳ ಪಟ್ಟಿ ತಯಾರಿಸಿದೆ ಆರ್ ಸಿಬಿ ಹಾಗೂ ಸಿಎಸ್ ಕೆ ಪಂದ್ಯ ಸದಾ ಅಗ್ರಸ್ಥಾನದಲ್ಲಿರುತ್ತದೆ.

ನಗರದ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಬುಧವಾರದಂದು ನಡೆದ ಬೆಂಗಳೂರು ಹಾಗೂ ಚೆನ್ನೈ ನಡುವಿನ ಪಂದ್ಯದಲ್ಲಿ ಸಿಕ್ಸರ್ ಸುರಿಮಳೆಯಾಗಿದ್ದು, ಹೊಸ ಐಪಿಎಲ್ ದಾಖಲೆ ನಿರ್ಮಾಣವಾಗಿದೆ.

ಪಂದ್ಯದ ಸ್ಕೋರ್ ಕಾರ್ಡ್ | ಪಂದ್ಯದ ವರದಿ

ಬೆಂಗಳೂರು ಹಾಗೂ ಚೆನೈ ಪಂದ್ಯದಲ್ಲಿ ಒಟ್ಟು 33 ಸಿಕ್ಸರ್ ಸಿಡಿದಿದೆ. ಇದು ಹೊಸ ಐಪಿಎಲ್ ದಾಖಲೆ. ಈ ಮುಂಚೆ ಕಳೆದ ವರ್ಷ ನಡೆದ ಗುಜರಾತ್ ಲಯನ್ಸ್ ಹಾಗೂ ಡೆಲ್ಲಿ ಡೇರ್ ಡೆವಿಲ್ಸ್ ನಡುವಿನ ಪಂದ್ಯದಲ್ಲಿ 31 ಸಿಕ್ಸರ್ ಸಿಡಿದಿದ್ದು ದಾಖಲೆಯಾಗಿತ್ತು.

ಆದರೆ, ಟಿ20 ಪಂದ್ಯವೊಂದರಲ್ಲಿ ಅತಿ ಹೆಚ್ಚು ಸಿಕ್ಸರ್ ದಾಖಲೆ ಮುರಿಯಲು ಸಾಧ್ಯವಾಗಿಲ್ಲ. ಇನ್ನೊಂದು ಸಿಕ್ಸರ್ ಯಾರಾದರೂ ಬಾರಿಸಿದ್ದರೆ, ಟಿ20 ದಾಖಲೆಯನ್ನು ಮುರಿಯಬಹುದಾಗಿತ್ತು.

ಚೆನ್ನೈ ವಿರುದ್ಧ ಬೆಂಗಳೂರು ಐದು ವಿಕೆಟ್ ಗಳಿಂದ ಸೋಲು ಕಂಡರೂ, ಮನರಂಜನೆ ನೀಡುವಲ್ಲಿ ಈ ಪಂದ್ಯ ಯಶಸ್ವಿಯಾಯಿತು.