ಅಂದು ಕೃನಾಲ್, ಇಂದು ಹಾರ್ದಿಕ್; ಐಪಿಎಲ್ ಫೈನಲ್‌ನಲ್ಲಿ ಪಾಂಡ್ಯ ಸಹೋದರರ ವಿ‍ಶಿಷ್ಟ ಸಾಧನೆ

ಐಪಿಎಲ್ ಫೈನಲ್‌ನಲ್ಲಿ ಕೃನಾಲ್ ಪಾಂಡ್ಯ ಸಾಧನೆಯನ್ನು ಅನುಕರಿಸಿದ ಹಾರ್ದಿಕ್

ಐಪಿಎಲ್ 2022ರ ಫೈನಲ್‌ನಲ್ಲಿ ಹಾರ್ದಿಕ್ ಪಾಂಡ್ಯ ಅವರಿಂದ ಅತ್ಯುತ್ತಮ ಪ್ರದರ್ಶನ ಮೂಡಿ ಬಂದಿತು. ಪ್ರಶಸ್ತಿ ಕಾಳಗದಲ್ಲಿ ಹಾರ್ದಿಕ್ ಪಾಂಡ್ಯ ಪ್ರಮುಖ ಮೂರು ವಿಕೆಟ್‌ಗಳನ್ನು ಪಡೆದರು ಮತ್ತು ನಂತರ ರನ್ ಚೇಸ್‌ನಲ್ಲಿ ಅತ್ಯಮೂಲ್ಯ 34 ರನ್ ಗಳಿಸಿದರು. ಇದು ಅವರಿಗೆ ಪಂದ್ಯಶ್ರೇಷ್ಠ ಪ್ರಶಸ್ತಿಯನ್ನು ತಂದುಕೊಟ್ಟಿತು. 2017ರಲ್ಲಿ ನಡೆದ ಐಪಿಎಲ್ ಫೈನಲ್‌ನಲ್ಲಿ ಕೃನಾಲ್ ಪಾಂಡ್ಯ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದಿರುವುದು ವಿಶೇಷವಾಗಿದೆ.

ಮುಂಬೈ ಪರ ಆಡುವಾಗ ಕೃನಾಲ್ ಪಾಂಡ್ಯಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ

ಪುಣೆ ರೈಸಿಂಗ್ ಸೂಪರ್‌ಜೈಂಟ್ ವಿರುದ್ಧ ಮುಂಬೈ ಇಂಡಿಯನ್ಸ್ ಪರ ಆಡುವಾಗ ಕೃನಾಲ್ ಪಾಂಡ್ಯ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು. ಸಹೋದರ ಕೃನಾಲ್ ಪಾಂಡ್ಯ ಆಗ 38 ಎಸೆತಗಳಲ್ಲಿ 47 ರನ್ ಗಳಿಸಿ ಆರಂಭಿಕ ಕುಸಿತದ ನಂತರ ಮುಂಬೈ ಇಂಡಿಯನ್ಸ್ ತಂಡವನ್ನು 129/8 ಗೆ ಏರಿಸಿದ್ದರು. ಐಪಿಎಲ್ ಫೈನಲ್‌ನಲ್ಲಿ ಪಾಂಡ್ಯ ಸಹೋದರರ ವಿ‍ಶಿಷ್ಟ ಸಾಧನೆ ಮಾಡಿದಂತಾಗಿದೆ.

2022ರ ಮೆಗಾ ಹರಾಜಿನ ಮೊದಲು, ಪಾಂಡ್ಯ ಸಹೋದರರನ್ನು ಐದು ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಬಿಡುಗಡೆ ಮಾಡಿತು. ಹಾರ್ದಿಕ್ ಪಾಂಡ್ಯ ಐಪಿಎಲ್ 2022ರ ಪ್ರಶಸ್ತಿ ಗೆದ್ದ ತಂಡ ಗುಜರಾತ್ ಟೈಟನ್ ನಾಯಕತ್ವ ವಹಿಸಿದ್ದರೆ, ಐಪಿಎಲ್ ಪ್ಲೇಆಫ್‌ನಲ್ಲಿ ನಾಕ್ಔಟ್ ಆದ ಲಕ್ನೋ ಸೂಪರ್ ಜೈಂಟ್ಸ್ ತಂಡವನ್ನು ಕೃನಾಲ್ ಪಾಂಡ್ಯ ಪ್ರತಿನಿಧಿಸಿದ್ದರು.

