ಸಿಎಸ್‌ಕೆ Vs ಸನ್ ರೈಸರ್ಸ್ ಪಂದ್ಯ: ಕೆಲವು ವಿಶಿಷ್ಟ ಸಂಗತಿಗಳು ಇಲ್ಲಿವೆ

ಸತತ ಮೂರು ಸೋಲು

ಪ್ರಸಕ್ತ ಸಾಲಿನ ಐಪಿಎಲ್‌ನ ಉದ್ಘಾಟನಾ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ತಂಡವನ್ನು ಮಣಿಸಿದ್ದ ಸಿಎಸ್‌ಕೆ, ನಂತರದ ಮೂರು ಪಂದ್ಯಗಳಲ್ಲಿ ಸತತ ಸೋಲು ಕಂಡಿದೆ. 2014ರಿಂದ ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಸತತವಾಗಿ ಮೂರು ಪಂದ್ಯಗಳನ್ನು ಸೋತಿರುವುದು ಇದೇ ಮೊದಲ ಸಲ.

ಚೆನ್ನೈ ವಿರುದ್ಧ ಅರ್ಧ ಶತಕ ಚಚ್ಚಿದ ಪ್ರಿಯಂ ಗರ್ಗ್, ಯಾರೀ ಟೀನೇಜರ್?

ಚೇಸಿಂಗ್‌ನಲ್ಲಿ ಧೋನಿ ಸೋಲು

ರನ್ ಚೇಸಿಂಗ್ ವೇಳೆ ಧೋನಿ ಅನೇಕ ಪಂದ್ಯಗಳಲ್ಲಿ ಅಮೋಘ ಪ್ರದರ್ಶನ ನೀಡಿ ತಂಡವನ್ನು ಗೆಲುವಿನ ದಡಕ್ಕೆ ಮುಟ್ಟಿಸಿದ್ದರು. ಆದರೆ ಕೆಲವು ಪಂದ್ಯಗಳಲ್ಲಿ ಅಜೇಯ ಪ್ರಯತ್ನ ನಡೆಸಿದ್ದರೂ ಅವರಿಗೆ ತಂಡವನ್ನು ಗೆಲ್ಲಿಸಲು ಸಾಧ್ಯವಾಗಿಲ್ಲ. ಅದರಲ್ಲಿ ಎರಡು ಪಂದ್ಯಗಳು ಈ ವರ್ಷವೇ ದಾಖಲಾಗಿವೆ. ಅಂತಹ ಕೆಲವು ಪ್ರಯತ್ನಗಳ ವಿವರ ಇಲ್ಲಿದೆ.

63* Vs ಮುಂಬೈ ಇಂಡಿಯನ್ಸ್ (2013)

42* Vs ಕಿಂಗ್ಸ್ ಇಲೆವೆನ್ ಪಂಜಾಬ್ (2014)

79* Vs ಕಿಂಗ್ಸ್ ಇಲೆವೆನ್ ಪಂಜಾಬ್ (2018)

84* Vs ಆರ್‌ಸಿಬಿ (2019)

29* Vs ರಾಜಸ್ಥಾನ ರಾಯಲ್ಸ್ (2020)

47* Vs ಸನ್ ರೈಸರ್ಸ್ ಹೈದರಾಬಾದ್ (2020)

20ನೇ ಓವರ್‌ನಲ್ಲಿ ಧೋನಿ

ಐಪಿಎಲ್‌ನಲ್ಲಿ 2017ರಿಂದ ಇಲ್ಲಿಯವರೆಗೆ ಧೋನಿ 20ನೇ ಓವರ್‌ನಲ್ಲಿ ತಾವಾಡಿದ ಎಸೆತಗಳಲ್ಲಿ ಬಾರಿಸಿದ ರನ್ ಕೂಡ ಗಮನಾರ್ಹ. ಈ ನಾಲ್ಕು ಆವೃತ್ತಿಗಳಲ್ಲಿ 20ನೇ ಓವರ್‌ನಲ್ಲಿ ಒಟ್ಟು 92 ಎಸೆತಗಳನ್ನು ಎದುರಿಸಿದ್ದು, 272.8ರ ಸ್ಟ್ರೈಕ್‌ರೇಟ್‌ನಲ್ಲಿ 251 ರನ್ ಗಳಿಸಿದ್ದಾರೆ. ಇದರಲ್ಲಿ 24 ಸಿಕ್ಸರ್‌ಗಳಿವೆ.

ಅವಕಾಶ ಪಡೆಯದ ಕ್ರಿಸ್ ಗೇಲ್: ಸ್ಫೋಟಕ ಆಟಗಾರನ ಯುಗಾಂತ್ಯ?

ಜಡೇಜಾ ಮೊದಲ ಅರ್ಧಶತಕ

ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಆಲ್‌ರೌಂಡರ್ ರವೀಂದ್ರ ಜಡೇಜಾ, ಸನ್ ರೈಸರ್ಸ್ ವಿರುದ್ಧದ ಪಂದ್ಯದಲ್ಲಿ ಅರ್ಧ ಶತಕ ಸಿಡಿಸಿದರು. ವಿಶೇಷವೆಂದರೆ ಇದು ಇಡೀ ಟಿ20ಯಲ್ಲಿಯೇ ಅವರ ಮೊದಲ ಅರ್ಧ ಶತಕ. 174 ಐಪಿಎಲ್ ಪಂದ್ಯ ಸೇರಿದಂತೆ 241ನೇ ಪಂದ್ಯದಲ್ಲಿ ಅವರು ತಮ್ಮ ಮೊದಲ ಅರ್ಧ ಶತಕ ದಾಖಲಿಸಿದ್ದಾರೆ. ಐಪಿಎಲ್‌ನಲ್ಲಿ ಅರ್ಧ ಶತಕವಿಲ್ಲದೆಯೂ ಅತಿ ಹೆಚ್ಚು ರನ್ ಗಳಿಸಿದ ವಿಶಿಷ್ಟ ಸಾಧನೆ ಅವರ ಹೆಸರಿನಲ್ಲಿದೆ. ಇದುವರೆಗೂ 48 ರನ್ ಗಳಿಸಿದ್ದೇ ಅವರ ಗರಿಷ್ಠ ಸ್ಕೋರ್ ಆಗಿತ್ತು.