ಐಪಿಎಲ್ 2022 ಫೈನಲ್: RR vs GT ಅಂತಿಮ ಮುಖ್ಯಾಂಶಗಳು

ಐಪಿಎಲ್ 2022 ಫೈನಲ್ ಪಂದ್ಯದಲ್ಲಿ ಟಾಸ್ ಗೆದ್ದ ರಾಜಸ್ಥಾನ ರಾಯಲ್ಸ್ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಆದಾಗ್ಯೂ ಮೊದಲು ಬ್ಯಾಟಿಂಗ್ ಮಾಡುವ ನಿರ್ಧಾರದಿಂದ ಆರಂಭಿಕರಾದ ಯಶಸ್ವಿ ಜೈಸ್ವಾಲ್ ಮತ್ತು ಜೋಸ್ ಬಟ್ಲರ್ ಕ್ರಮವಾಗಿ 22 ರನ್ ಮತ್ತು 39 ರನ್‌ಗಳಿಗೆ ಔಟಾದರು. ಗುಜರಾತ್ ಟೈಟನ್ಸ್ ನಾಯಕ ಹಾರ್ದಿಕ್ ಪಾಂಡ್ಯ ಅವರು 3 ವಿಕೆಟ್‌ ಪಡೆಯುವುದರೊಂದಿಗೆ ತಮ್ಮ ತಂಡವನ್ನು ಮುಂಭಾಗದಿಂದ ಮುನ್ನಡೆಸಿದರು ಮತ್ತು ನಾಲ್ಕು ಓವರ್‌ಗಳಲ್ಲಿ 17 ರನ್‌ಗಳನ್ನು ನೀಡಿದರು.

ಗೆದ್ದ ಖುಷಿಯಲ್ಲಿ ರೋಡ್ ಶೋ ಮೂಲಕ ಗುಜರಾತ್ ನಲ್ಲಿ ಪಾಂಡ್ಯಾ ಹವಾ ಫುಲ್ ವೈರಲ್ | Oneindia Kannada

ಹಾರ್ದಿಕ್ ಪಾಂಡ್ಯ 30 ಎಸೆತಗಳಲ್ಲಿ 34 ರನ್

ರಾಜಸ್ಥಾನ ರಾಯಲ್ಸ್ ಹಾಗೂ ಹೀಗೂ ಸ್ಕೋರ್ ಬೋರ್ಡ್‌ನಲ್ಲಿ 130 ರನ್‌ಗಳನ್ನು ಹಾಕುವಲ್ಲಿ ಯಶಸ್ವಿಯಾದರು ಮತ್ತು ಮೊತ್ತವನ್ನು ಡಿಫೆಂಡ್ ಮಾಡಲು ಅಸಾಮಾನ್ಯ ಬೌಲಿಂಗ್ ಪ್ರಯತ್ನದ ಅಗತ್ಯವಿತ್ತು. 131 ರನ್‌ಗಳನ್ನು ಬೆನ್ನಟ್ಟಿದ ಗುಜರಾತ್ ಟೈಟನ್ಸ್ ನಿಧಾನವಾಗಿ ಮತ್ತು ಸ್ಥಿರವಾಗಿ ಆರಂಭಿಸಿದರು.

ಆರಂಭಿಕ ಶುಭಮನ್ ಗಿಲ್ ಒಂದು ತುದಿಯಲ್ಲಿ ಕೋಟೆಯಂತೆ ನಿಂತು ಇನ್ನಿಂಗ್ಸ್ ಕಟ್ಟಿದರು. ಈ ಯುವ ಆಟಗಾರ 43 ಎಸೆತಗಳಲ್ಲಿ 45 ರನ್ ಗಳಿಸಿ ಅಜೇಯರಾಗಿ ಉಳಿದರು. ಹಾರ್ದಿಕ್ ಪಾಂಡ್ಯ 30 ಎಸೆತಗಳಲ್ಲಿ 34 ರನ್ ಗಳಿಸಿ ಬ್ಯಾಟಿಂಗ್ ಕೊಡುಗೆ ನೀಡಿದರೆ, ಡೇವಿಡ್ ಮಿಲ್ಲರ್ ಕೇವಲ 19 ಎಸೆತಗಳಲ್ಲಿ ಅಜೇಯ 32 ರನ್ ಗಳಿಸಿದರು. ಗುಜರಾತ್ ಟೈಟಾನ್ಸ್ ಅಂತಿಮವಾಗಿ ಇನ್ನೂ 11 ಎಸೆತಗಳು ಬಾಕಿ ಇರುವಂತೆಯೇ 7 ವಿಕೆಟ್‌ಗಳಿಂದ ಗೆದ್ದಿತು.